1. 追奶班
追奶班嘅介紹有一段寫住「根據你的特點,找出你的問題,計劃出一套完整的追奶方案」,好可惜,追奶班頭2個鐘主要講理論,啲資料好多都係喺網上搵到,跟住佢會分析吓大家嘅奶泵,會狂踩某啲奶泵,最後每人入一入房幾分鐘講每人適合嘅喇叭size + Hard sell 一對一咨詢服務!
對其他問題想問清楚?請 join one one consultation。
2. Hard sell
上一點提到,追奶班最差嘅地方,係真正幫到媽媽嘅時間得好少,如果媽媽想再知多啲,就一定要上one one 課程!超級貴,$1200 - $1400 一個鐘,但係想追奶嘅窮媽會因為心急而即刻決定上堂,無啦啦又洗多幾千蚊。即場決定 join就可以用平一百蚊嘅優惠價,$600/半小時上佢個Center,過後想 join 就要以原價 $700/半小時,對方好似好急要你做決定。
有媽媽做銀行,自己公司幫襯係AI*,自己有買AX*,佢老公係美國公司有一份cign*好大保障額嘅醫療保險。嗰個顧問嘅staff(應該係佢老公)話一定claim到,所以嗰個媽媽就上咗幾個鐘堂,又買咗好多嘢,而顧問就將嗰八千蚊寫落張certificate of attendance 上面俾媽媽去claim保險。
你 hard 唔 hard sell 產品,追唔追到奶,一對一貴唔貴呢啲,上過你堂嘅媽媽自有公論。我都唔排除李嘉誠等級嘅媽媽覺得你好平。不過要媽媽小心嘅係,你用促銷減價形式以短時間內要媽媽 join 你consultation。五分鐘係sell 嘢定真正了解媽媽呢?仲有,你個 breastfeeding.hk 賣嘅嘢有冇 mark up 貴過出面,你心知肚明啦,呢啲公開嘅資料,我都冇需要講太多。你追奶班叫媽媽們多親餵,多泵,再教按摩手法,其實所有資料網上有,媽媽們俾 $500 上自己都搵到嘅資料,究竟值唔值呢?