舊年尾有留意到你個帖,因為我個胎都驗出染色體有問題,掙扎過最後年頭引產,三個月內兩次刮宮,大姨媽終於五月到訪,六月頭交功課一次,今日大概七週。
只想分享心態好重要,因為我高齡又有多囊,所以自己好清楚,根本無本錢同多餘時間比我去傷心,大姨媽一到我就約IVF醫生再傾,同時間自己堅持用CB哈哈笑隔個星期測排卵,明知對週期唔準嘅我無用,但我就系唔甘心,同自己講點都要盡力把握每個僅有渺茫機會。慶幸地,糸IVF開始之前就BINGO。
JM你有過BB,証明身體應該無大問題,要再懷上只是時間上問題。過去嘅唔好再多諗,調整好自己各方面,揾唔揾醫生幫手都好,一定要比信念自己同老公,堅持就總會有希望,BB一定會好返黎你身邊。祝福