吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 懷孕前後› 回應母乳顧問Catherine Cxxx 及小心追奶班

懷孕前後今日: 2|主題: 329722

跳至頁

查看: 9522 | 回覆: 42

回應母乳顧問Catherine Cxxx 及小心追奶班 [複製鏈接]

12 3

積分: 105

1^#

發表於 18-7-11 15:45 |只看該作者 |倒序瀏覽 |打印

我喺上星期六，7/7晚上9:18，打咗呢篇嘢上一個媽媽母乳谷。嗰個母乳谷係closed group，好多新手媽媽冇入谷，之後母乳顧問 Catherine主動喺自己個平台用 public to all 形式公告天下俾人網絡欺凌。有見及此，我唯有將件事一五一十再公開講多次，避免新手媽媽受害。

以下係我 7/7 以不記名方式嘅內文:

‼️小心。追奶工作室‼️

想提醒媽咪們小心選擇服務
我們都是苦主(emoji)
以下是綜合幾位母乳媽媽，對某母乳顧問的追奶工作室不愉快經歷，希望大家留意不要被對方利用媽媽想追奶的弱點做搵錢目標。

1. 追奶班
追奶班嘅介紹有一段寫住「根據你的特點，找出你的問題，計劃出一套完整的追奶方案」，好可惜，追奶班頭2個鐘主要講理論，啲資料好多都係喺網上搵到，跟住佢會分析吓大家嘅奶泵，會狂踩某啲奶泵，最後每人入一入房幾分鐘講每人適合嘅喇叭size + Hard sell 一對一咨詢服務！
對其他問題想問清楚？請 join one one consultation。

2. Hard sell
上一點提到，追奶班最差嘅地方，係真正幫到媽媽嘅時間得好少，如果媽媽想再知多啲，就一定要上one one 課程！超級貴，$1200 - $1400 一個鐘，但係想追奶嘅窮媽會因為心急而即刻決定上堂，無啦啦又洗多幾千蚊。即場決定 join就可以用平一百蚊嘅優惠價，$600/半小時上佢個Center，過後想 join 就要以原價 $700/半小時，對方好似好急要你做決定。

市面上有好多奶泵，佢會唔同牌子嘅機test力度，力selling 你買野。奶泵、免提、swaddle、bra、supplements、奶泵、冰袋、olive oil、消毒劑....總之就應有盡有，務求一定有嘢你啱用。

私人傳訊

積分: 105

2^#

發表於 18-7-11 15:46 |只看該作者

cathychow1111 發表於 18-7-11 15:45
我喺上星期六，7/7晚上9:18，打咗呢篇嘢上一個媽媽母乳谷。嗰個母乳谷係closed group，好多新手媽媽冇入谷 ...

3. 一對一咨詢服務，最後每位最少 $2400
上完追奶班單獨入房，佢會嘗試搵出你擔心問題，如果媽媽想知多啲/有問題問佢，佢會話而家嘅會面時間太短，好多嘢都解答唔到，提議join 一對一咨詢服務，可以帶埋bb一齊見佢。

結果當日上去好似被拖延時間咁！

了解情況 30min
睇video，之後幫B換片、掃風 30min
學埋身 30min
泵奶（單泵一邊泵半小時） 1 hour

而佢就玩Facebook、上forum... 時間好快就用咗2至3小時！！一個鐘一千二至一千四蚊！其實幫得到都唔介意俾，但有一大半時間都係拖出黎！

完咗one one 想再問佢嘢？佢會hea覆你，或者答非所問，係完全零跟進！

4. 搽油令bb肚痾， $89一支橄欖油
該母乳顧問連橄欖油都賣，佢有個秘技，叫媽媽喺乳暈度搽橄欖油令泵奶時冇咁痛，有媽媽見完佢之後試，點知bb一直肚痛同痾，媽媽初時都以為佢食人奶會痾多啲，但佢未試過一日痾4-5次！咁媽媽唯有觀察住先，到一個星期後佢覺得唔對路睇醫生，雖然啲大便係正常，唔洗食藥嗰啲，媽媽問醫生會唔會因為搽咗油去泵奶所以咁，醫生話油都會令bb痾...結果媽媽返去即時停用油，第二日bb正常返晒！
該母乳顧問最叻遊花園，總之就唔認支油搞到bb痾！另外，支油當然貴過百佳買超多...

