發現老公有小三,應該幾時同佢攤牌,我就嚟忍唔住啦

yltung
|
本帖最後由 yltung 於 18-7-26 23:59 編輯

同老公結婚9年有四個小朋友兩日佢突然間話想攞返啲結婚相出嚟睇,原來佢有小三,已經喺埋一齊幾年即係話,我細仔1歲,我大肚時佢哋已經喺埋一齊。我生左第二個小朋友嘅時候就冇做嘢啦,只做part-time ,所以一路都係由佢樣養家的,小三只有2x歲⋯⋯佢哋一個星期起碼見三兩次,日日通電或傳訊息,見到佢哋啲相,好拍拖feel呀又去行山又去公園又去遊樂場...當然仲有床照啊!我睇到啲眼淚直流,從來冇咁傷心好似有把刀插住個心口都咁,食唔到瞓唔到淨係識喊,避開了一日等我諗清楚點做。好想我可以扮冇事去保障四子女的生活。但係我做唔到!我好驚見到佢,佢一行近,我毛管都動起囇⋯⋯我想同佢離婚。我有他們的通姦證據!我驚佢玩嘢唔俾贍養費這就是細路啲撫養權,定係而家我都就嚟發神經要快刀斬亂麻啦!如果唔係啲仔女可能要入精神病院探我。有時又會諗我會唔會遲啲睇得開,係唔係應該拖下先啦因為講咗冇得返轉頭…定係根本上冇嘢可以返轉頭啦!
crystal媽咪
|
本帖最後由 crystal媽咪 於 18-8-14 15:34 編輯

……
heather1106
|
如果攤牌,你一定要平心靜氣講,吾好同佢嘈,講下係咪想吾要個家,如果係咁四個仔女點算,(如果你太強硬好堅強既樣 ,佢會覺得同你分開你自己生活/自己照顧仔女會冇問題)萬一佢話真係想分開,你吾好將仔女攬晒上身,咁只會益左佢。如果佢吾想離婚 就叫佢一定要斬欖,
wing1388
|
yltung 發表於 18-7-23 11:31
同老公結婚10年有四個小朋友兩日佢突然間話想攞返啲結婚相出嚟睇,我就覺得怪怪地夜晚黑去check電話終於發 ...


首先,香港唔係台灣,就算佢係通姦都唔可以告佢同索償的,通姦只可以作為離婚嘅理由。然而,妳有四個小朋友,而且仲咁細個,妳認為妳一個人可以撫養晒咁多過嗎?好明顯妳經濟上都負擔唔到,莫講話精神上嘅壓力啦!既然係咁,我覺得妳應該俾妳老公知道妳已經發現咗佢有第二個,直接入正題同佢傾先係上策,因為妳丁「忍都唔會有用,咁倒不如直接講叫佢表態啦,如果佢真係諗住拋妻棄子,妳都早啲有個打算吖,而家咁樣妳覺得好受咩?

20150618bb
|
crystal媽咪 發表於 18-7-23 12:16
如果你沒有後著,唔好畀佢知道你已經知道佢有小三。
安排好少少先(如果你想主動攤牌)
女家有冇人可以幫到你 ...
同意佢講法,真係要做好你自己[後著]
Solarflare
|
點解你老公咁得閒出去滾?
4個仔女, 佢無幫你手湊?
番工加埋放工番黎陪仔女玩, 陪做功課, 陪訓覺, 都用晒佢啲精力同時間。
定係你老公有 "自已生意" 成日 做 "公司野" 唔番屋企?
因為如果佢係正常打工仔, 所有番工放工時間你應該清楚。
唔會同呢個小三拍拖3年你都無發現。
你地2公婆有幾多物業係手? 放心, 你結婚十年為佢生左4個仔女。財產一定分一半比你。
唔好諗善養費了。
你有仔女係手, 離婚的話有幾多財產拎盡佢。
唔好諗咩唔想欠左個男人, 你十年青春比晒佢, 生兒育女。佢仲出去滾, 呢啲咁既人唔好同佢講良心。
mini1204
|
通姦又如何呢? 香港無呢條罪
你坐定定諗下自己有咩出路先
如果離, 你要點做
如果唔離, 你又要點做
如果佢要求離, 你又可以點.

