有單親家庭過來人可以分享下嗎?

鰻魚壽司
|
一直以來潔身自愛,無諗過自己會做咗單親媽媽
點都好,我有幾樣嘢擔心,希望有過來人分享吓,thanks
我個女出年讀幼稚園,我擔心幼稚園會對單親有偏見,加上我女細B。我知好多人會話依家尼個年代,好多單親家庭,所以唔好諗咁多,但係如果A.雙職父母+大B嘅組合vs B.單親無業媽媽+細B組合,講真,如果我係校長我會揀A。
第二樣,我擔心遲啲個女讀書,接觸多咗唔同嘅嘢,總有一日佢會問爸爸係邊,我真係唔識答,有無人可以分享吓你地係點同小朋友講?
最後,我擔心單親家庭對小朋友將來有影響,令佢人格、性格等都變得唔正常,因為我個女嘅爸爸正正係單親長大
karenlyk
|
去見幼稚園主要係睇小朋友表現,如果係好怕醜的,就算家庭超班都未必有用,媽媽只要正正常常,小朋友精靈就有機會啦,呢方面唔好太擔心。好好教個女啦!

如果佢問你咪直接講,佢有權知道,相反你越逃避佢越追問,就好似性教育,你正確地灌輸知識俾佢,唔好等佢自己揾答案就行少好多寃枉路。

單親唔係問題,要教個女潔身自愛,好好讀書或學好一門手藝,對社會有貢獻,令佢做人充滿自信又謙虛,已經好成功。

記住單親並非低人一等,只係遇著唔啱嘅人。

加油啦!

P.S.單親長大,分居狀態
小豬Pigpig
|
我也是單親媽媽,唔好擔心太多,生活還是要繼續,好好揍大小朋友,大家加油
點評
wcpcelia    發表於 18-8-2 16:14
smiletigger
|
樓主,我唔知你情況事實係点,我估可能係你預計以外,你自己都未知点面對。
不過有個concept你不妨要諗下。可能小朋友的爸爸不再是你丈夫,但仍是他的爸爸,雖不同住,但仍有責任做爸爸,小朋友仍可享受到父親的照顧。
或者你選擇離婚是因為孩子的爸爸曾做出傷害你的行為,而令家庭破裂;但孩子無需要在這個年齢就這些事上有立場,而不接觸爸爸。(當然,如果是爸爸單方面消失又另計)
樓主,我鼓勵你都消化一下你現時處境。有時明明好想嬲佢,但仍不能對孩子講佢壞話,其實係好氣結。待孩子長大到有辨別是非能力,懂得了解成人複習的世界,先講佢知離婚真實嘅原因。
mic326
|
本帖最後由 mic326 於 18-8-1 02:21 編輯

有親戚係單親小朋友,幼稚園時佢未識咁多野無乜問題,升小學後開始大個,心底裡同其他人比較,會羨慕人地,會有少少自卑,唔敢同人講來自單親家庭更加唔會講太多心底話,升到中學接觸嘅事物多咗會好少少,同學都會識避忌唔會亂講野令我親戚難堪

多d陪佢同灌輸正確觀念比佢,叫你屋企人唔好因爲佢單親而可憐佢過份保護佢,咁樣等如標籤佢,令佢更加覺得自己與別不同更加唔開心,唔好表現得太憎恨佢爸爸甚至問小朋友攞爸爸料,佢會好難做的,對佢爸爸不聞不問比較好
~緣~
|
鰻魚壽司 發表於 18-8-1 01:07
一直以來潔身自愛,無諗過自己會做咗單親媽媽
點都好,我有幾樣嘢擔心,希望有過來人分享吓,th ...

離婚唔等於唔潔身自愛, 小朋友入幼稚園學校通常都係睇小朋友表現, 日後成長影響主要你同小朋友嘅溝通 ,爸爸嘅事可以照直講無必要 隱瞞
losttoa
|
題外話,請問你小朋友戒片未?如果唔介意,我有包p記加大碼未開過你會想要嗎?因為我屋企個位用家已戒片

如果你有興趣,你pm我睇下時間地點可唔可以夾到丫
nsychristy
|
鰻魚壽司 發表於 18-8-1 01:07
一直以來潔身自愛,無諗過自己會做咗單親媽媽
點都好,我有幾樣嘢擔心,希望有過來人分享吓,th ...

1,單親媽媽同是否潔身自愛毫無關係,你咁講令自憐人更自憐、自強人覺得侮辱,亦都暗示你因為單親睇自己唔起
2,幼稚園係點收生我唔知,不過承上,你自己都睇自己唔起先
3,爸爸如果消失了,唔再出現,你可以話佢去左第度工作,好耐都唔會返,跟住講第樣,但你唔好話佢死左,都唔好講佢壞話,不論佢有幾差
4,如果個照顧者(即係你)心理同情緒好健康,單親就唔係問題

最後,男女關係無死錯人的,覺得個前夫咁唔正常,對照在你心裡一樣有你既缺口先成事,既然受左呢一壇野,好值得深思你真實既需要係咩。

利申,離婚無兒女、單親家庭長大、母親不正常、我快三十歲人先開始有健康身心,前夫控制狂又不上進,而我當時怕事唔敢有底線無主見亦喜歡佢的不冒險,因為我爸係個賭仔我怕怕
BBG520
|
我好細個爸爸就走咗,我媽一個湊三個,我爸爸一個月都唔會返黎睇我地一次,雖然個陣我得幾歲大,媽咪無講過佢同爸爸咩事,但慢慢自己大咗就會明,因為媽咪真係好錫我地,所以就算無爸爸都唔覺有咩影響,同小朋友傾下計,錫佢多d,一個人都可以湊佢成長,加油呀,唔洗擔心定未發生旣問題。
Herobear
|
冇爸爸唔緊要
最緊要媽媽比足夠嘅愛佢成長
不過媽媽首先要自強
正面
小朋友最受媽媽影響
maymay220hk
|
冇錯當孩子一路長大
系會問爸爸呢個角色在那?
我選擇老實話佢知丶好過佢自己估估下
單親真系一d都吾可怕丶可怕在人心
你做開朗快樂有幽默感媽媽
仔女就系邊種性恪
祝福你要堅強面對
elaine2057
|
2.又唔係你做錯搞到離婚就照直講!個女有權知!
禁上發言
|
無老公吾緊要,最辛苦係無佐條蕉蕉,搞到個人好燥
mcdullyiu
|
回覆 鰻魚壽司 的帖子

1. 我覺得幼稚園真係好看小朋友面試得好唔好, 所以如果你女係年尾的話,可以遲一年做大B。2. 照講,而且你要有心理準備她會問好多次,你先讓自己接受現實先, 離婚並不可恥, 點解唔比得人知?
Poyau
|
加油
HAPPY_YY
|
鰻魚壽司 發表於 18-8-1 01:07
一直以來潔身自愛,無諗過自己會做咗單親媽媽
點都好,我有幾樣嘢擔心,希望有過來人分享吓,th ...

我都係單親 小朋友定期有見爸爸 對我既小朋友黎講唔覺得係咩一回事 由上小學至中學都冇咩問題 我唔介意比人知 因為我覺得跟本唔係咩一回事 樓主 加油
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