私人傳訊

積分: 105

3^#

發表於 18-7-11 15:46 |只看該作者

cathychow1111 發表於 18-7-11 15:46
3. 一對一咨詢服務，最後每位最少 $2400
上完追奶班單獨入房，佢會嘗試搵出你擔心問題，如果媽媽想知多啲 ...

5. 介紹食胃藥以副作用增奶，醫生朋友度攞藥
有個媽媽表示，該顧問問佢考唔考慮食西藥，媽媽聽到都有啲好奇，就話想了解吓，顧問話係一種胃藥嚟，但該胃藥嘅副作用就係會增奶，佢話佢可以寫轉介信，介紹呢位媽媽去佢一個醫生朋友度攞藥。啲藥一星期要$300。試問一個正常人，點會無啦啦食西藥？對身體影響可大可小！更何況係餵母乳嘅媽媽？

私人傳訊

積分: 105

4^#

發表於 18-7-11 15:46 |只看該作者

cathychow1111 發表於 18-7-11 15:46
5. 介紹食胃藥以副作用增奶，醫生朋友度攞藥
有個媽媽表示，該顧問問佢考唔考慮食西藥，媽媽聽到都有啲好 ...

6. Claim 保險，令你安心購買
該母乳顧問上完堂入房後會fact find 媽媽嘅背景，假設係在職媽媽，佢會話你知如果你公司有醫療保險，佢可以幫你出封證明，咁你就可以用嚟claim保險，因為佢話IBCLC母乳顧問嘅資格等同醫生，繼而sell你上one one。

有媽媽做銀行，自己公司幫襯係AI*，自己有買AX*，佢老公係美國公司有一份cign*好大保障額嘅醫療保險。嗰個顧問嘅staff(應該係佢老公)話一定claim到，所以嗰個媽媽就上咗幾個鐘堂，又買咗好多嘢，而顧問就將嗰八千蚊寫落張certificate of attendance 上面俾媽媽去claim保險。

點知個保險一直都Claim 唔到，第一次係張receipt 打錯日子寫咗2017年，第二次冇寫病徵，第三次保險公司話唔賠因爲母乳顧問唔係醫生(medical practitioner)，媽媽同保險公司再周旋咗三次，因為嗰個媽媽做銀行又熟保險，google到美國立咗法可以claim但香港就未有，最後當然理賠失敗。個媽媽鍥而不捨咁問埋另外兩間保險公司，點知所有保險公司都以母乳顧問唔係醫生為理由拒絕理賠。

嗰個媽媽之後質問母乳顧問，個母乳顧問就叫媽媽去報料俾傳媒，話利用輿論壓力而令到香港嘅保單可以賠償到母乳顧問consultation，嗰一刻媽媽開始覺得佢有問題，答非所問，媽媽再質問究竟邊一間保險公司會賠到，母乳顧問話唔清楚！所以好大機會佢根本冇Claim 保險嘅成功案例！

私人傳訊

積分: 105

5^#

發表於 18-7-11 15:47 |只看該作者

cathychow1111 發表於 18-7-11 15:46
6. Claim 保險，令你安心購買
該母乳顧問上完堂入房後會fact find 媽媽嘅背景，假設係在職媽媽，佢會話你 ...

7. 安睡班
有媽媽話安睡班全部資料都係喺網上搵到，佢成個copy落黎，仲有一個小土大橙子嘅blog，只要喺google打「夜醒」，第一頁就有晒佢全部資料咁濟。

8. 打手
嗰位母乳顧問有幾個好好嘅支持者，嗰啲，支持者勁多奶但係又上追奶班，上完堂就add晒班上面所有媽媽嘅Facebook，仲開咗一個fb msg group，明眼人都知嗰啲支持者係打手，每邊成七八安奶上追奶班做乜？打手係有目的咁上追奶班，有晒我哋咁多個人嘅 Facebook 就可以監控媽媽嘅言論/得閒幫母乳顧問sell嘢！

私人傳訊

積分: 105

6^#

發表於 18-7-11 15:48 |只看該作者

cathychow1111 發表於 18-7-11 15:45
我喺上星期六，7/7晚上9:18，打咗呢篇嘢上一個媽媽母乳谷。嗰個母乳谷係closed group，好多新手媽媽冇入谷 ...

