賭博害人不淺

FennieMan
|
我細佬賭到比財仔上門,佢自己5年前已經破產,之前不停用不同藉口問兩老要錢,我亦幫佢還(因我父母一哭二鬧三上吊,逼我幫佢還),又話得一個細佬,唔通睇住佢比人打死。

可能破產令冇咗,近排佢又日日過大海。點解我地會知?就係佢攞哂啲裝修錢,我媽比裝修佬追先知。其實都係公屋,當年因為不斷有財仔上門,所以我媽就申請調遷,剛剛5月批咗。啲裝修錢(14萬),都係我拎出黎。

諗住搵佢問清楚,直頭電話唔接,人消失埋。今日又有財仔打媽手機搵佢還錢(8萬). 唔明冇收入點解財仔仲肯借,根本冇得還。

之後我留咗口訊,佢就打電話比我媽發脾氣,話好比我知,仲話唔會返黎,就算我父母死,都唔使通知佢,一開口就要我比20萬,話要還比朋友,問佢爭幾多街數,一句唔關你事,唔借,就係你要佢死。

我媽今日喊足一日,我爸啱啱鼻咽癌覆發,身體好差,佢最(emoji)個仔,我都唔敢講比我爸知

賭博真係害人不淺
KTKTKT5
|
FennieMan 發表於 18-7-31 21:50
我細佬賭到比財仔上門,佢自己5年前已經破產,之前不停用不同藉口問兩老要錢,我亦幫佢還(因我父母一哭二 ...

同佢講醫你爸爸的病都要錢, 巳經唔洗責負醫藥費! 裝修錢已經係成世人積蓄, 無! 大你?年(唔知樓主大細佬幾多年, 總之打大?年), 大家只係同一條腸出, 唔係欠左你! 睇吓佢咩回覆。
FennieMan
|
KTKTKT5 發表於 18-7-31 21:58
同佢講醫你爸爸的病都要錢, 巳經唔洗責負醫藥費! 裝修錢已經係成世人積蓄, 無! 大你?年(唔知樓主大細佬幾 ...

我大佢2年,佢之前一句睇政府要幾多錢,但我爸80歲,做咗2次電療,五臓六腑已經頂唔順,醫生都冇嘢可以做,咪帶爸去睇中醫,中醫都唔平,佢一毫子都冇比過

而家新屋裝修到一半,傢私又未買,一句唔理,就叫我媽自己攪掂,我媽都70, 咪即係最終又係我攪。之前我爸癌症覆發,我和媽已經話不如唔好搬,係佢發唒脾氣話我地唔比個機會佢從新開始,一切都係佢。
KTKTKT5
|
FennieMan 發表於 18-7-31 22:44
我大佢2年,佢之前一句睇政府要幾多錢,但我爸80歲,做咗2次電療,五臓六腑已經頂唔順,醫生都冇嘢可以做 ...

唔只一次前科點信佢從新開始? 一次不忠, 百次不用! 唔好理佢街數有幾多, 一理佢佢就以為會幫佢, 不理不聽不問。

其實連搬屋都唔好講地址, 一有地址就沒完沒了。問返亞媽點解裝修錢會過佢手? 先下手為強, 你發你亞媽爛喳先, 等佢知道唔可以再用佢係你細佬, 一定要救呢一招。

比得一次, 實有下次
FennieMan
|
KTKTKT5 發表於 18-7-31 23:16
唔只一次前科點信佢從新開始? 一次不忠, 百次不用! 唔好理佢街數有幾多, 一理佢佢就以為會幫佢, 不理不聽 ...

我媽話做父母點會睇住個仔死?就算點衰都係自己仔,如果連屋企人都唔比機會佢,出面啲人更加唔會。佢地偏心,我冇得講

佢同我媽話睇去新屋睇裝修進度,順便比埋錢個裝修佬,唔使轉來轉去甘麻煩,我媽咪比錢佢囉。我都鬧咗我媽,甘多錢點可以過佢手?

有時我真係好心淡,每次我鬧或是唔幫個細佬,我父母一定唔鐘意,話我唔念親情,曾經有一段好長時間,我係疏遠佢地,因一見電話來電,我就知我媽一定問我要錢

原本今次我都冇理佢地,但個衰仔突然走佬,留低個爛攤子,簽哂名,冇得唔搬。裝修又做得一半。

我叫我媽當個仔死咗,呢啲人冇得救,明明自己錯,推哂落我地到。好似係我地逼佢去賭

以家最驚財仔會去新屋,到時咪我父母攬住一齊死囉
KTKTKT5
|
FennieMan 發表於 18-8-1 09:30
我媽話做父母點會睇住個仔死?就算點衰都係自己仔,如果連屋企人都唔比機會佢,出面啲人更加唔會。佢地偏 ...

賭仔係縱出嚟嘅, 慈母多敗兒, 越救佢越害佢! 財仔見佢有錢還, 只會越批越大金額, 無錢還才唔批佢, 叫佢去破產啦.

父母家用可唔可以改為銀行過數? 唔好再比佢有機會再講嗰個係細佬, 一定要救, 要救佢自己救飽佢。唔係主張唔理父母, 只係父母只掛住個陀衰家! 人不為己天誅地滅, 你都要為自己著想......
heidys
|
點解細佬會咁架...
FennieMan
|
KTKTKT5 發表於 18-8-1 09:45
賭仔係縱出嚟嘅, 慈母多敗兒, 越救佢越害佢! 財仔見佢有錢還, 只會越批越大金額, 無錢還才唔批佢, 叫佢去 ...

