吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 男人出軌了卻不願離婚，到底是為什麼？ ...

夫婦情感今日: 30|主題: 42419

收藏本版

發帖

返回列表

跳至頁

查看: 22051 | 回覆: 79

12 3 4

積分: 94

1^#

發表於 18-7-17 21:31 |只看該作者 |倒序瀏覽 |打印

事情係由三月開始，當時去咗台灣旅行發現老公性唔同左，都唔知點解佢會無啦啦因少事而大發脾氣，我自己本身都係一個好性急嘅人冇耐性，但係同先生10幾年感情，慢慢學會發咁大脾氣都冇乜用，因為鬧交都會傷感情，所以果次我冇乜點理佢叫佢自己冷靜，但係其實個心會諗到底佢發生咩事。然後返到嚟香港我發現自己染上性病，去咗睇醫生，當時冇問醫生性接觸係咪唯一傳染嘅途徑，係質問先生嘅情況底下佢唔承認仲發好大脾氣，咁我都信佢唔會咁大膽同其他女人上床，雖然呢10幾年，每隔幾年佢都會識下啲異性朋友，但係我相信佢冇同其他女人上床，所以我懷疑自己係用咗污糟嘅廁所，所以感染。
佢做揸車嘅有時座佢架車都會發現多左啲新嘅精品，係一d你唔認為佢會買嘅精品，即係例如嗰啲粉紅色心心型寫住陪你一起到老嘅咕(emoji)，每次質問佢佢都話佢自己買，仲會問番我轉頭話洗唔洗帶我去買果間鋪頭睇，當我叫佢帶我去睇，佢又話唔記得係邊間買，呢一切一切解釋唔到嘅嘢其實都估到一半。但係因為冇證據每次都會因為呢啲野而鬧交我都好攰，鬧到最後果次我傾左幾個鐘，講到聲都沙埋我話其實如果你出邊有第二個我哋分開啦無謂大家都辛苦，佢就識淨係識得問返我，咁你想點你想點每次同佢鬧交佢都淨係問你想點，我咪答佢依家唔係我想點係你根本解釋唔到。

0 0 0

私人傳訊

seesee12345

洋房

積分: 94

2^#

發表於 18-7-17 21:31 |只看該作者

seesee12345 發表於 18-7-17 21:31
事情係由三月開始，當時去咗台灣旅行發現老公性唔同左，都唔知點解佢會無啦啦因少事而大發脾氣，我自己本 ...

其實我哋一日都冇一個電話一個訊息，但係我間唔中會打俾佢，我手機都有set佢定位，但係有時唔準，因為個定位話佢係屋企，但其實佢係出邊，所以我都冇信到十足。直至有一次中午我定唔到位，然後我打俾佢冇人聽打足15分鐘都無人聽，係呢個時候我收到一個陌生女人加我微信開場白係你老公依家係我屋企。當時我好崩潰咁樣喊咗出嚟唔知點算，隔咗5分鐘到我冷靜落嚟，我問返個女人有咩證據咁開心send啲相嚟睇吓，個女人冇覆我。然後我老公打俾我話啱啱搬緊貨所以聽唔到我電話，當晚佢返嚟我有俾呢個信息佢睇問佢原因佢淨係答我唔知點解，我有我講都冇意思，我再重申一次如果你係出邊有女人我哋不如和平分開啦，佢淨係同我講唔知點解同發脾氣話我唔信佢。

私人傳訊

seesee12345

洋房

積分: 94

3^#

發表於 18-7-17 21:35 |只看該作者

seesee12345 發表於 18-7-17 21:31
其實我哋一日都冇一個電話一個訊息，但係我間唔中會打俾佢，我手機都有set佢定位，但係有時唔準，因為個定 ...

