Hello mei6904,每個BB適應固體食物進度都有吾同,8個半月BB需要食唔同穀類食物(粉、麵、麥皮、薯蓉)黎攝取全面營養,透過咀嚼唔同質感食物鍛鍊口腔肌肉能力肉,有助日後BB說話能力發展。飲奶多係一個比較常見引致BB食固體時胃口唔好原因,進食份量唔多都唔好太快補奶,兩餐相隔最好4-5個鐘或以上,佢地專注力有限,通常係進食首15分鐘係佢最專心時間,試下利用顏色鮮艷食材/餐具,仲可以加入少量牛奶令醬汁更香濃幼滑黎吸引BB胃口架。BB開始食第二餐固體未?
一般8個月BB一餐固體包括穀物、瓜菜、肉、魚、蛋、豆類食物,多D唔同食材配搭,顏色鮮艷和天然甜味食材會更吸引BB胃口。有冇試過用魚湯煲有味杰身粥/軟飯? 魚類種類多,肉質較軟BB會易D吞嚥,大魚、山斑魚、紅衫、大眼雞、左口魚都係唔錯選擇,配搭唔同菜蔬類時令高纖食材,例如南瓜、節瓜、紅蘿白、冬瓜可以增加天然甜味。由於每種魚的蛋白質不同,每次食新的魚類份量要由少開始,連續試3日,睇下BB會唔會有過敏。