本帖最後由 cathychow1111 於 18-7-11 15:48 編輯

如是者，該母乳顧問用自己個 Facebook 回覆：

【#網絡欺凌 #不實指控 #身心俱疲】

上星期離港與小孩放假，因為九州地區的天氣不穩定，通訊亦受到影響，(emoji)慢了與媽媽們的溝通，我感到十分遺憾。近日有位自稱Cathy Chow的人士在不同的群組內，張貼長文，自稱參加過我的追奶工作室，組織苦主作出公審，我需要在作出回應：

1. #追奶工作室，有理論有實踐，仲每人有5分鐘一對一檢查喇叭尺寸，小班幾個人教學。如果有心呃錢，就會出免費試堂，大包圍，sell 你們買萬元套票，仲會收＄500教成四個鐘去sell 你$1200 一小時的一對一咨詢？我點出問題，如果你需要解決，你可以搵我或者搵同等資歷的母乳顧問，我沒有威迫任何一個媽媽。

2. #HardSell? 明碼實價，我亦都清楚講明這些產品是我精心選擇，公價或者優惠價錢，如果唔買唔緊要，唔會有任何Hard Feeling.

私人傳訊

積分: 105

7^#

發表於 18-7-11 15:49 |只看該作者

cathychow1111 發表於 18-7-11 15:48
本帖最後由 cathychow1111 於 18-7-11 15:48 編輯

3. #一對一揼時間？我清楚列明，如果媽媽獨自前來咨詢，約需1小時，如果與小朋友同來，約需一個半小時。因為小朋友反應難測，可能會大便或者哭鬧，需要安撫，大部份咨詢亦都在兩小時內完成。如果我在咨詢期間玩Facebook玩Forum, 我唔係小朋友，我有自制能力，真係侮辱正常人的知慧。分析小孩的需求是重要的一環，放video 解釋讓你感覺被花了$300，我已經即刻送了等值的產品給你。而你鼓動媽媽放棄一對一咨詢，已經有兩位媽媽下了$600 deposit 都因此而卻步，這是何等誤導！這是我的公開流程：1) 收集孕產信息、2) 確認主要訴求、3) 收集餵養信息、4) 檢查乳房、5) 給予初步診斷、6) 預期管理（決定做哪些輔導和護理）、7) 本次護理和輔導、8) 服務小結和後續改善建議、9) 特別提醒 10) 簽發收據確認

私人傳訊

積分: 105

8^#

發表於 18-7-11 15:50 |只看該作者

cathychow1111 發表於 18-7-11 15:49
3. #一對一揼時間？我清楚列明，如果媽媽獨自前來咨詢，約需1小時，如果與小朋友同來，約需一個半小時。因 ...

4. #搽油令BB肚痛？調整喇叭之後，泵奶時候在乳暈上採少少橄欖油，滋潤皮膚，保護乳房，增加刺激。咨詢後，你的小朋友由奶粉補添變成全人奶，大便增加到四五次一天，之後調整到一兩次，是正常適應過程，根本與橄欖油無關！身為醫務人員的你應該更加明白，好多人都搽羊脂膏，這些油脂，又是否引致小朋友肚痛呢？

5. #介紹胃藥增奶？作為母乳顧問，如果媽媽有奶量問題，我們就會同佢商量不同的方案，其中一個方案就是轉介醫生處方藥物幫助媽媽，我又不是自己開藥，我有什麼不當之處？

