黃二少奶 發表於 18-7-26 23:52
我女個陣有用個隻有條帶O既背包,佢揹住,我拉住條繩,我收到好短,
等佢習慣貼住我行,慢慢佢會習慣跟住媽媽行, ...
我都係, 由細到大都教佢一定要拖實媽咪, 我的拖法係尾指同無名指中間夾住佢手腕, 其他手指正常咁拖佢手仔, 試過咁樣拖冇咁易被佢甩到手, 拖慣左, 而家好自然我隻手一擺佢就會拖住, 如果我2隻手唔得閒佢就會立即拉住我件衫~
試過我老豆呻我妹個仔成日甩開佢隻手跑左去, 佢又跟唔到跑得咁快, 湊出湊入好驚出事, 鬧極都係咁, 於是有次我同老豆一齊去接放學, 我就同姨生仔講, "拿, 姨媽而家同你玩一個遊戲, 你拎隻手仔出來丫!" 然後我捉住佢手仔, "姨媽有一支超勁既膠水, 而家唧落你手仔度先!" 扮唧膠水, 然後將佢隻手, 同我老豆隻手"啪"一聲合埋, "拿, 而家支超勁既膠水痴實左你同公公隻手架啦, 返到屋企先甩得架!"
跟住佢好開心咁笑住拖實公公返屋企, 我老豆事後WHATSAPP我, 話呢個方法好使得, 個孫真係全程拖實冇甩開過佢隻手~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!