希望大家分享1.5歲至2歲嘅育兒經驗

車厘子bb
|
平時都係自己湊阿女,多數落公園玩或約其他同齡朋友一齊去街,但最近有個感覺,覺得阿女好似知好多嘢,覺得唔可以再停留係玩嘅階段,又眼見媽媽谷d媽媽有攞書俾小朋友啦,識玩配對啦,識聽故事啦⋯⋯
覺得自己個女好似淨係識落公園玩,其實又阿女出世我已經係覺得佢嘅童年應該係開心的,而唔係未夠三歲就要攞住本書來讀,渣住支筆寫字,鋪排爆棚的興趣班⋯⋯
但我依家真系唔知現階段可以培訓個女d乜嘢,女女依家20m大,有冇媽媽一齊分享一下你地點樣培訓20m左右大嘅小朋友呀?或者你地係呢佢地呢個階段會同佢地做d咩?一齊分享下
haha748494
|
我細B16個月,我覺得睇小朋友興趣,如果鐘意,可以從果方面入手學習。
GCHK
|
我覺得可以陪佢讀D故事,俾佢翻書,培養閱讀嘅興趣
xtinalo
|
車厘子bb 發表於 18-7-18 22:54
平時都係自己湊阿女,多數落公園玩或約其他同齡朋友一齊去街,但最近有個感覺,覺得阿女好似知好多嘢,覺得 ...

落公園同朋友仔玩係好好架,都可以學好多野。我除左出街玩,都會去圖書館借書俾我仔睇。佢超鍾意睇書。我同佢睇書講故仔唔係想培訓佢,而係為親子,佢又可以學我講野,佢鍾意個故仔嘅話會睇得好開心要睇好多次。
我都會俾支蠟筆俾張紙佢自由畫畫畫。
玩配對都只係為應付下面試啦。
廿幾個月大都冇咩好培訓,只係想俾多啲唔同嘅嘢佢去試同玩
我要做媽媽
|
培養閱讀興趣真係好重要,仲有就係呢個年齡階段會跟住你大人學嘢喇,所以大人都要做好榜樣
Yellow_Bean
|
20個月BB, 我主力訓練自理能力(e.g. 用匙/ 叉自己食晒一餐飯, 用杯飲水, 自己扶住上落樓梯, 除衫褲鞋襪, 刷牙, 洗手, 抺咀...). 仲有訓練語言能力, 歲半後開始講到短句 (e.g. 食包包, 媽媽坐), 教多 d 詞彙/ 顏色, 好快就會識講完整句子(e.g. 我想食餅餅, 紅色杯放桌面).
Channnnam
|
Yellow_Bean 發表於 18-7-23 17:51
20個月BB, 我主力訓練自理能力(e.g. 用匙/ 叉自己食晒一餐飯, 用杯飲水, 自己扶住上落樓梯, 除衫褲鞋襪, 刷 ...

(emoji)
Mymelody.waiwai
|
本帖最後由 Mymelody.waiwai 於 18-7-27 17:08 編輯

我仔仔21個月,由我自己湊佢,我都係每日帶佢落街行下,見下人,等佢冇咁怕醜,冇刻意要佢學習或者認形狀顏色,隨佢喜好鍾意玩乜就玩乜,佢近乎無時無刻都係玩波波,由朝到晚叫我吹汽球,我之前都好似你咁擔心阿仔識係識玩,乜都唔識,但最近我發現佢原來不知不覺間已經識分顏色,食物,動物,雖然我冇刻意教佢,但日常生活中我同佢講好多嘢,可能從中佢已經吸收左. 喺屋企佢見到地下有頭髮,會"咦……"一聲,之後執起掉左佢,佢流口水落地會拎紙巾抹地,會掉垃圾,其實呢啲動作係我平時會做嘅,佢有樣學樣,日常生活中佢吸收緊好多知識,所以身教好重要!佢會抹咀,刷牙,蓋被,不過仲未識自己食飯😣
車厘子bb
|
Mymelody.waiwai 發表於 18-7-27 17:00
我仔仔21個月,由我自己湊佢,我都係每日帶佢落街行下,見下人,等佢冇咁怕醜,冇刻意要佢學習或者認形狀顏 ...

