年輕媽媽

kawainnn
|
我剛成為一位媽媽,本身已經好鍾意小朋友,同男朋友現任老公感情好好,我覺得我可以係一位好媽媽,但就係好多唔識既人比唔同既說話目光我,仲要唔識路人一個...你幾歲呀?咁細個就生,你睇落好細個,其實我知唔好理人目光,但就係有啲唔開心,其實我已經二十有多,老公更大我好幾年,係合法,只係一畢業就生小朋友,我願意生時間,心機同愛比小朋友,早生遲生又有咩問題,點解早生就要比眼光人睇!我都係唔明人人有唔同既選擇同經歷既,點解要個個人同你一樣先叫合理!我只係覺得我可以比到小朋友需要既就唔係啦咩!
littlesister
|
好奇一問,你父母點諗?佢地支持你嗎?
yurijm
|
唔使咁上心啦
各人背景唔同
我都識朋友一中學畢業就結婚生仔
屋企大把錢
根本就唔憂柴憂米

外人見佢,咪一樣以為佢未成年少女生仔
真心唔洗理人講乜
人生係你既,加油
豬吉
|
有無經濟能力?
kawainnn
|
littlesister 發表於 18-7-30 01:00
好奇一問,你父母點諗?佢地支持你嗎?

本帖最後由 kawainnn 於 18-7-30 01:05 編輯

我父母起初反對,了解老公係有責任感有工作收入能力,同我唔需要父母經濟或人手幫我所以無再反對。

mike89
|
大把人一夠秤16歲就生,又如何?
根本唔需要急於反駁咩解釋咩,
用成果去反駁一切
Wild_Lady
|
既然覺得自己冇錯,何必在意人哋點睇呢?
我愛Corina
|
你覺得ok咪得囉,你唔需要介懷其他人目光喎。你又唔係靠佢地食飯。
kawainnn
|
豬吉 發表於 18-7-30 01:04
有無經濟能力?

現在主要另一半返工我只係做下一門手藝搵餐午餐,經濟收算可以,唔需要人幫。都可以叫可以,只係我岩岩畢業,仲未有對父母金錢上盡返養育之恩!
kawainnn
|
mike89 發表於 18-7-30 01:05
大把人一夠秤16歲就生,又如何?
根本唔需要急於反駁咩解釋咩,
用成果去反駁一切

係呀,所以我好努力照顧小朋友,有人都話我照顧得好,自問自己咩都好努力去學,只係覺得點解啲人用眼光都算仲要比說話人,人地聽左都會唔開心,本來打算係心聲到講點知post錯位
kawainnn
|
yurijm 發表於 18-7-30 01:01
唔使咁上心啦
各人背景唔同
我都識朋友一中學畢業就結婚生仔

本帖最後由 kawainnn 於 18-7-30 01:18 編輯

多謝,只係係街無啦啦比人話真係有啲失落。我會加油

GIBAI
|
kawainnn 發表於 18-7-30 00:58
我剛成為一位媽媽,本身已經好鍾意小朋友,同男朋友現任老公感情好好,我覺得我可以係一位好媽媽,但就係好 ...

我21歲生,仔現在3歲,初初同你一樣,啲人會話咁細個生,我都有啲壓力,不過慢慢知道唔需要理人目光,只要你用心教好小朋友,你既努力別人係能夠系你小朋友身上睇到,根本只要你同你老公肯負責任,努力做好自己,無論幾多歲生,都一樣可以比到好生活bb,而且我所看到的是,可能因為我地年輕有體力,好多時會陪伴小朋友跑跑跳跳既家長都係比較年輕的,年輕有年輕既好處,加油
GIBAI
|
kawainnn 發表於 18-7-30 01:04
本帖最後由 kawainnn 於 18-7-30 01:05 編輯

我父母起初反對,了解老公係有責任感有工作收入能力,同我 ...

一樣,我初初拍拖我媽話唔想咁快做人婆婆,到我真係有左,我父母初初都好擔心,驚我未玩夠,但慢慢佢地都見到我好比心機湊,教,冇野需要佢地擔心,自己養自己湊,每個月都會搵父母幾次,請父母飲茶,父母都好開心,我父母自己有工作,我同過我媽講到我仔大左,佢退休我就到養佢啦,我媽話唔需要擔心佢,只要我唔需要佢擔心,佢就放心
GIBAI
|
kawainnn 發表於 18-7-30 01:18
本帖最後由 kawainnn 於 18-7-30 01:18 編輯

多謝,只係係街無啦啦比人話真係有啲失落。我會加油

總有啲咁既人,有時有啲人既說話簡直會令你感覺再沒殺哂你一直既努力,但慢慢就慣,小朋友出世冇耐最常聽到旁人既質疑,但小朋友慢慢大,你既努力人地真係會系小朋友身上睇到,啲人仲會讚出口,加油加油
豬皮MAMI
|
我23歲生,唔算細個,但個陣個樣比人感覺細個,揹住阿女等過馬路時,比個拖住個中學生女既媽咪係側邊講「拿!你唔好學呢d人呀」其實我想問佢我究竟衰咩呢?
nsychristy
|
如果你真係一位好媽媽,而你又咁在意人家的說話,咁只係因為你社會經驗少

一個人都係要先確立自我價值,先可以慢慢學識唔理人點睇

做媽媽可能係你的其中一個夢想,但做女人,切記,你不只是一名媽媽、妻子,你還是你自己,假如你生活只有家庭給予你的角色,日久你便容易迷失,工作除左錢、status、打發時間、安全感、自立、見識等雜七雜八以外,俾左另一個角色你,去學習適應社會同埋轉變、另一種人際關係既技巧。

小朋友細個時只係需要照顧、親密感、安全感,再大個 d, 佢要人開導既事越見複雜,媽媽你到時夠成熟去 handle 嗎?成熟係需要 real life experience 的,如果你一畢業就咁投入家庭,經驗太單一了。Bb 仲細,你仲有時間打算下你自己的人生。
點評
Debbie0331    發表於 18-7-30 11:54
sheenaho    發表於 18-7-30 10:46
fongfonglover
|
如果經濟ok你又鍾意小朋友的話,早生係無問題架播,唔需要理人點諗,最緊要你甘心為小朋友為家庭犧牲,始終呢條路揹左上身,就無咁易可以放低架啦,加油吧!
我亦是18歲生仔,你問我如果再揀過,我就寧願遲d生,搵多d錢先~但咁樣個結局就有可能唔一樣,所以既然係自己揀,就盡好自己本份,問心無愧就可以了
藍尾巴
|
下次應d路人甲我就40嫁啦 凍齡呀
chrisdina
|
我都係21歲生,雖然從來冇比人歧視過(可能有,不過我自我感覺良好,feel唔到)
但可以好肯定話你知

過十年,d人絶對會掉返轉羨慕你
所以唔駛介意,自己知道自己做緊乜就可以
tommyxsarah
|
我都好後生生 , 唔覺得有人比說話我聽喎

您係唔係諗多左?
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