我唔識同我阿媽相處

tinker1212
|
由細到大佢都要求我做佢口中乖女,逼我做好多野。其實我一直都忍讓,係之前家庭有啲問題而佢不斷向我發洩到我頂唔住,我叫佢去睇心理醫生,當幫佢又好幫我都好,佢持續話癲個個係我唔係佢我就作罷。到呢幾年,我結咗婚,叫有自己頭家,就同我講人地個女點點點,我真係好想嘔,咁點解你唔睇吓人地阿媽點點點,一直要求別人達佢標,佢做唔到人地要求就係人地錯,錯在難為佢定個咁高要求。我對住佢真係身心俱疲,就快到我生日,話同我食飯,就要我自己訂檯,訂完又話唔好要食好啲,問佢想點又話你生日你話事,咁我訂咗點解仲咁多野講?仲要講咩我生日佢受難,咁辛苦做咩仲要食
crystal媽咪
|
本帖最後由 crystal媽咪 於 18-7-19 22:25 編輯



333s
|
tinker1212 發表於 18-7-15 17:44
由細到大佢都要求我做佢口中乖女,逼我做好多野。其實我一直都忍讓,係之前家庭有啲問題而佢不斷向我發洩到 ...


有冇為她過生日?

1. 教育媽媽, 別比較....

2. 多給她知, 說些那么不孝子女新聞, ... 怎哀法。

我媽也是要求多多的。永不會贊底同意我的看法, 認同我為她做的。很失望的。

我對她說, 我分享你當耳邊風,不上心, 不願听,  是你損失。 難道是我損失?
正如時下年青偏激,為反對而反對, 不好好用腦來思考。








tinker1212
|
crystal媽咪 發表於 18-7-15 18:21
你哋使唔使一齊住? 我媽近年有腦退化,一半時間喺我度住。我有時 ...

唔使同住,但會話點解我唔買間屋畀佢。到你爆佢佢又會講都係講吓即
tinker1212
|
333s 發表於 18-7-15 18:50
有冇為她過生日?

1. 教育媽媽, 別比較....

佢生日我要訂檯訂蛋糕,地方要靚要影相呃like 好食與否唔重要,貴得架喇,張單就當然我埋。我最嬲佢成日要求人地做好啲,叫佢做好啲就係難為佢,叫佢睇少啲電視做義工又好見識都好就叫我畀錢佢旅行。我都唔係十八廿二,但我真係覺湊佢我好攰,永遠要反省既就係我,我對佢唔夠好,我畀唔夠錢佢,佢唔發覺自己既性格有幾難頂同推開人,佢會話自己唔係比較係鞭策你做好啲,人要向上爬而佢係你爬向上要揹住既野。你唔考慮埋佢你就天地不容不孝要畀雷劈架喇。我已經唔知可以點再面對佢
mandy952
|
tinker1212 發表於 18-7-15 19:17
佢生日我要訂檯訂蛋糕,地方要靚要影相呃like 好食與否唔重要,貴得架喇,張單就當然我埋。我最嬲佢成日要 ...

你太遷就佢,仔女同父一樣都可以縱出黎。
朋友阿媽都係咁,佢媽好惡,朋友從來冇say no,阿媽話要慳電,佢就連沖涼都唔敢開燈。人地眼中嘅孝順女,但生活得好辛苦,30幾歲人終於搬出去,情願捱貴租。
cedarcone
|
每個人都唔會識得同任何人相處 , 包括父母 /夫婦/情侶,
孖仔孖女都有不同之處 , 除非有兩個我。

實際,只有雙方或單方, 做好忍讓,體諒與包容,這樣會較容易相處 !








cancan2013
|
tinker1212 發表於 18-7-15 17:44
由細到大佢都要求我做佢口中乖女,逼我做好多野。其實我一直都忍讓,係之前家庭有啲問題而佢不斷向我發洩到 ...

本帖最後由 cancan2013 於 18-7-27 13:02 編輯

同我媽一樣。我生日餐飯仲要自己俾錢,冇生日蛋糕冇禮物
佢生日又要book貴野食,又要蛋糕,又要禮物
barbielun
|
本帖最後由 barbielun 於 18-7-27 14:12 編輯

樓主,身同感受 我同D弟妹咩都要順晒佢,因為佢含辛如苦養大我地。媽同爸不和,媽小小事就對我地發脾氣,又威脅要死。一有咩事,就一定係我地唔啱,但明明我地咩都冇做,佢心情唔好就揾我地出氣。我地又好孝順同就佢,次次無端端俾佢閙完仲要say sorry。

我地真係好攰好攰,我妹仲搞到日喊夜喊,大家覺得好辛苦

irisw
|
每年我生日都要同佢食飯,因爲生我佢最辛苦喎。
如果唔同佢食後果自負。
佢生日又當然都係要請佢食,其實都冇所謂。試過有一年唔記得佢生日嬲咗我幾耐。
平時就無理取鬧,有佢講冇人講,佢錯就得,我錯就鬧爆,唔like就cup人線。成個皇太后咁難服侍到爆,忍佢真係忍得好辛苦兼好大壓力成日怕唔知做錯咩又激嬲佢。
irisw
|
我最唔想對住嘅人就係阿媽,可能真係母女緣薄,我地性格好唔同好唔夾。由細到大都冇兩句。其實我真係怕咗佢。
但係我好少同身邊人講,因為其他人一定覺得我不孝。
IamKitty
|
無緣
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