純討論,當身邊朋友做左媽媽

bkcherine
|
本帖最後由 bkcherine 於 18-7-30 21:49 編輯

背景交代,80後,未生小朋友,有好多識於微時嘅同學仔朋友仔,早幾年佢地都一窩瘋結曬婚,近呢兩三年就全部生曬小朋友

事源係: 大家仲係做囡個時好好朋友,由屋企事,嗜好,感情,社交都好多話題,有時候互相鼓勵,又有時候傾吾埋冷,會吵架,到最後都會係會無事,繼續好好朋友,當佢地結左婚嘅時候話題都會依然有,但大多數都係數奶奶,但當佢地生左仔(我未生)嘅時候開始,佢地嘅話題淨反,大肚點點點,去邊度生仔,小朋友開始識咩,到讀書返學,話題變得好乏味,因為本身我自己都有好多姨生侄仔嘅關係,所以最初我都搭得上咀,但有幾次講完自己嘅經驗之後,時不時都會有人母朋友係whatsapp group 度發言,「各位媽媽,請問xxxx?」我開始無回應同反感,漸漸地生疏了,有其中一班朋友仲私底下開左另一個谷,專講媽媽話題,同約出來食反,有次我係fb定ig見到先發現有甘嘅事,即刻就問班朋友中至fd果個,佢話佢地私底下討論左,驚我吾岩話題,所以開左新group ,等我遲啲有小朋友至加反我入去,而原本個朋友group 就再無人出聲,到而家我都有吾開心,覺得朋友吾應該係甘,又好疑惑,究竟做左人阿媽,係咪就無曬除左小朋友嘅話題?

Touch wood 仲有一班朋友係生左仔話題都不變嘅朋友,可以分享生活點滴,無因為我未結婚(之前),未生仔,而覺得我係異類,所以我想問,其實佢地小團子媽媽,究竟仲有無當我係朋友,無嘅就不如自己放下,由她們做生命中的過客,你地有無類似經驗

catcatcho
|
bkcherine 發表於 18-7-30 21:47
背景交代,80後,未生小朋友,有好多識於微時嘅同學仔朋友仔,早幾年佢地都一窩瘋結曬婚,近呢兩三年就全部 ...

我諗你要放開啲,人唔同階段就會有唔同話題,媽媽聚埋就多講仔女經,佢地開一個group講子女野,就係怕悶親你,其實佢地好care你感受呀
bkcherine
|
catcatcho 發表於 18-7-30 21:52
我諗你要放開啲,人唔同階段就會有唔同話題,媽媽聚埋就多講仔女經,佢地開一個group講子女野,就係怕悶親 ...

但係本來個谷已經無講嘢,一班女人出街都無預我
catcatcho
|
bkcherine 發表於 18-7-30 21:54
但係本來個谷已經無講嘢,一班女人出街都無預我

係咪約埋啲小朋友玩咋
Moti
|
我覺得你諗多咗。有B嘅人,話題圍繞BB多啲亦正常,尤其小朋友仲細嗰啲。我覺得佢哋見你少搭咀,怕你唔開心或尷尬,先再開個新group。話題嘅嘢,幾時都係搵啱咀型嘅人先有得傾。如果你覺得佢哋咁樣好唔尊重你,咁就算啦,啱傾再傾,唔好放喺心。
終於開到啦
|
大家生活重心唔同左,做左媽咪自然重心係家庭係小朋友度,唔啱傾咪由佢囉
到你有左小朋友,自然有自己嘅媽媽朋友,到時再睇下呢班朋友咩態度再決定
ikab
|
係ga.... 開口埋口都係嗰囡点点点..... 真係冇野講
wg_ann
|
bkcherine 發表於 18-7-30 21:47
背景交代,80後,未生小朋友,有好多識於微時嘅同學仔朋友仔,早幾年佢地都一窩瘋結曬婚,近呢兩三年就全部 ...

做人呀媽同做囡既生活真係180度既轉變,一個人喺唔同階段有唔同既話題係好正常,只講媽媽話題有時都係身不由己,因為唔係個個媽媽都有時間兼顧其他野,如飲飲食食,睇戲shopping等。
Moti
|
即係好似你移咗民去外國咁,話題自然會圍繞外國多啲啦,唔通仲圍埋係咁講香港。你又唔可以因為人哋唔講香港=唔鍾意你㗎喎。事實人哋真係已經有另外一種感受同體會,講得多都會怕你唔開心,又要就住,不如喺第度講。
BGCOME08
|
本帖最後由 BGCOME08 於 18-7-30 22:01 編輯

同你一樣未生,其實個group冇你份都好嘅,如果唔係whatsapp一日叮到黑,話題不停BB BB同BB,學校學校同學校,包你唔想睇,唔想聽。
tingho
|
既然冇人講野,退group吧,合則來不合則去
eightnine89
|
會唔會另外開gp個班好多都係ftm?
同樣生左仔但話題不變的朋友係wkm?

其實ftm同wkm話題已經好唔同,人愈大愈要接受呢啲改變。
bkcherine
|
eightnine89 發表於 18-7-30 22:02
會唔會另外開gp個班好多都係ftm?
同樣生左仔但話題不變的朋友係wkm?

係呀!
asukav6
|
本帖最後由 asukav6 於 18-7-30 22:06 編輯

咁都無辦法,生左仔女之後一定係仔女最大最多野講
bkcherine
|
Moti 發表於 18-7-30 22:00
即係好似你移咗民去外國咁,話題自然會圍繞外國多啲啦,唔通仲圍埋係咁講香港。你又唔可以因為人哋唔講香港 ...

佢地有試過講你未做人阿媽你吾會明,真係無嘢講
mama01
|
eightnine89 發表於 18-7-30 22:02
會唔會另外開gp個班好多都係ftm?
同樣生左仔但話題不變的朋友係wkm?

無錯,我做ftm一年左右,識左幾個ftm,好好傾&約出黎玩,到我做返野,佢地無改變,仍然講ftm既話題,我就有時搭唔到嘴,我工作&生活日程已經同做ftm好唔同,感受都唔一樣,但無野既,咪照舊傾大路野。友誼係要keep既。
Moti
|
bkcherine 發表於 18-7-30 22:09
佢地有試過講你未做人阿媽你吾會明,真係無嘢講

即係要生過先可以做婦產科醫生。既然唔再啱咀型就無謂勉強。
tantanmama
|
佢地仔女年紀仲細,所以佢地生活中心都係仔女。俾D時間佢地,到佢地仔女升小學後,佢地會多番時間同朋友一齊。
bkcherine
|
我都有問過自己到時候自己生,會不會搵反佢地,我暫時想法係吾會再搵,因為本來我哋本來嘅友誼吾係基於有條件嘅關係,吾知點解發展到有條件嘅友情,已經變左質,又可能到時生左想法會改變啦

自己處女座有執著嘅性格
panyeung
|
你班朋友好好喎,開另一個group 係顧你感受,費事炸爆原先個group ,又唔怕驚你悶,你可以同朋友講,我唔介意呢D話題㗎,我想聽多D,吸收吓經驗呀咁,叫佢地出街叫埋你
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