私人傳訊

積分: 105

9^#

發表於 18-7-11 15:51 |只看該作者

cathychow1111 發表於 18-7-11 15:48
本帖最後由 cathychow1111 於 18-7-11 15:48 編輯

6. #Claim 保險？今年4月21號，有兩位媽媽參加追奶工作室，介紹IBCLC 這個資歷時，我有提過在70多個國家，是保險機構認可支付。當時有位媽媽，聲稱自己的保險計劃是Global Plan, 在美國發出，另一位媽媽在埸聽到之後，亦嘗試去申領，當時這個媽媽還痛哭被催乳師通乳，這個經過同日參加課堂的多位媽媽可以為我作證，我沒有說她們一定可以申領成功。在未進行咨詢前，我曾書面提醒過她，收費及保險條款需要自我確認，她亦書面回覆已經作出確認，所以我才上門為她作出服務，按她的要求，發出收據。我沒有看過她們的保險內容，我和我的同事如何肯定她們一定可以申報？如果我欺騙她們，為什麼她們公開發出貼文，讚揚我幫助她們改善埋身的成效，亦建議她們身邊朋友接受我的服務？如果我咨詢後沒有跟進，為什麼其中一個媽媽說她脫髮，我馬上分享貼文解釋當中的原因？這段期間我亦不斷支援、關心她們的日常生活，我對得住天地良心。

如果你們對我的服務有不滿，未取得保險否決時，為什麼你們還建議朋友接受我的咨詢？為什麼公開讚揚我的服務？當你們正式確認保險申領失敗，態度馬上作出180度改變，馬上將我的聯絡封鎖，將所有不滿轉於我身上。你們兩位更裝作陌路人，一唱一和，發出數條貼文，無捏我欺騙你們。我多次通過不同渠道主動聯絡你們，希望幫助你們分擔一點，但係不得要領。過去我曾用律師信這商業模式去澄清不實的指控，我明白這個方法在媽媽世界上是行不通的，說之以理動之以情, 加上我尊重你們的私隱，所以沒有將你們與我的文字對話公開. 香港的LC 只有幾百人，私人執業更加寥寥可數，雖然你沒有公開我的名字，但明眼人一看，已經明白所指的是誰。但請不要破壞我專業，請不要忘記你現在埋到身的原因，還有很多人需要選擇另類方案去改善問題。

私人傳訊

積分: 105

10^#

發表於 18-7-11 15:51 |只看該作者

cathychow1111 發表於 18-7-11 15:48
本帖最後由 cathychow1111 於 18-7-11 15:48 編輯

7. #安睡班？上過堂的話，一定會知道，這是大話，我即場展示安撫入睡的技巧？我有錄影片段證明，歡迎大家向我查閱。

8. #打手？如果我有這個財力去聘請打手，為什麼我不鋪天蓋地賣廣告？無論多奶或者少奶，當中一定有問題，知識是無價的，如果真金白銀去付費上堂，真實體驗分享，我每星期都有很多打手，而你曾經也是（你們的公開讚揚文章我還有備份）。有些與我熟絡的媽媽，不忍見到我一個人去應對這些繁忙工作，真心分享我的服務，這些年，那我應該有幾千個打手。

過去六個月，沒有Cathy Chow一位同名同姓的人士參加過我的課程，按入她的Facebook ,活動歷史非常短暫，like佢的post全是印裔人士名稱的帳戶，有理由懷疑這人的真偽，希望大家幫手建議Facebook查證一下。

一如過往，當有自稱苦主，在其他的群組張貼文章作出申訴，群主就會馬上發出聲明，今次如果他們打算為這些媽媽對我作出公開聲討，歡迎他們直接聯絡我，看看我手上面的文件，證明我上述所說的真確性。我過往對你們的聲討不作出任何回應，不等於我認同你們的說法，不等於這是事實。你們多次有組織鼓動媽媽，會影響她們的情緒，間接會影響她們的奶路。

認識我的朋友，上過堂嘅媽媽，對不起，你們會否覺得我近來的母乳文章/視頻分享越來越少，我每天工作12小時，一個星期七日，沒有一天放假。在兒子寶貴的成長期，用了幾年時間，去考取專業資歷，我還要不斷學習去更新資歷，我已經盡我全力去支援你們每一個, 我對兒子感到非常內疚，每季安排一次長假，只是遲了一兩天回應你們，遲了一星期寄貨，就馬上公審，我真係好攰，我不知道如何支撐下去⋯

私人傳訊

積分: 105

11^#

發表於 18-7-11 15:53 |只看該作者

cathychow1111 發表於 18-7-11 15:51
7. #安睡班？上過堂的話，一定會知道，這是大話，我即場展示安撫入睡的技巧？我有錄影片段證明，歡迎大家 ...

