ftm vs 請鐘點但半份糧俾哂佢

emimi
|
我係大學畢業最美好的年紀生了bb,曾經好努力照顧小朋友,原本兩個小朋友,打算上小學我就自由d,點知30出頭意外生多個
經濟係可以接受,ftm加一個工人湊3個其實都好忙,但最近越來越唔甘心,湊到細b小學我都快40仲可以做咩?老公係傳統男人覺得既然唔等開飯,女人生左小朋友就全力專心湊好佢,係,多年來我犧牲了自己去成就佢,佢可以搵錢,出trip話走就走冇後顧之憂,小朋友溫書幾時返放半日假要親子美勞全部我,佢就放假接送小朋友上下興趣班然後就話自己盡了好爸爸責任,要relax要搵朋友打牌食飯,我就對住兩隻頑皮嘅怪獸同一個只識喊嘅bb,每日陪我傾偈係工人姐姐
emimi
|
最近有朋友介紹工俾我,人工唔高,1萬多d,而我多年冇做野都冇信心面試得好,就算請我,工人一湊三唔掂,c6亦一定發癲反對,我如果堅持就可能自己出錢請鐘點,但扣埋鐘點可能冇錢剩,小朋友可能生活大混亂
我其實係咪好自私……但ftm果種寂寞感覺,我唔知其他人明唔明
gilgil39
|
emimi 發表於 18-8-6 23:05
最近有朋友介紹工俾我,人工唔高,1萬多d,而我多年冇做野都冇信心面試得好,就算請我,工人一湊三唔掂,c6 ...

我明,因為我也是ftm, 我都湊緊兩只怪獸,冇長老幫手,雖然有工人但冇heart 的,所以都好少放低兩件比佢;完全無得休息好痛苦,我都好想返工
甜心朱古力
|
emimi 發表於 18-8-6 23:05
最近有朋友介紹工俾我,人工唔高,1萬多d,而我多年冇做野都冇信心面試得好,就算請我,工人一湊三唔掂,c6 ...

你要諗清楚
1) 如果你先生扣你家用嘅話,你得一萬蚊人工夠唔夠用,仲要請鐘點。
2) 工人有無本事湊得掂。
3) 你唔好以為你返工後,唔洗做回家都要照顧小朋友,睇功課溫習,唔好望你c6幫手,你可以接受到嗎?
emimi
|
gilgil39 發表於 18-8-6 23:44
我明,因為我也是ftm, 我都湊緊兩只怪獸,冇長老幫手,雖然有工人但冇heart 的,所以都好少放低兩件比佢; ...

我奶奶會間中睇下幫下眼,但佢係果種“我冇責任幫你湊,我中意幾時就睇孫玩孫”,c6亦一直話小朋友係我地生的,老人家年紀大幫我地湊好辛苦(佢又冇錯),工人就,唉,佢已經做到冇停手,忙中都有錯,我都冇佢咁勤力,暑假一日煮3餐又家務,仲點可以怪佢……
emimi
|
甜心朱古力 發表於 18-8-6 23:56
你要諗清楚
1) 如果你先生扣你家用嘅話,你得一萬蚊人工夠唔夠用,仲要請鐘點。
2) 工人有無本事湊得掂。

我都有諗過
1)最壞打算係諗過佢會嬲到扣我家用,斷我水路我仲唔放棄,但我唔甘心
2)一個工人唔得,又冇地方請兩個,希望請個識湊b嘅鐘點,夜晚bb跟我
3)同c6 argue過,佢話我太緊張,90分同60分都係合格,我覺得可能我冇返工,小朋友成績就當自己業績,就算唔返工,來年我都會迫自己睇開d,反正兩個都初小有排先升中,仲輸得起
甜心朱古力
|
emimi 發表於 18-8-7 00:06
我都有諗過
1)最壞打算係諗過佢會嬲到扣我家用,斷我水路我仲唔放棄,但我唔甘心
2)一個工人唔得,又冇地 ...

