全埋身bb厭奶,求助!

daisymomo
|
bb而家4個月大,已經厭奶兩三個星期,啜兩三分鐘就停,又隔3至4個鐘先肯食,個胸之前都會谷下,而家直情長期好林,冇乜谷嘅感覺,bb啜時都冇乜feel倒奶陣,感覺好少奶咁,試過半夜佢耐冇食,隔左8,9個鐘都係泵得1,2安,點搞,係咪由佢,屋企人叫我早d加固,好想繼續餵人奶,有冇人可以教我點做?
bonnieonlyone
|
daisymomo 發表於 18-8-10 21:07
bb而家4個月大,已經厭奶兩三個星期,啜兩三分鐘就停,又隔3至4個鐘先肯食,個胸之前都會谷下,而家直情長 ...

泵奶keep奶量?
daisymomo
|
bonnieonlyone 發表於 18-8-11 04:05
泵奶keep奶量?

日頭要湊兩個,冇時間又泵又埋身,係有時半夜耐冇食先泵,但泵得1,2安
bonnieonlyone
|
daisymomo 發表於 18-8-11 08:26
日頭要湊兩個,冇時間又泵又埋身,係有時半夜耐冇食先泵,但泵得1,2安
...

如果你埋身多泵係未必多架,泵出黎幾多係數字遊戲,不過你湊兩個又埋身真係冇時間再加泵
盡量泵啦,始終驚你埋身少左奶量會跌
penguinguin
|
daisymomo 發表於 18-8-11 08:26
日頭要湊兩個,冇時間又泵又埋身,係有時半夜耐冇食先泵,但泵得1,2安
...

厭奶或nursing strike 要泵奶keep 住奶量呀,等佢想飲番時有得俾佢飲。
你全埋身的話,到佢厭完奶你又奶量跌左,佢又會好似一開始時兩個鐘飲一次幫你升番奶,好辛苦
EstrellaDamm
|
本帖最後由 EstrellaDamm 於 18-8-11 22:46 編輯
daisymomo 發表於 18-8-10 21:07
bb而家4個月大,已經厭奶兩三個星期,啜兩三分鐘就停,又隔3至4個鐘先肯食,個胸之前都會谷下,而家直情長 ...

BB呢個年紀易受外界影響冇心機食奶。我係你的話,會keep住offer埋身,少食多餐都好,唔好等佢叫餓先餵。餵奶時儘量保持環境安靜,少distraction。另外試下BB瞓緊/半睡半醒時餵奶。
艾森
|
本帖最後由 艾森 於 18-8-12 02:08 編輯

泵奶量一定比埋身少,乳房天生設計係比bb吸吮,bb吸吮令媽媽身體產生泌乳素令乳房造奶,所以全埋身可以達致供求平衡。

食量有時較少係bb身體成長自然現象,bb按身體需要自行調整食量。

根據兒科醫生梁淑芳指出,bb初生到3個月係脂肪儲存期,4個月到1歲脂肪消耗期,1歲到5歲係脂肪靜止期。bb到4個月食量較少係bb按身體成長需要自行調整食量。

生長曲線圖下跌唔需要太擔憂,因為健康院幅圖係根據當年bb身型而定(當年奶粉盛行,bb餵奶粉多)全埋身母乳bb成長係唔會同奶粉bb一樣。我當時都經歷唔少擔憂同壓力,兒科醫生安排見營養師叫我餵奶粉都有,但我一直堅持埋身。生長線係跌,但bb精神狀況良好、食得、玩得、瞓得、大小便正常唔需要太擔心。我跟返世衛建議6個月大先加固,因為過早加固容易引起過敏,等bb身體腸胃準備好先加固較好,bb食固食得好身長線會慢慢上升。

依加呀女兩歲半身型適中、健康活潑,touchwood7個月中玫瑰疹睇過一次醫生,其他普通傷風感冒好快自己會好返。依加回望返覺得自己當時堅持係正確。

daisymomo
|
艾森 發表於 18-8-12 02:08
泵奶量一定比埋身少,乳房天生設計係比bb吸吮,bb吸吮令媽媽身體產生泌乳素令乳房造奶,所以全埋身可以達致 ...

咁你全埋身,你女有冇試過厭奶?有冇泵過?
daisymomo
|
EstrellaDamm 發表於 18-8-11 22:45
BB呢個年紀易受外界影響冇心機食奶。我係你的話,會keep住offer埋身,少食多餐都好,唔好等佢叫餓先餵。餵 ...

我已經feed on demand,但佢好似吾多識肚餓咁,諗住少食多餐,隔一兩個鐘俾佢食,但又吾肯食,要隔最少3,4個鐘先食,但食好少,以前眼訓要啜,而家吾肯,除非肚真係好餓,所以而家眼訓搞好耐,想啜,但一啜倒有奶又爆喊
daisymomo
|
penguinguin 發表於 18-8-11 20:06
厭奶或nursing strike 要泵奶keep 住奶量呀,等佢想飲番時有得俾佢飲。
你全埋身的話,到佢厭完奶你又奶量 ...

上網睇發現你講嘅nursing strike話黎m奶量跌同bb病都會令佢吾肯食,咁啱我呢兩日黎m,bb又開始之病,吾知係咪關事呢
艾森
|
daisymomo 發表於 18-8-12 03:57
咁你全埋身,你女有冇試過厭奶?有冇泵過?

