請教有子女沉迷數字語言既媽媽

maikita
|
小朋友4歲,自細就沉迷數字同語言,會自己响youtube搵video學乘數表同外語(本身屋企巳經係3語家庭)。咁情況下應該俾機會佢再學多啲(例如買練習俾佢做同報興趣班俾佢正規啲學)?定係幫佢發掘其他興趣唔好再沉迷落去?
藍尾巴
|
我會隨佢,會話佢知出去有正規課程,直至佢話有興趣去先同佢報。同時會鼓勵佢試唔同既野,但無興趣就算。
namnamnamlolo
|
由佢
佢大個接觸多d野就唔會咁
我仔以前可以不斷睇數字youtube
youtube內容係1數到100個類英文數字
不斷重複的
都唔明有乜好睇
winghei豬
|
namnamnamlolo 發表於 18-7-20 22:29
由佢
佢大個接觸多d野就唔會咁
我仔以前可以不斷睇數字youtube

想請問睇到幾大?我仔5歲仲沉迷緊
sugopopo
|
maikita 發表於 18-7-20 22:12
小朋友4歲,自細就沉迷數字同語言,會自己响youtube搵video學乘數表同外語(本身屋企巳經係3語家庭)。咁情 ...

我仔就係這類型,識行開始就周圍揾數字,未識講說話就已認得好多英文詞語,k2已好熟識單位乘數,k3識除數同質數,係無論何時一開口就係英文同數字,最恐怖係佢學米奇老鼠卡通講英文,所以到k3時我即刻比佢上外籍老師oral班,我怕佢用卡通音講英文!

至於幫佢發掘其他興趣呢係冇用嘅,因為佢個心係對其他嘢冇乜興趣,我仔現在十歲,一直未有改變,腦中依然係數字同英文,不過有一樣好,唔使跟佢數學同英文功課,考試唔使温都9x分,輕鬆好多。

佢鍾意數,比佢玩下奥數,去比賽吓,佢好有成功感,又有獎攞,唔好浪費咗佢嘅天份。
所以結論係,佢有興趣要比多啲佢,咁就事半功倍。
happybebebe
|
叻仔嚟
可能會好快識自己閱讀
好似我大女細個一樣
而家年年語文都全班第一名
你可以鼓勵佢多閱讀
maikita
|
winghei豬 發表於 18-7-20 23:23
想請問睇到幾大?我仔5歲仲沉迷緊

本來我都由得佢,只係減少左佢睇youtube時間,同埋一見佢睇唔係英文既video就叫佢㨂過其他video, 但前幾日突然發現佢mix左法文同德文數數字,我就覺得要開始正視問題。
maikita
|
sugopopo 發表於 18-7-20 23:24
我仔就係這類型,識行開始就周圍揾數字,未識講說話就已認得好多英文詞語,k2已好熟識單位乘數,k3識除數 ...

我怕佢越沉迷,同學校教既程度差距越大,佢返學會無興趣上堂。你個仔會唔會因為老師未教佢巳經識哂而上堂無興趣?
maikita
|
happybebebe 發表於 18-7-20 23:29
叻仔嚟
可能會好快識自己閱讀
好似我大女細個一樣

我仔對書仲未有興趣,佢最多攞我睇既英文書去讀page number同埋練phonics。
banki00
|
呢D會不會是資優呀?
namnamnamlolo
|
winghei豬 發表於 18-7-20 23:23
想請問睇到幾大?我仔5歲仲沉迷緊

而家6歲
少咗好多了
除了數字
又係地鐵線輕鐵線要背哂個種人
佢英數都唔差
但我覺得偏重咗會影響學中文咁
小曳人
|
banki00 發表於 18-7-21 06:59
呢D會不會是資優呀?
likely yes
小曳人
|
4歲,對文字、數字敏感,可以學認字先,陪讀
然後,可以學圍棋,訓練思考,抗逆力

myaisha0435
|
maikita 發表於 18-7-20 22:12
小朋友4歲,自細就沉迷數字同語言,會自己响youtube搵video學乘數表同外語(本身屋企巳經係3語家庭)。咁情 ...

我個仔係

佢兩歲已經唔玩玩具自己搶家姐d功課寫...當然寫錯曬啦

出街唔洗買玩具, 買本練習薄比佢就好開心

好吧當大家都以為佢好聰明好叻仔嘅時候......

佢確診輕度自閉








如果興趣太單一或者跟同齡小朋友明顯不一樣, 最好特別注意一下他其他生細節
Cclong19
|
留意下佢同其他同齡小朋友有無唔同
同同輩相處有無問題
wingwing515
|
我仔一樣4歲,好鐘意數學同英文,暑假已經開始比佢上oral班,佢好開心,仲專心過自己返幼稚園,數學我就自己教佢加數,遲d會考慮同佢學奧數,
我反而唔擔心佢沉迷,更希望佢藉著呢個興趣去學習,由細打好個基礎
^—^
|
maikita 發表於 18-7-20 22:12
小朋友4歲,自細就沉迷數字同語言,會自己响youtube搵video學乘數表同外語(本身屋企巳經係3語家庭)。咁情 ...

