CS12 mask 奇蹟面膜 敷爛面 用左半年出事

manwingtao
|
本帖最後由 manwingtao 於 18-8-12 23:46 編輯

我都買左5盒 用左半年 ....我好想與愛靚ge姊妹分享親身恐怖經歷,本身有玫瑰座痤瘡間唔中都會出粒粒,用奇蹟面膜連續敷三四晚..皮膚好快變靚通透美白. 有幾個party 面膜都救番好個面 ... 起初以為 唔戒口 夜瞓 壓力大 爆暗粒 又攞嚟敷番 皮膚又好返 直到 我開始懷疑 停敷之後 隔三四天開始 又出現一大咋粒粒,七月頭 best friend生日前 皮膚又差差地 又去買返嚟連續敷幾日...皮膚又迅速好返曬。 因為之後都冇party 所以 我就冇敷mask 但不出我所料 大約三四日開始 出粒粒 五六日開始 爛面 我每次都有影低自己相嘅情況 皮膚越嚟越差。 之後再睇皮膚科 中醫 介口食療 直到而家都未好返。 我之前介紹個朋友用 因為出咗事我就打畀佢問佢情況 點知.. 佢都以為自己夜瞓 壓力 出粒粒 而且都敷咗兩三盒... 我同佢已經停用 雪櫃還有三張 都唔敢用
真人真事 親身恐怖經歷(╥﹏╥)慘慘豬
文迪羊
|
成份有問題
saming999
|
吓!喺邊度買先?聽講市面上有好多假貨
sunny.moon
|
manwingtao 發表於 18-8-10 23:39
我都買左5盒 用左半年 ....我好想與愛靚ge姊妹分享親身恐怖經歷,本身有玫瑰座痤瘡間唔中都會出粒粒,用奇 ...

吓!!我長期存貨 6~7 盒,每星期敷一次都用左 30 盒左右,皮膚冇乜問題喎!!
usoapap
|
可能好似之前搽的水光針咁,又係一停用就出事。
Lam_lam_c
|
usoapap 發表於 18-8-12 12:23
可能好似之前搽的水光針咁,又係一停用就出事。

我都想分享下。
我以前勁勁鐘意用水光槍果隻,連fu3日,d skin勁靚。
於是有fd去韓國,就叫fd幫手入貨,但搵極成個韓國,我個fd都話搵唔到。
後尾無貨,停左無得用(舊版,因用過新版,覺得唔好用),d skin就開始差,成日出d細粒粒,出完一撻又一撻,無停過。。。
以前從無出過細粒的。。。
自始之後,都唔太敢用韓國野,覺得韓國野,即時有效,但長期用,覺得皮膚反而差咗....
manwingtao
|
回覆 文迪羊 的帖子

其實之前有人話過佢有類固醇成份跟住 佢哋就話廠 攞隻mask 去瑞士 sgs驗證
其實我都唔知佢真定假㗎啲驗證
因為我根本就唔識 呢啲驗證ಠ╭╮ಠ
manwingtao
|
本帖最後由 manwingtao 於 18-8-12 19:59 編輯

回覆 saming999 的帖子

你講得啱呀 出面真係有好多水貨鋪 我都驚自己買咗水貨 假貨 所以喺旺角 新之城 買mask 我都入咗幾間舖頭比較過 因為想知道 點樣為之真貨假貨 最先我同事幫我喺tag買... 第二盒就係另一個同事幫我去另外一間買 因為有兩盒平啲 望個樣 又一樣... 之後我皮膚差差地 又自己卜出去買 去返tag度買 ... 見自己皮膚冇乜進展 同埋開始有啲懷疑 嘅時候 但 因為有party 又需要敷mask嘅時 .. 去咗另外一間 499送兩塊 mask 外形 係完全冇分別 所以我又再買。 已經去咗三間唔同嘅地方 但是 每次敷完 情況都一樣 停敷mask就爆粒粒 而家係爛面(╥﹏╥)
manwingtao
|
回覆 sunny.moon 的帖子

試下停用就知道會唔會出事㗎喇 仲要敷咗30盒咁多(。•́︿•̀。)。。。
saming999
|
manwingtao 發表於 18-8-12 19:37
回覆 saming999 的帖子

你講得啱呀 出面真係有好多水貨鋪 我都驚自己買咗水貨 假貨 所以喺旺角 新之城 買m ...