最好可以搵個律師問下先, 咁你個心會定D
yltung
|
本帖最後由 yltung 於 18-7-23 16:46 編輯

我已經諗唔到野啦! 之前諗住慢慢陰乾佢啲錢,我實在無法面對佢. 如果佢唔俾會埃窮, 我有2m 係手,我已經幫佢執晒行李陣間諗住送去佢公司俾佢
tansyneko
|
離咗婚,你要一養四,想爭子女撫養權,建議搵咗份正職先,同埋係未攤牌前CAP多D錢先,饍食費依家嘢官判咗要俾佢都可以唔俾架,你無佢符,去到依個地步,最好靠自己
ada_fung
|
回覆 yltung 的帖子

諗清楚先, 唔好衝動!大家係咪冇退路, 你點都唔會原諒佢?
Racmom
|
yltung 發表於 18-7-23 13:45
我已經諗唔到野啦! 之前諗住慢慢陰乾佢啲錢,我實在無法面對佢. 如果佢唔俾會有窮啲, 我有2m 係手,我已經 ...

佢係好賤,
但係你唔好衝動呀,
你送行李去佢公司,
佢會覺得你落佢面、好潑婦咁,
你為左啖氣,冇意思呀

聽聽其他 JM 講,
最好暫時扮唔知,細心計劃一下,
之後先平心靜氣傾,
傾下大家應該再一齊?!分開?!
Nancy20090615
|
咪咁衝動喇, 一大四小得 2M, 可以用幾耐啊? 好多人拖贍養費, 到時咬佢咩?

又唔係急離, 咁衝動有鬼用, 諗清楚, 問清楚律師先喇.



montana
|
yltung 發表於 18-7-23 13:45
我已經諗唔到野啦! 之前諗住慢慢陰乾佢啲錢,我實在無法面對佢. 如果佢唔俾會有窮啲, 我有2m 係手,我已經 ...

曾經經歷過....好明白你依家個心情,以我經驗及經歷話你知,係呢刻一定唔可以衝動,因為畢竟有小朋友,講真可以修補關係,我會建議你選擇修補,當然呢個過程唔容易,另外要盤算可以拎到佢幾多野,最好搵D律師比D專業意見
豬C9
|
小朋友仲細唔好咁衝動。c6鍚唔鍚d小朋友?試下搵d小朋友行親情牌睇下你c6會否睇在孩子份上回頭。
有工人嗎?趁空打扮下,女人唔好為了湊小朋友變得太污we。其實唔明點解你老公要拎返d婚紗相出黎睇。會唔會都有一絲內疚?探下口風睇下老公到底想點
Nancy20090615
|
yltung 發表於 18-7-23 13:45
我已經諗唔到野啦! 之前諗住慢慢陰乾佢啲錢,我實在無法面對佢. 如果佢唔俾會有窮啲, 我有2m 係手,我已經幫佢執晒行李陣間諗住送去佢公司俾佢...

jm, 你無攞去下話?
heather1106
|
你老公真係呀⋯⋯有4個小朋友都仲咁得閒出去滾,睇黎樓主係個賢妻良母,平時吾洗老公點理屋企。如果你自己攬晒4個小朋友 你咪益晒你老公,到時你老公咪仲開心,單身一人樂得逍遙
cy101
|
佢睇婚紗相, 可能佢都有諗離婚!! 佢可能都係15, 16緊, 又或者小三迫緊佢揀???
Viennbbg
|
真係痴線,有老婆仔女都搞咁多野,個老婆咁好都滾!!
yltung
|
謝大家關心,行李已送達去公司,比佢亞媽,亦已經搵左律師辦離婚!佢暫時應承俾錢,但死口唔認話問心無愧:我亦無謂同佢口舌之爭!總之佢比錢唔爭啲細路撫養權,就大家好來好去,佢玩嘢我就同佢玩大佢!
yltung
|
回覆 cy101 的帖子

係,我都係咁諗,如果比佢丁我出局,我肯定唔憤氣,可能哭哭啼啼,一哭2鬧三上吊,又求佢,費事丟架,而家冇晒後路反而個心仲無咁痛
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