純好奇: 你來過阿德幾多次?
你批出係PR, PR 不存在申請FIRB approval 問題,買乜都得, 已比TR 易諗,你既問題只係錢既問題.
有樣野唔知你為意唔為意, Adelaide 既失業率在全國數一數二, 好多呢樹本土人讀完書都要出去 SYD 或MEL 揾工, 因揾唔到工, 專業人士都唔例外。Adelaide 係一個慢活城市, 商業活動不多, 四圍見生存到既多係民生野 (飲飲食食個類), 要心理準備搵工要預一段較長既時間, 或只做 casual job, 亦預左你來到後揾唔返本行, 及收入會少。
呢樹屋唔貴, 相比起東岸個邊炒貴哂而言, Adelaide 已算平,詳情可得閒就上 www.realestate.com.au 望望, 你心中想要既townhouse 約40 萬大右 (視地區同大細啦), 你想要揀埋學校區就唔會太平 (我眼見個個移居來既港人, 一係就未生, 一係仔女都係六歲以下個停), 大家諗既野相近, 自然需求都堆埋一邊啦 (東面 Magill 個頭較多官校)
全世界銀行做 mortgage 條件都係睇申請人有無穩定既收入, 有既話PR 已可借到 8 成以上 (睇你收入有幾好啦), 以 Adelaide 現時情況, 你都不能確定幾時搵到工, 人工幾多,仲要起碼做到三個月以上以 provide consistent income proof, 當中你地未搵到工時,住既著既食既都係錢, 我會建議你地不要急, 你手上個8萬用來預無收入時拎來駛好過在現階段諗買樓。
你在阿德買樓不要以香港既心態去睇, 即係呢樹既樓不會眨下眼就升10%, 你有錢就幾時都可以買到野, 你是PR, 不用焗限只能買新樓, 又唔駛被罰重稅既話成本已低好多, 選擇亦多, 你要擔心既係反而因為你未有正式長久收入而做唔到 mortgage 即係要 full pay (若香港有物業就多趁香港仲有入息時加按自己層樓再用呢舊錢去 full pay 澳洲既屋, 但你在港無物業即係呢個方法不適用了) 咁既話即使間 townhouse 賣你35萬, 你要差不多HK$200 萬出來都不容易
因此個人建議, 你倆在阿德經濟基礎未穩, 應先考慮租, 一來可觀察該區是否適合自己, 二來再揀岩心水既樓, 甚至睇唔岩既, 平平地自己買地去起心水屋都仲得 (咁做唔一定貴, 只係煩, 煩成個建築過程去監察起樓間公司, 但反正來阿德就係預左大把時間乜都慢慢來架喇, 一日只搞一樣野都得既, 咁就無所謂了)
不建議現時租太大既屋以節省成本, 生活在澳洲好鬼多雜費, 食個老麥餐都 $1X 澳幣, 所以人人都會自己煮食去慳錢, 現在你又反正未有小朋友, 太多消費上既未知數, 必需妥善理財, 租間2 房 townhouse 都 very good 呀, 澳洲一般租約係一年, 大抵都足夠時間比你看清形勢, 再決定下一步點行, 呢樹租務條例係保障租客多D 的, 所以唔駛擔心好似香港咁比人大幅加租趕你走 (加都係跟 inflation 咁 2-3% 個類), 你有租交的話, 業主不能趕你走的,所以比香港放心。估你用呢一年應會更了解阿德, 到時你睇定環境, 應有穩定收入, 慢下手有埋小朋友了, 咁你就會知自己想要乜屋啦, 對嗎?
以上意見, 岩聽就拎去, 唔岩就當我搭訕好了。