鐘點100~120蚊1個鐘,未必識湊b,大多做家務貴過工人好多,你份糧唔止無1半,你c6唔支持仲會玩野,為左份萬零蚊工搞到頭家亂七八糟,你諗清楚先好行動。
emimi
|
甜心朱古力 發表於 18-8-7 00:16
鐘點100~120蚊1個鐘,未必識湊b,大多做家務貴過工人好多,你份糧唔止無1半,你c6唔支持仲會玩野,為左份 ...

本帖最後由 emimi 於 18-8-7 01:13 編輯

呢d正係我煩惱好耐嘅事,但就有種不顧一切只想逃離的感覺
以前好投入湊小朋友,最初冇工人難搵朋友,後來識到新朋友都係媽咪group,聚過一排又各有各忙好少聯絡,我好想逃離呢種生活
以前識到一個同我近似背景好好感情嘅媽咪,會間中約出去lunch訴苦,後來佢經濟原因冇做ftm了,佢亦同我講輪班工作再湊小朋友已經令佢冇時間諗自己,我唯一一個伴都冇埋
同時亦覺得呢個朋友學歴差我好多,都決定自己搵錢,而我以前努力讀書只為了幫小朋友溫書嗎?
Strawberrys
|
FTM的空虛寂寞,我明白!
我自己無長老無工人無鐘點,老公返工休息瞓覺放假都不會幫忙,湊囡及家務煑食是我自己一個攪掂,有病都要頂硬上。
不甘心在家好正常,尤其是你氣餒的時候。
我自己只有一個囡也放心不下,更何況你有三個孩子,等孩子大些,你會舒服一點。上班不計$多少,壓力一定有,不要忽略你的適應能力,與及一個家庭各位成員均有影響。
hontari
|
emimi 發表於 18-8-6 23:05
最近有朋友介紹工俾我,人工唔高,1萬多d,而我多年冇做野都冇信心面試得好,就算請我,工人一湊三唔掂,c6 ...

我明,尤其是每朝起身“今日有咩做呢”嗰種感覺
每日生活就係湊女做家務玩電話,日復一日,感覺有時真係好苦悶同覺得自己好無用(我已經係超活躍ftm成日去街,但都會有呢種感覺)
我覺得你需要的可能唔係一份工,而係一個寄託或者一個興趣,俾返啲生活熱情同空間俾自己
Debbie0331
|
但係要湊3個小朋友, 你都好難番工...形勢比較被動..
emimi
|
Debbie0331 發表於 18-8-7 16:21
但係要湊3個小朋友, 你都好難番工...形勢比較被動..

本帖最後由 emimi 於 18-8-7 22:09 編輯

如果老公支持係可以的,但佢係覺得女人生仔係就要放棄自己,我認為佢唔支持之餘仲會用盡方法打沉我 但我好想跳出comfort zone
我愛Corina
|
我同你same case, 大學畢業就生b, 3年抱兩。係細仔一歲幾時搵到份屋企附近part time,當時老爺奶奶都ok ,可以湊兩個,但30時沒有計劃下懷孕,奶奶話唔會湊到3個,一日part time都唔好返。
我而家都係ftm, 但努力讓自己開心,經濟不是太大壓力下,就喜歡便花。如果叫我做$1萬蚊仲要分一半比人,sorry, 我唔會做啦,扣埋返工開支得個桔。而且小朋友好快大,我捱到細b 今年返學啦。佢返學我會做返喜歡做既,eg 去下gym 同yoga...
加油啦!
BREADWING
|
生bb就要有所犧牲,由其本來個家唔係有錢,要搵錢養家就只能靠男人,我都明白好多野想做,但係奈何有左小朋友好多都做唔到,但係你已經比其他人幸福,屋企有工人姐姐幫下手同你傾下計,唔會咁抑鬱先
emimi
|
我愛Corina 發表於 18-8-8 01:17
我同你same case, 大學畢業就生b, 3年抱兩。係細仔一歲幾時搵到份屋企附近part time,當時老爺奶奶都ok ,可 ...

