本帖最後由 isaacma2012 於 18-8-2 07:21 編輯
JD930 發表於 18-8-1 03:09
難怪自己一個係屋企亂諗
有冇屋企人或朋友可以係老公返工時去妳屋企陪下妳?
...
樓主,好多姐妹都叫你搵朋友或親人去你屋企陪下你
唔會1個都搵唔到...... 睇你想唔想俾人幫你
我嗰時睇住手機通訊錄,逐個睇邊個會可以陪到我...... 最後我打電話叫住係好遠嘅阿姨嚟陪我,新年先會見1次嗰種,但我照打電話搵我阿姨。間屋有啲人氣,傾下閒計,一齊開電視睇下,完全無講我啲情緒問題。但有人陪,有血有肉嘅人陪,同對住電腦/手機真係差好遠......
唔好話怕麻煩人,人就係互相幫助。我姨如將來有需要,我亦會幫佢陪佢。你倒番轉頭,換個身份諗,如果你關心嘅親友有困難、心情唔好時都唔話你聽,自己死頂,咪仲令你擔心......
啲 low mood 拖太耐無益...... 唔開心、喊住嚟坐月,仲衰過唔坐。小產,坐小月亦一樣。
真係完全搵唔到人陪,試免費電話輔導熱線﹕27116622- 輔導專線 ( 任何有需要人士 )﹕ 星期一至五 7:00 – 9:30pm
- 婦女專線 ( 全港婦女) ﹕ 星期一至五 2:00 – 4:00pm
線路煩忙 或 非當值時間可留言,職員/義工之後會回覆
本服務由專業社工督導、甄選及培訓義工以提供電話輔導服務,為來電者:
· 提供抒發情緒和傾訴的機會
· 初步商談尋求解決問題的途徑
· 轉介有需要人士接受個人、婚姻及家庭輔導
· 提供社會服務資源的資料
http://fwc.ywca.org.hk/page.aspx?corpname=fwc&i=2291