樓上已回覆我女曾經食量減少導致生長線下跌,我一直堅持全埋身,6個月後加固食,再大d生長線會慢慢上升。

daisymomo
|
艾森 發表於 18-8-12 10:27
樓上已回覆我女曾經食量減少導致生長線下跌,我一直堅持全埋身,6個月後加固食,再大d生長線會慢慢上升。
...

明白,謝謝你,我會繼續努力全埋身
艾森
|
堅持全埋身正確
試想想泵奶器、奶粉、奶樽等人造物只是近一百多年才出現,幾千年來人類一直以全埋身餵bb,是人類與生俱來的天賦。人體構造精密不是其他人造物可比擬,透過埋身bb吸吮,令媽媽身體產生泌乳素,所以乳房會按bb所需分泌乳汁。
透過接觸bb口水,媽媽身體會製造bb所需營養成份、包括對免疫系統發展十分重要的抗體。親密接觸對bb大腦、心理發展、親子關係皆有正面影響。

明白全埋身的路會受到不少質疑和壓力,往後會有各種比較的聲音說你bb瘦,但你要深信全埋身令bb得到最佳營養和需要。

http://www.breastfeeding.org.hk/story/96
http://www.breastfeeding.org.hk/story/1119

daisymomo
|
艾森 發表於 18-8-16 14:58
堅持全埋身正確
試想想泵奶器、奶粉、奶樽等人造物只是近一百多年才出現,幾千年來人類一直以全埋身 ...

好多謝你,聽完你講,我都有返信心,希望可以做到自然離乳呢個目標
艾森
|
daisymomo 發表於 18-8-16 15:36
好多謝你,聽完你講,我都有返信心,希望可以做到自然離乳呢個目標

唔洗客氣建議你多睇母乳資料,會更清楚了解埋身對bb成長嘅重要性。
當年我每次帶bb去檢查,生長線下跌要轉介見營養師,我都質疑過自己。不過我睇完好多埋身餵資料就繼續全埋身。依加呀女兩歲半都會早晚埋身,托賴健康活潑同抵抗力好當初覺得埋身路好似好長,過後轉眼間已經步入尾段,更慶幸自己堅持全埋身
daisymomo
|
艾森 發表於 18-8-17 15:18
唔洗客氣建議你多睇母乳資料,會更清楚了解埋身對bb成長嘅重要性。
當年我每次帶bb去檢查,生長線 ...

好,多謝你嘅建議,我會好似你咁,繼續堅持
sioni
|
我又係,4個月左右開始厭奶,真係3、4個鐘先肯食,啜幾分鐘就停!連尿量都好少,超擔心佢連水份都唔夠,其實個陣有屈伏加固比佢,但佢又唔食,好似練丹咁,體重冇升但亦冇跌,只能做到少食多餐,(但實際做到嘅係少食少餐,因為都唔肯啜(emoji)(emoji))我都唔知呢兩個月點捱過黎...日日就擔心佢食咁少,而加六個月,加左少少米糊佢食,體重有升d,但奶都係一樣食咁少,持續厭奶...
好量方面,反正佢都係厭奶,所以唔覺得唔夠,但真係埋身餵好,一得閑就比佢啜吧,個陣一天到晚嘅活動就係攬住佢啜奶...(emoji)
daisymomo
|
sioni 發表於 18-8-17 19:08
我又係,4個月左右開始厭奶,真係3、4個鐘先肯食,啜幾分鐘就停!連尿量都好少,超擔心佢連水份都唔夠,其 ...

我女呢兩日好左d,肯食,不過都係要佢肚餓先肯啜,試過隔4個鐘先肯食,但啜都係5分鐘左右,有時耐dd,尿都多返d,每日都有大便,之前厭奶,幾日先有大便,仲要勁少尿,擔心死我,希望快d過厭奶期,不過我覺得我女吾係特別中意啜果d,因我見有d bb天生就好中意啜又好中意食媽媽奶
wendy0101
|
我個又係四個幾月,一樣有厭奶問題,最嚴重時三四個鐘食一次,只食三分鐘就離口推開我喊爆,如果要佢少食多餐隔兩個鐘就食,佢會唔肯開口,仲試過有一晚六點後一啖奶都唔食,點質都唔肯仲吐返哂啲奶出黎,隔左十個鐘到清晨四點先肯食返

之後我試下每次餵完奶都同佢玩耐啲等佢消耗體力,tummy time、轉身、練習坐、又郁動下腳仔,跟住先俾佢瞓,佢瞓醒再餵下餐奶就會食返耐啲,但真係唔懶得,每餐都食完就要同佢玩起碼30-45分鐘

初期厭奶我試過轉姿勢餵,都work過一輪,可以試下唔同方法

我都係FTM湊住兩個,真係完全無時間又泵又洗


daisymomo
|
wendy0101 發表於 18-8-19 00:15
我個又係四個幾月,一樣有厭奶問題,最嚴重時三四個鐘食一次,只食三分鐘就離口推開我喊爆,如果要佢少食多 ...

前幾日去健康院打針,個護士長話呢d係坊間d人講嘅厭奶,其實bb吾係真係厭奶,只係大左,吾再需要咁多奶量,佢話剛出世頭一兩個月,bb急速發展,所以食得好密,生長得好快,到大d就會自然慢落黎,所以就食得冇咁多,佢教我睇條生長線,佢話條線都吾係一直係咁好直咁向上,的而且條線真係頭兩個月向上斜得好勁,到三個月後就慢慢放返平,然後先慢慢咁少少斜上去,bb會跟住呢條生長線成長,所以吾使咁擔心,如果濕片同體重ok,都吾需要提早加固
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