原來還是會痛

Cannonak
|
我既第一個小天使上年走了,雖然我之後好快都有返仔仔,亦好感恩仔仔健康出世而家精靈活潑,但其實我一直都冇處理過自己小產既情緒,直到前日唔覺意搵野果陣見返小天使既超聲波相,嘩,啲情緒出哂,啲眼淚收唔到,當天既每一幕都係腦入面run左一次,原來我仲好記得佢排左出嚟既模樣 (10週多,開始見手手腳腳啲形態了),好痛好痛好痛。。。。當日係屋企排出,我要係排出嚟既野到搵返佢 ,不知所措果陣,佢爸爸唔敢幫我睇睇係咪佢,只有婆婆幫我,攪到我而家仲有啲嬲佢爸爸,因為佢唔想面對,到而家佢都唔太想提起...
我明既,但原來唔處理既情緒,係有一日會爆返出嚟,原來失去左既,真係獨立個體,唔會因為你已經生左一個就冇左件事。。。
我好感恩有仔仔,但好想同人講,唔好同小產過既人講:唔緊要啦,而家都有返, 其實都仲會痛, 需要好好處理情緒...

呻完了, 多謝各位jm, 祝福各位都順利好孕
Hello你好
|
本帖最後由 Hello你好 於 18-7-31 09:21 編輯

我明...剛剛喊完...

醫院裡,那個醫生安慰我說:你都好好啦,有個仔...

Cannonak
|
Hello你好 發表於 18-7-31 09:21
我明...剛剛喊完...

醫院裡,那個醫生安慰我說:你都好好啦,有個仔...

本帖最後由 Cannonak 於 18-7-31 10:56 編輯

最慘係,去檢查,登記果啲,成日比人問係第幾胎,之前冇左呀?咁幾週冇呀。。。
勁大聲問,好唔開心...
至同仔仔去健康院姑娘都有問佢係第幾胎,點解要問

JM你保重呀,想喊就喊,我之前情緒冇處理好,我覺得我有啲野跳唔到出嚟, 好辛苦,最慘老公唔想提,一提佢就扯開話題,我覺得我好需要同老公一齊處理呢件事,唔想有個結咁,好想面對左佢
skac
|
你和老公也要加
twtw2017
|
我都係上年第一胎8wk左右,小天使走左. 老公同我一直都無傾過或講起呢件事. 亦冇同屋企人或者朋友提起過. 之後半年,其實好怕喺街度見到大肚婆同小朋友...

慶幸年尾又再有左,但就經常提心吊膽,雖然大家無提起,但我地都明顯地好小心,唔敢操勞,又等到四五個月先同屋企人講. 間中自己一個時(通常都係沖涼時)都會喺度諗,或者小天使曾經既出現,就係要提我地好好預備同珍惜. 有時又會數下如果小天使未走,而家大約幾大個,會係成長到邊個階段呢!?

點都好,大家加油,小心處理好情緒,唔好影響到而家bb ~
luv_miyuko
|
樓主偶然記起佢係好事,咁係代表你冇忘記佢,回憶係要好好收藏。
musiccisum
|
Cannonak 發表於 18-7-31 08:35
我既第一個小天使上年走了,雖然我之後好快都有返仔仔,亦好感恩仔仔健康出世而家精靈活潑,但其實我一直都 ...

我昨晚都喊完
Cannonak
|
skac 發表於 18-7-31 11:27
你和老公也要加

多謝你
Cannonak
|
twtw2017 發表於 18-7-31 12:01
我都係上年第一胎8wk左右,小天使走左. 老公同我一直都無傾過或講起呢件事. 亦冇同屋企人或者朋友提起過. ...

好明白呀,我第二次即係呀仔呢次咩都驚,驚弓鳥,神經質
我都有好似你咁,沖涼時想起上一個佢,但我唔好,一想起就stop自己唔好再諗,因為驚影響肚入面果個,我要放鬆。。
到而家,真係會深深咁諗住佢果陣,發覺真係好痛,之前逃避左既野出返哂嚟
不過多謝你分享,大家努力,我會學你講唔好影響現在。。
Cannonak
|
luv_miyuko 發表於 18-7-31 12:31
樓主偶然記起佢係好事,咁係代表你冇忘記佢,回憶係要好好收藏。

多謝你,我唔會忘記佢,佢的確存在過,我身體感受過佢,仲記得當初第一次懷孕的喜悅,係純粹的喜悅,果種感覺好難忘,反而第二次就擔心多
反而我有啲介意佢爸爸好似逃避佢存在過既事實,唔敢面對佢,我知佢都好唔開心,好傷心,但我唔想佢當冇事發生 因為呢件事明明係我地2個一齊經歷,但而家好似得返我一個承認咁,有啲孤單
Cannonak
|
musiccisum 發表於 18-7-31 12:55
我昨晚都喊完