原本已經唔多朋友,ftm後只有幾個保持聯絡,但人地生活多姿多彩,日日約唔同朋友,邊有咁多時間理我 到我有約真係出去食餐晚飯又要提早叫我媽黎幫我湊,所以一年最多3,4次,想搵個人傾下無聊野都冇。老公就除左正常返夜時間,好中意約朋友宵夜打牌,一個月冇3晚係屋企晚飯,話佢兩句就話我星期日咪陪仔踢左2個鐘波,你同工人湊仔唔係仲要我幫手嘛
近半年我大仔經常講“媽咪就好啦,唔使返學可以日日係屋企玩,我返學考試好辛苦呀”我聽到心up,唔知點同佢解釋,其實對住你地好大壓力,你地小一考試我仲辛苦過自己讀大學
emimi
|
以前好盡心教佢地,小朋友尚算聽話,但大大下會試下逐d挑戰,我鬧佢地就乖返,唔鬧又再試下踩多步
有次食飯佢地玩到全廳跑來跑去,我發火叫佢地坐低,老公話我好煩日日鬧鬧鬧,有次幫大仔溫書細仔係隔離玩ipad,我叫佢坐去另一邊玩,老公又突然話你好煩,點解成日鬧我個仔,每次隔幾個鐘都有同我sorry,話自己壓力大,仲聽到我鬧仔,佢心情唔好。慢慢我失去了教小朋友的熱情,而且又要湊細bb唔理得咁多,你返工話有壓力,咁我都去返工啦,全香港超過一半小朋友見工人多過父母,人地都冇穿冇爛健康成長……
我愛Corina
|
emimi 發表於 18-8-8 02:17
原本已經唔多朋友,ftm後只有幾個保持聯絡,但人地生活多姿多彩,日日約唔同朋友,邊有咁多時間理我 :igiv ...

到細bb有3歲,就會不一樣,我大女2仔,佢地兩個算乖,我而家去邊都一帶3周街去。
加油!
gilgil39
|
emimi 發表於 18-8-8 10:46
以前好盡心教佢地,小朋友尚算聽話,但大大下會試下逐d挑戰,我鬧佢地就乖返,唔鬧又再試下踩多步
有次食飯 ...

響屋企對住D仔女,見到佢地D行為就忍唔住要糾正佢,話佢;尤其現在暑假,成日對住真的相方都大壓力,我都爆煲
Nancy20090615
|
emimi 發表於 18-8-8 10:46
以前好盡心教佢地,小朋友尚算聽話,但大大下會試下逐d挑戰,我鬧佢地就乖返,唔鬧又再試下踩多步
有次食飯 ...

咁你而家諗住點? 都好難諗. 如果你真係返工, 亦真係你比錢請工人, 但到時細路有咩事 (成績差左, 操行差左), 你老公睇佢个格一定怪你好去返工. 比我真係好唔鈡意尼種男人, 女人要聽命於佢.

不如你攪下網店果 d , 得唔得呢? 叫做搵 d 世藝攪下, 無咁悶. 同埋, 到囝囡大自立, 50+ 你又無工作經驗, 永遠靠你老公養不特止, 就同你老公你眼望我眼過日子.
appledai
|
我明,我都好多degree。不過我有part time做。只能說做得媽咪就有犧牲。我都好羨慕人的成日去旅行,去10-20天。只有靠養大小朋友這個信念支撐自己。我細b才歲半就報了全日n,好彩收了。我期待她讀全日我可以出去透透氣。想去旅行就郵輪。4月全家去了一次,這個月尾再去一次。只有郵輪我才可以玩下。白天讓小朋友少睡下,晚上睡了,我再去玩。上次好開心,從有細b真是幾年難得玩一次。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