你講得好啱。慈母多敗兒,就係每次都救佢,你一唔救就係我地錯,你想佢死。

今日個衰仔打電話叫我媽賣咗兩個骨灰位(寶福山), 比錢佢。我媽咪又打比我喊!好彩份文件喺我手,但聯絡人係衰仔,我直接打電話寶福山問,如果聯絡人失踪,可以點(想轉我名)。但人地話冇嘢可以做,一定要聯絡人先可以買賣,甘即係佢會好快搵我攞文件.
mandy952
|
FennieMan 發表於 18-7-31 21:50
我細佬賭到比財仔上門,佢自己5年前已經破產,之前不停用不同藉口問兩老要錢,我亦幫佢還(因我父母一哭二 ...

其實點解仲要有錢過佢手呢?你本人找數唔得咩?得罪講句,賭仔好多時係家人縱出黎
KTKTKT5
|
FennieMan 發表於 18-8-1 17:12
你講得好啱。慈母多敗兒,就係每次都救佢,你一唔救就係我地錯,你想佢死。

今日個衰仔打電話叫我媽賣咗 ...

本帖最後由 KTKTKT5 於 18-8-1 17:36 編輯

聯絡人係你細佬, 佢未必敢揾你, 佢可能直接打去話唔見左文件, 因為我冇骨灰位, 唔知聯絡人可唔可以買賣, 唔好等佢打比你, 試吓打去寶福山問, 怕佢直接話文件遺失

有冇試過揾福音戒賭? 仲有佢知父母會揾你出錢幫佢, 最重要唔好比佢知住址、工作地點同工作電話。
FennieMan
|
mandy952 發表於 18-8-1 17:25
其實點解仲要有錢過佢手呢?你本人找數唔得咩?得罪講句,賭仔好多時係家人縱出黎
...

因為我帶咗對女返英國,每年暑假都會返,因奶奶和男家人係嗰邊。所以我走之前咪比定錢我媽找數

我已經講過叫佢自己入數落裝修佬個戶口,點知我媽又比個衰仔呃。我對住兩老,講真都唔知講咩好,我都想一走了之,好煩呀!講極都係甘,一出事就打電話比我,一哭二鬧三上吊,我同我媽講你地遅早會逼死我!
FennieMan
|
KTKTKT5 發表於 18-8-1 17:33
本帖最後由 KTKTKT5 於 18-8-1 17:36 編輯

聯絡人係你細佬, 佢未必敢揾你, 佢可能直接打去話唔見左文件 ...

老實如果佢去報失話唔見文件,之後賣埋。我又可以點?

之前福音戒賭,搵社工,都唔成功。住址,就一定知啦,可能我搬咗會比較好。個衰仔之前已經試過比咗我和老公個手機去做資詢人。鬧爆又如何?

我呢兩日都好辛苦,激到喊咗幾次,我唔想聽我媽電話,唔想去跟裝修,唔想見我父母。我真係想脫離關係(只係做唔出)

點解有甘嘅細佬,有甘嘅父母
章魚妹妹
|
FennieMan 發表於 18-8-1 09:30
我媽話做父母點會睇住個仔死?就算點衰都係自己仔,如果連屋企人都唔比機會佢,出面啲人更加唔會。佢地偏 ...

我老公果邊都差唔多,佢呀媽講既野真係聽到都想大巴摑落去,結果得到個好sad既後果,老實講,好多野都有因先有果,自己種落嚟無得怨,但唔好累到其他人囉!
mandy952
|
FennieMan 發表於 18-8-1 17:41
因為我帶咗對女返英國,每年暑假都會返,因奶奶和男家人係嗰邊。所以我走之前咪比定錢我媽找數

我已經講 ...

越洋過數都唔係難事,有心做實做到,你同你媽都係比借口自己姐,你媽冇錢,你唔比錢你媽就比唔到細佬
OKC
|

FennieMan
|
章魚妹妹 發表於 18-8-1 18:07
我老公果邊都差唔多,佢呀媽講既野真係聽到都想大巴摑落去,結果得到個好sad既後果,老實講,好多野都有因 ...

黑心啲講,有時我寧願個衰仔死咗,大家就安落。一曰唔死,累人累物
FennieMan
|
mandy952 發表於 18-8-1 18:13
越洋過數都唔係難事,有心做實做到,你同你媽都係比借口自己姐,你媽冇錢,你唔比錢你媽就比唔到細佬
...

係我錯!因唔想煩,唔想理,所以就過錢比我媽找裝修數
章魚妹妹
|
FennieMan 發表於 18-8-1 19:00
黑心啲講,有時我寧願個衰仔死咗,大家就安落。一曰唔死,累人累物

事實係咁,但到時相信你父母會將所有罪名推比你:你害死個細佬!
coola
|
你無可能改變佢地,你只可以唔聽佢地電話,否則沒完沒了
Nancy20090615
|
咁真係好煩, 沒完沒了到幾時? 真係好憎尼 d 人, 父母都7,80, 都無安寧日子過, 又好憎尼 d 父母, 慈母多敗兒, 攬炒.
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