喊係好事呀JM,我當初喊得太少,我提自己要堅強唔好要家人擔心,加上要返工對住同期大肚婆扮冇野 (人地未知我有),攪到好抑壓,拖到而家咁...
希望你都要保重,往後樣樣事都順利
twtw2017
|
Cannonak 發表於 18-7-31 13:08
好明白呀,我第二次即係呀仔呢次咩都驚,驚弓鳥,神經質
我都有好似你咁,沖涼時想起上一個佢 ...

我會嘗試諗,小天使既出現,係要教曉我去學習同珍惜~ 所以而家我會少左諗起當時既痛,多左諗‘我要多謝小天使’
kelly2487
|
心裡面既痛,真係好難會消息,甚至覺得老公都唔會完全明白。
我曾經有兩個天使bb,每一個都係刻骨銘心。
今次第三次懷孕,每次被檢查都問第幾胎,幾時走,點樣走。。。我真係有衝動想問我可唔可以唔答,心真係好痛。
今次陰影亦好大,好怕惡夢會再黎,每次檢查個心都會驚到跳出黎咁,每日都好憂心,好難過。但亦好怕影響依家肚果個。。。。
hamsterma
|
Cannonak 發表於 18-7-31 08:35
我既第一個小天使上年走了,雖然我之後好快都有返仔仔,亦好感恩仔仔健康出世而家精靈活潑,但其實我一直都 ...

未經歷過嘅人,係唔會明白個種感受
Dot0716
|
Cannonak 發表於 18-7-31 08:35
我既第一個小天使上年走了,雖然我之後好快都有返仔仔,亦好感恩仔仔健康出世而家精靈活潑,但其實我一直都 ...

我明,我8週時發現停咗心跳

而家bb 20m,但偶爾都會諗起心裡嘅缺失
rinko_wing
|
Cannonak 發表於 18-7-31 08:35
我既第一個小天使上年走了,雖然我之後好快都有返仔仔,亦好感恩仔仔健康出世而家精靈活潑,但其實我一直都 ...

我好明白..我只係化學懷孕我都間中會唸起..
我一共發左3個夢..
第一同二個都見到狗仔同我好鐘意對方..
但ending係狗仔唔屬於我..
第三個夢狗仔寫左封信俾我同我講
佢以後唔會再出現喺我夢裡面..
話我地無緣..叫我好好生活忘記佢..
但我相信佢將來會以第二個身份同我再見面
JD930
|
加油
pudding_taimei
|
Cannonak 發表於 18-7-31 13:16
喊係好事呀JM,我當初喊得太少,我提自己要堅強唔好要家人擔心,加上要返工對住同期大肚婆扮冇野 (人地未 ...

我上年都係咁...8w就走左了,仲要有個感情好好嘅同事坐正我隔離預產期同我只差1w,本來諗住兩個大肚婆坐埋一齊會好得意,點知我個b就只係陪左我2個月...跟住我唔開心左都無一兩個星期就要扮乜事都無...正常返工,但又睇住同事個肚一日一日咁大,佢又真係覺得我無事,久唔久又同我share佢嘅陀仔心事我知...其實我每次都唔想聽,有時直情會諗點解個天咁唔公平,要㨂中我個b帶走佢...而家應該真係無乜事了,我會同人講我發生過乜事,而且都有左幾個月了,但有時諗起我上年見住d組織從我身體流走嘅情況,依然會唔開心,始終有陰影,而家陀住都會好小心。
michellelee7677
|
Hello你好 發表於 18-7-31 09:21
我明...剛剛喊完...

醫院裡,那個醫生安慰我說:你都好好啦,有個仔...

有同感⋯ 心情差到一個點 我又係啱啱小產左,d人成日話咁珍惜眼前小朋友囉,咁唔代表佢無出現過⋯
Cannonak
|
twtw2017 發表於 18-7-31 14:00
我會嘗試諗,小天使既出現,係要教曉我去學習同珍惜~ 所以而家我會少左諗起當時既痛,多左諗‘我要多謝小 ...

你講得好岩,我第一個小天使真係為我帶來左好多既野,好多好既野,例如同我媽媽關係更好就好珍貴...
我唔會比自己忘記佢,因為佢係我既bb,我永遠係佢媽媽,我覺得我會想將來當我仔大個左之後話佢知呢件事,教佢珍惜生命,所以我都決心處理好件事,我希望正面啲
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