本帖最後由 cathychow1111 於 18-7-11 16:08 編輯

我想喺度公開回應 Catherine :

Cathy Chow 背後有幾十個媽媽支持，然後獨立開post，因為我哋知你有幾古惑，會用電話、訊息同律師信騷擾媽媽們，所以我以不記名形式講出你嘅行為叫媽媽小心，不過既然你對號入座，我都唔想再咁小心眼唔公開你個名。

你 hard 唔 hard sell 產品，追唔追到奶，一對一貴唔貴呢啲，上過你堂嘅媽媽自有公論。我都唔排除李嘉誠等級嘅媽媽覺得你好平。不過要媽媽小心嘅係，你用促銷減價形式以短時間內要媽媽 join 你consultation。五分鐘係sell 嘢定真正了解媽媽呢？仲有，你個 breastfeeding.hk 賣嘅嘢有冇 mark up 貴過出面，你心知肚明啦，呢啲公開嘅資料，我都冇需要講太多。你追奶班叫媽媽們多親餵，多泵，再教按摩手法，其實所有資料網上有，媽媽們俾 $500 上自己都搵到嘅資料，究竟值唔值呢？

搽油令 bb 肚痛呢件事就更加要講清楚，嗰位媽媽根本冇做到全人奶，追奶班前後需要補奶粉嘅份量一樣，追唔到奶之餘，你講嘅根本唔係事實，唔好扮可憐。而且醫生已經明確指出搽油令 bb 痾呢個事實，停左搽油就冇再痾！我奉勸各位媽媽，唔好再搽油落乳暈度泵奶。

私人傳訊

積分: 105

12^#

發表於 18-7-11 15:53 |只看該作者

cathychow1111 發表於 18-7-11 15:53
我想喺度公開回應 Catherine :

Cathy Chow 背後有幾十個媽媽支持，然後獨立開post，因為我哋知你有幾古 ...

胃藥轉介邊個醫生，有冇利益輸送，我都想你講清楚。

保險方面等個媽媽自己講，佢 BK 都出過 post
https://www.baby-kingdom.com/forum.php?mod=viewthread&tid=21639834，我會PM嗰位媽媽。

安睡班所有資料都係 download 落嚟係不爭嘅事實，網址係: https://kknews.cc/baby/zjnyma.amp
咁就位位五舊，真爽。你都冇否認過。

打手方面，有位前打手媽媽話自己唔想再俾人利用:
https://www.facebook.com/1621902387927318/posts/1732115103572712/

私人傳訊

積分: 105

13^#

發表於 18-7-11 15:53 |只看該作者

cathychow1111 發表於 18-7-11 15:53
胃藥轉介邊個醫生，有冇利益輸送，我都想你講清楚。

保險方面等個媽媽自己講，佢 BK 都出過 post

本帖最後由 cathychow1111 於 18-7-12 09:17 編輯

該母乳顧問不斷改名令新手無法知道佢啲衰野

由 breastfeeding.hk (母乳黨)
改名為breastfeeding.hk (媽媽專頁)
再改名為 breastfeeding. hk (香港母乳媽媽群組)
再改名為 breastfeeding. hk 樂乳路 (香港母乳媽媽群組)

私人傳訊

積分: 105

14^#

發表於 18-7-11 15:54 |只看該作者

cathychow1111 發表於 18-7-11 15:53
本帖最後由 cathychow1111 於 18-7-12 09:17 編輯

該母乳顧問不斷改名令新手無法知道佢啲衰野

本帖最後由 cathychow1111 於 18-7-12 09:18 編輯

呢個母乳顧問往績:

無知會顧客就剪咗人哋部奶泵機條喉
https://www.facebook.com/lengma101/posts/468955296825923:0

收費奇招
https://m.facebook.com/mamamilkbaby/photos/a.673459649372201.1073741827.624087104309456/1183478368370324/?type=3

未有牌照情況下 "行醫"，再出律師信反咬媽媽
https://m.facebook.com/story.php?story_fbid=1733160310299053&id=1648246202123798