我女都係同你仔差不多,不過佢識自己食飯,但無奈佢好懶,知道一定會有人餵
musiccisum
|
車厘子bb 發表於 18-7-18 22:54
平時都係自己湊阿女,多數落公園玩或約其他同齡朋友一齊去街,但最近有個感覺,覺得阿女好似知好多嘢,覺得 ...

講下故事,玩下messy play,練下啲小手肌
hil_hy_c211
|
回覆 車厘子bb 的帖子

這個年紀的確玩是很重要的~~
不過閱讀都好緊要,大人切忌將自己ge主觀感受( i.e. 讀書係苦事)投射左落小朋友身上~~ 其實媽媽多d同佢講故事,一齊睇下書,除左小朋友會識多左野,佢地都會好開心同媽咪有呢個親密時刻~
fibe0313
|
我女19. 5個月。平時就返playgroup 練下手指肌肉。都有帶佢落樓下公園玩,但少。因為太多蚊同太熱。
係屋企就同佢玩下玩具,睇下書,玩下蠟筆。
會自己食飯,但天地各一半。
RubyYu07
|
讀下故事書,放兒歌,教佢數1-10,多D歡樂比佢,等佢鐘意做自己既事。
Nbs
|
我女都好中意睇書。 其實d 小朋友書又可以揭下又可以轉下,講故事時講得生動鬼馬d, 小朋友覺得都係玩緊。
bchuma
|
車厘子bb 發表於 18-7-18 22:54
平時都係自己湊阿女,多數落公園玩或約其他同齡朋友一齊去街,但最近有個感覺,覺得阿女好似知好多嘢,覺得 ...

我覺得我比較認同開心的童年,而家好多家長都俾咁多興趣班之類嘅小朋友去學習,想小朋友學多點野,但係我覺得最開心嘅童年就係俾小朋友開心玩樂,因為知識固然重要,係呢個你追我趕嘅時代,同樣小朋友心境發育一樣好重要,小朋友等小朋友回歸自然做一個無憂無慮嘅小朋友,等距地養成良好嘅心態,我覺得先係最重要。你問我,小朋友咩野最重要,我覺得距開心,健康就夠啦。
bchuma
|
bchuma 發表於 18-8-10 23:02
我覺得我比較認同開心的童年,而家好多家長都俾咁多興趣班之類嘅小朋友去學習,想小朋友學多點野,但係我 ...

仲有,我個仔性格好好,笑容好好,見到陌生人都係笑容滿面嘅,小區,幼稚園點老師都鍾意我個仔,我去幼稚園幼稚園點家長都話距小朋友翻屋企講話好鍾意同我個仔玩,話我仔好活潑,我對我仔幼稚園要求唔高,學識去廁所,吃飯,洗手,排隊,穿衣服,除衣服,交際,普通嘅禮貌用語,放學係小區同點小朋友踩單車。。開心,心態健康成長夠了。小朋友應該擁有乜野,學習點乜,就係呢點,日後要學習嘅路長著呢。
bchuma
|
xtinalo 發表於 18-7-21 15:34
落公園同朋友仔玩係好好架,都可以學好多野。我除左出街玩,都會去圖書館借書俾我仔睇。佢超鍾意睇書。我 ...

好認同你嘅觀點,幼兒係生活上就可以學習好多野。
bchuma
|
Yellow_Bean 發表於 18-7-23 17:51
20個月BB, 我主力訓練自理能力(e.g. 用匙/ 叉自己食晒一餐飯, 用杯飲水, 自己扶住上落樓梯, 除衫褲鞋襪, 刷 ...

認同,都係生活上嘅野。
RubyYu07
|
bchuma 發表於 18-8-10 23:07
仲有,我個仔性格好好,笑容好好,見到陌生人都係笑容滿面嘅,小區,幼稚園點老師都鍾意我個仔,我去幼稚 ...

哇,你個bb好乖啊…羨慕!我屋企果個係白厭星!
bchuma
|
RubyYu07 發表於 18-8-11 16:22
哇,你個bb好乖啊…羨慕!我屋企果個係白厭星!

每個小朋友都係小天使,我覺得小朋友唔好要求太多 回歸自然本性最好
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