你個仔令我諗起我姨㽒仔,佢又係好細個文字好叻,自己睇VCD學晒拼音,上網自學多國的ABC,讀寫街道啲英文名出嚟......不過佢媽咪想佢全面d,有學各項動靜興趣班,學校成績同各項出面比賽都有獎項....如果你仔仔再加埋閱讀,學習上一定會好好......
bosch
|
maikita 發表於 18-7-20 22:12
小朋友4歲,自細就沉迷數字同語言,會自己响youtube搵video學乘數表同外語(本身屋企巳經係3語家庭)。咁情 ...



正路係俾佢自由發展.


你個小朋友間學校既政策會唔會因材施教? 你要問老師學校有咩野可以配合到你個小朋友需要, 你既期望理念, 甚至居住國既學制而決定俾佢學多d 定係限制佢去學.


我屋企都係3語家庭, 住歐洲, 我同老公只俾仔女講外語同埋廣東話, 其他語言包括英文都唔俾佢地講. 我 prefer 接近學校程度同埋教法, 同埋肯定佢打好母語同中文基礎至去學其他語言, 講到尾現階段我唔想個仔同其他人相差太多太遠.


我大仔既語言程度比同齡小朋友好好多, 老師同醫生話自由發展. 佢細個時上堂嫌做d 野太淺, 而令佢脾氣唔好. 好彩學校政策可以做到因材施教, 老師俾難d 既語文同數學題俾佢做, 佢返學時開心左. 不過自由發展背後會出現另一個問題, 就係佢d 同學聽唔明佢講d 野, 因為佢講野用字太深, 講埋d topic 又唔入流, 影響左社交.


如果一個人係有天份同對某d 事有興趣話, 真係點冚都冚唔住. 你鍾意既可以考慮俾佢學語文同數學, 情況其他jm 俾小朋友學野一樣, 呢d 咪睇你既理念... 有d 華人子女夠要返中文學校, d 小朋友未必有興趣去學, 咪又係睇父母理念.... 要學出去學好d, 因為外國人教語言有佢地果套教法. 我個仔跟d 玩具讀字母, 返到學校老師話唔好俾佢咁學, 因為學校係教手語同 phonics, 唔係一黎就教讀abc. 買唔買練習就你自己決定, 我住呢度小朋友見有人weekend 仲要返中文學校或者響屋企做練習要寫字係覺得怪怪地...


我住既地方文化係小學要打好母語基礎, 到中學正式學外語. 我老公響語言方面都係好好, 小學時母語程度好, 中學時學6種語言都可以輕付應付. 因此我覺得我大仔行老公條舊路都唔會有問題, 講真佢地全國人都係咁長大.... 而家大仔響小學階段, 我只俾佢專心學左母語同中文先, 因為佢將來一學其他語言, 中文只會變得越黎越弱勢, 越黎越難keep 到而家謹有既香港幼稚園程度都不如既中文.

至於發掘其他興趣, 可以乜都俾佢試, 或留意佢鍾意d 乜. 但幫佢發掘其他興趣係俾佢有多面發展同埋認識自己, 佢多一個興趣係阻止唔到佢鍾意數字同語言既心.




maikita
|
myaisha0435 發表於 18-7-21 08:11
我個仔係

佢兩歲已經唔玩玩具自己搶家姐d功課寫...當然寫錯曬啦

以前都有懷疑佢係自閉,但大大下佢既自閉symptoms越來越少,叫老師注意佢返學時行為,老師都話完全唔似自閉,而家先叫放心啲。
maikita
|
bosch 發表於 18-7-21 10:30
正路係俾佢自由發展.

放暑假前都仲未有咁過份自學法文德文,果陣時背乘數表中間都仲有少少錯,以為佢當唱歌咁,唔係真係識乘數,前排搭車時無聊抽問佢,先知原來佢真係識,所以而家先開始正視問題,仲未有機會同佢學校傾會唔會有政䇿因材施教,上年我都只係叫老師注意佢會唔會上堂覺得悶無興趣學野,但老師又話無,不過睇嚟下年要認真同學校傾下。

我仔學校除左母語外,仲好重視英文,返學時間比例係一本母語一半英文,出年仲硬性規定要加埋法文,其實我都唔鍾意咁早學咁多語言,我贊成6歲前只學母語,但由於老公好堅持個仔要入返佢母校,咁㨂得呢間學校就唯有跟返學校既方向。亦因為出年學校開始教法文,我就唔知而家應唔應該唔俾個仔接觸法文,因為我唔知點解釋俾佢知而家唔可以學,但一年後又要佢學。

同埋,我同老公响呢件事既取向有少少唔同,我一直偏向佢問都唔教佢,同減少佢自學機會,因為我想佢同同年齡小朋友程度拉近啲,但我老公就覺得佢問得就答佢,但唔會主動教,但每次一答佢既問題,例如phonics,就會stimulate左佢更有興趣。由於發覺佢mix左法德文,我先下定決心要諗清楚兩公婆一致既取向。

至於發掘佢其他方面既興趣,巳經一直都有要佢試玩唔同既野,但好似一直無野可以令佢分心減少對數字語言既興趣。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