請廣傳
好希望各位媽媽有時間就睇吓，雖然未必關大家事，但如果係餵緊人奶，想去上追奶班就小心，唔想再有媽媽比人劏到一頸血
1）甚麼是追奶班？
2）一對一咨詢服務
3）母乳服務不能claim 保險

https://www.baby-kingdom.com/forum.php?mod=viewthread&tid=21648713

https://www.baby-kingdom.com/forum.php?mod=viewthread&tid=21639834

私人傳訊

積分: 1413

15^#

發表於 18-7-11 16:55 |只看該作者

Catherine 那邊的回應如果大家想追，可以按： https://www.facebook.com/catheri ... s/10157517242824112

私人傳訊

積分: 888

16^#

發表於 18-7-11 18:51 |只看該作者

cathychow1111 發表於 18-7-11 15:53
胃藥轉介邊個醫生，有冇利益輸送，我都想你講清楚。

保險方面等個媽媽自己講，佢 BK 都出過 post

大家好我係其中一位苦主

，我之前主要係針對CC 保險問題而開post

https://www.baby-kingdom.com/forum.php?mod=viewthread&tid=21639409

https://www.baby-kingdom.com/forum.php?mod=viewthread&tid=21639834

之後有媽媽聯絡我，原來苦主有咁多。

之後，我估唔到CC會喺自己網站發聲明，因為個post 冇開名。CC 出個post 內容完全唔係事實，所以我亦都係嗰個母乳谷打返我嘅feedback.

以下係我打嘅內容

6. #Claim 保險？今年4月21號，有兩位媽媽參加追奶工作室，介紹IBCLC 這個資歷時，我有提過在70多個國家，是保險機構認可支付。

<< 你係同另一個媽媽講，你有保險呀？咁我出receipt 俾你啦，可以Claim 㗎，不過可能Claim 到, 可能Claim 唔到。跟住我就同你個Staff(老公?!)講我嗰個係好大嘅plan, 仲講過我老公係做投資公司，你個staff 即刻話，咁實claim到，冇問題！我哋兩個人四隻耳聽到，你地講到咁，正常人都會覺得你哋係有claim保險嘅經驗啦?! 不過我哋冇錄音，你鍾意點講都得啦！

當時有位媽媽，聲稱自己的保險計劃是Global Plan, 在美國發出，另一位媽媽在埸聽到之後，亦嘗試去申領，當時這個媽媽還痛哭被催乳師通乳，這個經過同日參加課堂的多位媽媽可以為我作證，我沒有說她們一定可以申領成功。

<< 你個staff有講過一定得！

私人傳訊

積分: 888

17^#

發表於 18-7-11 18:51 |只看該作者

chichic4u 發表於 18-7-11 18:51
大家好我係其中一位苦主，我之前主要係針對CC 保險問題而開post

https://www.baby-kingdom.com ...

在未進行咨詢前，我曾書面提醒過她，收費及保險條款需要自我確認，她亦書面回覆已經作出確認，所以我才上門為她作出服務，

<<請問我簽咗乜嘢文件？我只係記得我曾經提供過我嘅個人資料，然後你幫我度乳頭size ,我冇印象有簽過咁嘅文件！不如你直接post返我簽過嘅文件，我都想睇清楚！我自問做人非常小心，簽文件我一定會睇！我宜家懷疑你蓋住文件上某啲位置俾我簽名！

按她的要求，發出收據。我沒有看過她們的保險內容，我和我的同事如何肯定她們一定可以申報？

<<你冇睇過？我仲whatsapp你！你仲有覆我！我仲問你，你會點寫張claim，你答 I know what to do, 間接誤導我買產品！記住，係你迫我公開whatspp 對話。

如果我欺騙她們，為什麼她們公開發出貼文，讚揚我幫助她們改善埋身的成效，亦建議她們身邊朋友接受我的服務？如果我咨詢後沒有跟進，為什麼其中一個媽媽說她脫髮，我馬上分享貼文解釋當中的原因？這段期間我亦不斷支援、關心她們的日常生活，我對得住天地良心。