大概前因係咁樣，之後我終於搵到證據，我搵到證據嘅時候個心好痛，有問過自己一路都想搵證據到而家搵到證據係咪真係自己想要？呢一刻我明白點解有啲女人會話老公識得返屋企就唔去發掘真相，但我知道自己唔係一個咁嘅人，因為我同我老公兩個經濟獨立，家務係我做多，佢冇俾家用，屋租一人一半，我都間唔中會有怨言，但老公係我自己揀嘅我都會繼續一齊捱落去，呢個係我自己個心情

私人傳訊

crystal媽咪

寶石宮

積分: 329020

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

4^#

發表於 18-7-17 21:39 |只看該作者

回覆樓主：

本帖最後由 crystal媽咪於 18-8-7 22:44 編輯

……

私人傳訊

seesee12345

洋房

積分: 94

5^#

發表於 18-7-17 21:41 |只看該作者

seesee12345 發表於 18-7-17 21:35
大概前因係咁樣，之後我終於搵到證據，我搵到證據嘅時候個心好痛，有問過自己一路都想搵證據到而家搵到 ...

講返搵到啲咩證據，就係佢哋係WhatsApp嘅對話，雖然我老公自覺好聰明，每次返屋企都刪除曬所有對話的語音，但係我同步左去WhatsApp同屋企部電腦，其實同步左之後頭三日係冇嘢睇，直至到有一日我發現我老公話係機場但係我個定位唔係係，一懷疑之下我就開屋企部電腦睇，結果比我睇到晒所有對話，所以我知道咗佢每朝早趕時間返工就係去個女人屋企度飲湯同上床，然後個女人會視頻沖涼俾我老公睇，個女人係大陸人24歲有個唔到兩歲嘅女亦都有老公，每朝早同佢老公返工佢就會叫我老公上去，到夜晚佢老公返咗嚟，佢就間唔中會偷落街同我老公係架車度幽會，我每日睇住佢哋啲對話係要大概四五日我有時都唔知自己喺度做緊乜嘢，瞓係你隔離嗰個，每日若無其事同你講返工好辛苦又搵唔夠錢攞返黎俾你，但係結果日日去咗偷食人妻，可能你哋會問點解我唔即時同佢攤牌，因為我等緊上公屋，當我第一日知道嘅時候我當然好想攤牌，但我知道呢個時候要冷靜啲去面對，因為佢仲爭我錢，如果呢刻我同佢攤牌我有冇屋住又冇得拎返d錢

私人傳訊

seesee12345

洋房

積分: 94

6^#

發表於 18-7-17 21:46 |只看該作者

seesee12345 發表於 18-7-17 21:41
講返搵到啲咩證據，就係佢哋係WhatsApp嘅對話，雖然我老公自覺好聰明，每次返屋企都刪除曬所有對話的語音 ...

但其實我有諗過佢唔想離婚到底係咩原因，大家可以一齊生活？但係都唔關心對方又唔在乎又要講住大話甘過生日又要俾老婆check 住，咁其實一齊又做咩呢？但係冇答案嘅嘢我都唔會俾自己成日諗，我反而用更多時間去諗下冇咗佢嘅日子又會點樣過，其實我知道我係習慣咗呢一個人係我身邊，自從我爸爸過身之後一直同佢一齊住，講真個句我真係未試過一個人住，當然係冇乜嘢好怕嘅，但係我好似爭d勇氣，所以有時我都問自己，我係咪可以忍受到呢個人繼續係我身邊生活，其實只要我不聞不問我相信佢都唔會主動提離婚，但係理性話俾我知呢啲唔係我想要嘅嘢

私人傳訊

seesee12345

洋房

積分: 94

7^#

發表於 18-7-17 21:48 |只看該作者

crystal媽咪發表於 18-7-17 21:39
定位嘅嘢就唔可以盡信.我都有喺屋企人手機裝定位,有時唔知點解係睇唔到.
即使對方部手機喺我手上有時都係唔 ...

係呀所以我知道定位唔可以盡信呢個都唔係證據嚟嘅直至我睇到佢哋WhatsApp嘅訊息同對話呢啲先係確實嘅證據。分身家我相信一定唔係囉，因為佢冇錢嘅。

私人傳訊

seesee12345

洋房

積分: 94

8^#

發表於 18-7-17 21:55 |只看該作者

seesee12345 發表於 18-7-17 21:46
但其實我有諗過佢唔想離婚到底係咩原因，大家可以一齊生活？但係都唔關心對方又唔在乎又要講住大話甘過生 ...