<<我喺Facebook話我脫髮，你答我問題我多謝你關心。但無論點你點樣關心我嘅私生活，保險問題係另一個問題，請唔好混淆視聽。（雖然我WhatsApp問你問題，你都冇幫我解決過問題，不過我無意針著呢點，始終你做生意，收左錢係one off, 我唔會話你唔啱)

如果你們對我的服務有不滿，未取得保險否決時，為什麼你們還建議朋友接受我的咨詢？
為什麼公開讚揚我的服務？

<< 我有建議媽媽上追奶班，係因為你個六部按摩法，我係覺得有用嘅，但我亦都有提醒我嘅朋友唔好上你個one one, 因為實在係太貴，如果冇保險根本唔應該上！不過我同我朋友嘅對話內容你當然係唔知。你幫我BB埋到一邊身，我冇質疑過你，我由頭到尾都係質疑保險方面嘅問題！

私人傳訊

積分: 888

18^#

發表於 18-7-11 18:52 |只看該作者

chichic4u 發表於 18-7-11 18:51
大家好我係其中一位苦主，我之前主要係針對CC 保險問題而開post

https://www.baby-kingdom.com ...

當你們正式確認保險申領失敗，態度馬上作出180度改變，馬上將我的聯絡封鎖，將所有不滿轉於我身上。

<< sorry ,你實在係太過分，我冇辦法再同你展開對話，我本身都冇封鎖你，係你打電話俾我，仲叫你打手send message俾我，我先至封鎖你！

你們兩位更裝作陌路人，一唱一和，發出數條貼文，無捏我欺騙你們。

<< 請你搞清楚，我哋冇無捏你

我多次通過不同渠道主動聯絡你們，希望幫助你們分擔一點，但係不得要領。

<<如果你想用錢威脅我哋刪除嗰個POST, 請你慳返啖氣

私人傳訊

積分: 888

19^#

發表於 18-7-11 18:52 |只看該作者

chichic4u 發表於 18-7-11 18:51
大家好我係其中一位苦主，我之前主要係針對CC 保險問題而開post

https://www.baby-kingdom.com ...

過去我曾用律師信這商業模式去澄清不實的指控，我明白這個方法在媽媽世界上是行不通的，說之以理動之以情, 加上我尊重你們的私隱，所以沒有將你們與我的文字對話公開.

<< 定係理虧嗰個係你所以你唔公開？

香港的LC 只有幾百人，私人執業更加寥寥可數，雖然你沒有公開我的名字，但明眼人一看，已經明白所指的是誰。

<<bk個post 你要對號入座我都冇辦法，你覺得自己咁出名的話

但請不要破壞我專業，請不要忘記你現在埋到身的原因，還有很多人需要選擇另類方案去改善問題。

<<請唔好以為香港LC得你一個，我唔搵你，都有其他LC 幫我解決到問題，要搵一個有品, 有醫德)(sorry I nearly forgot you are not a medical practitioner) 應該都唔難，宜家係你自己一手破壞自己的名聲，終有一日，眾叛親離

**最後我想講，你唔好以為你識寫長篇大論嘅文就可以代表你係無辜，你的而且確有呃我Claim 保險嘅問題，我先要作出咁樣嘅行動，你依家咁樣做令我更加嬲，我冇辦法唔公開我WhatsApp嘅對話，去證明你係有睇過我嘅保險內容同用報料俾傳媒嘅方法令我混淆視聽！一句到尾，你的而且確係講過保險係可以Claim, 但原來你係失實陳述，宜家仲要講大話，我對你非常失望！

另外你提到未進行咨詢前，你曾書面提醒過我，收費及保險條款需要自我確認，我宜家喺度公開講，我要求你將我份文件俾返我睇，我都想睇下我簽左咩！

私人傳訊

積分: 828

20^#

發表於 18-7-11 19:32 |只看該作者

cathychow1111 發表於 18-7-11 15:45
我喺上星期六，7/7晚上9:18，打咗呢篇嘢上一個媽媽母乳谷。嗰個母乳谷係closed group，好多新手媽媽冇入谷 ...

support you mums!!!

私人傳訊

12 3

跳至頁

上一主題 • 下一主題

© 2024 Baby-Kingdom.com Limited.

網站：聯絡管理員廣告查詢私隱政策使用條款免責聲明使用意見