而家等緊上公屋期間，每一日日子都好難過，我又唔可以返工，好多時間諗嘢，好果方面諗，又可以比自己諗清楚啲，確定左佢有女人到而家大概四個星期時間我都開始習慣點樣唔令自己咁傷心，頭果兩日知道件事，夜晚佢訓佢隔離自己只有心痛同流眼淚，最緊要係忍住唔好同佢攤牌，真係好辛苦，以我性格來講要我忍住唔講，其實真係一件好辛苦嘅事，經過今次件事我相信用嘅eq又再高咗，不過問心嗰句，除咗等公屋之外，其實我個心都係唔捨得嘅，感情嘅嘢點會話冇就冇呀，唔好理佢10幾年黎對我好定唔好，佢始終陪左我10幾年，只係唔知留呢個人來仲有咩用

私人傳訊

jackiemei

侯爵府

積分: 22549

9^#

發表於 18-7-17 21:57 |只看該作者

回覆樓主

等公屋仲要幾耐？
或你已經等咗幾耐

私人傳訊

crystal媽咪

寶石宮

積分: 329020

10^#

發表於 18-7-17 21:58 |只看該作者

回覆樓主：

本帖最後由 crystal媽咪於 18-8-7 22:44 編輯

私人傳訊

seesee12345

洋房

積分: 94

11^#

發表於 18-7-17 22:02 |只看該作者

seesee12345 發表於 18-7-17 21:55
而家等緊上公屋期間，每一日日子都好難過，我又唔可以返工，好多時間諗嘢，好果方面諗，又可以比自己諗清 ...

我有佢哋嘅錄音有佢哋嘅對話，真係好想公開希望一轉十，十轉八，比個女人嘅老公知道自己個綠帽帶到落腳趾公，有好想公開呢對話俾我老公嗰邊D親戚睇佢係咩人，今次離婚係因為佢出軌。但我都冇咁做到第一要忍，第二其實比屋企人知道又點，公開個女人啲相全名生日日期住邊區我一定會做，冇可能咁唔公平個女人知道我存在知道我嘅事我乜都唔知佢嘅嘢嫁嗎，頭先講漏咗個女人前幾日又微信我，我同我老公去放狗佢話佢係屋企附近見到我放狗叫我小心啲，當我俾個對話我老公睇佢都係話唔知點解。呢個解釋真係好好笑，出去玩女人玩到影響到自己老婆佢都唔收手，咁都好嘅起碼遲啲自己容易啲恨心

私人傳訊

seesee12345

洋房

積分: 94

12^#

發表於 18-7-17 22:03 |只看該作者

jackiemei 發表於 18-7-17 21:57
等公屋仲要幾耐？
或你已經等咗幾耐

已經踏入審查階段，呢兩個月會去審查見主任

私人傳訊

seesee12345

洋房

積分: 94

13^#

發表於 18-7-17 22:04 |只看該作者

crystal媽咪發表於 18-7-17 21:58
既然你哋兩個都有唔同嘅理由唔離婚住，自己做番好預防措施。至於性病嘅問題，之前有其他分享，去健身室做 ...

我之後有問過醫生只會經性接觸傳染

私人傳訊

jackiemei

侯爵府

積分: 22549

14^#

發表於 18-7-17 22:06 |只看該作者

seesee12345 發表於 18-7-17 22:03
已經踏入審查階段，呢兩個月會去審查見主任

咁再忍一忍

起碼之後你可以有個地方住先。

想辦法要佢還錢

私人傳訊

soso1227

珍珠宮

積分: 37246

醒目開學勳章畀面勳章

15^#

發表於 18-7-17 22:36 |只看該作者

你咁忍得，已經好叻。
你老公賤，個人妻更賤。
人妻已經刺激，又年輕，又多花式，你老公肯定被吸引，
但對方有老公有女，未必會離婚跟你老公，
你老公keep住你，再偷情，最着數，
所以你老公唔想離婚，便死口唔認。
個人妻主動Wechat 你，相信佢有爭勝心，
你不妨同佢講，你當老公免費叫雞。
搜集證據，等時機成熟就送奸夫淫婦一程。

私人傳訊