噉你唔好再連續敷三四晚啦,敷得太密可能你頂唔順啦。你不如轉方式搽啲靚啲嘅精華。因為以我所知CS12面膜,唔係for玫瑰座瘡的。反而你可以去試下tag個27系列囉, 聽講話玫瑰座倉都ok的,不過你最好問清楚啲tag先啦。另外袁彌明啲精華我估都ok的,我試過佢個recover balm都幾好, 但係我未試過佢哋嗰啲精華,貴啲但係可以用幾個月都ok啦,不過為穩陣起見都係嗰句,你問下佢哋玫瑰座倉搽邊隻會好啲。另外我試過飲fordays 核酸,連濕疹都好返曬咯,如果你肯抌本用埋佢哋嗰啲啲精華,我估你啲皮膚會靚到沊一聲。
manwingtao
|
本帖最後由 manwingtao 於 18-8-12 23:37 編輯

回覆 saming999 的帖子

謝謝你介紹( ˘ ³˘)♡。。我由爛面開始搽咩精華皮膚都又痛又痕..
又紅又腫 (ಥ﹏ಥ) 。睇皮膚科食類固醇抗生素,我知道係非常之唔好 會反彈,所以睇咗醫生冇食藥 ...好嘥錢呀。 睇埋中醫當飲涼茶 但需要時間 內調, 效果唔顯著。 唯有靠自己, 早上 打鮮果汁飲 蘋果 雪梨 紅蘿蔔 紅菜頭 薯仔 苦瓜 檸檬 輪住嚟打汁飲 吸收唔同嘅維他命, 戒口食清啲 濕毒嘢 刺激性嘅食物 唔掂。 上google搜尋 爛肉資料 求救方法 認識 肌斷食 等皮膚自然修復。 與此同時 咁啱有個同病相憐 嘅朋友 ,佢之前皮膚爛晒而家好返晒(需1年時間多) 都係肌斷食救番佢。 同埋佢話驗血 驗食物敏感測試, 佢叫我做 一生受用。 我依家做緊research 準備下個月都會去做 咁可以知道自己 有咩食物 盡量避開。 同埋我而家介甜,所有糖類 盡量食少啲。
所以等我皮膚好返 我就會試你介紹嗰啲精華
謝謝分享 (´ ▽`).。o♡
saming999
|
朝朝打汁飲真係幾健康。同埋你試下益生菌啦,腸胃好啲皮膚都好啲。我之前試過朝朝飲啲乳酸飲品,皮膚真係靚咗

lenareina
|
之前隻水感肌都係咁
咁快有效果有類固醇都唔奇
manwingtao
|
本帖最後由 manwingtao 於 18-8-13 09:58 編輯

回覆 saming999 的帖子

呢個我鍾意飲 易入口又清香冇得飲即磨 真係可以諗諗飲呢款飲品
o( ̄▽ ̄)d good thx 。。。.:*♡
Mahahafree
|
manwingtao 發表於 18-8-10 23:39
我都買左5盒 用左半年 ....我好想與愛靚ge姊妹分享親身恐怖經歷,本身有玫瑰座痤瘡間唔中都會出粒粒,用奇 ...

死啦。我同你情況完全一樣。我一唔用好快又生粒粒,一用番又好番。咁你停左之後情況有無好轉?
Mahahafree
|
manwingtao 發表於 18-8-10 23:39
我都買左5盒 用左半年 ....我好想與愛靚ge姊妹分享親身恐怖經歷,本身有玫瑰座痤瘡間唔中都會出粒粒,用奇 ...

我都用左成年幾兩年。一路都係咁。反反覆覆。我而家都用緊。點算好。。。
kf08058
|
saming999 發表於 18-8-12 20:03
噉你唔好再連續敷三四晚啦,敷得太密可能你頂唔順啦。你不如轉方式搽啲靚啲嘅精華。因為以我所 ...

請問fordays核酸喺邊度買?貴嗎?
janice1226
|
saming999 發表於 18-8-13 00:14
朝朝打汁飲真係幾健康。同埋你試下益生菌啦,腸胃好啲皮膚都好啲。我之前試過朝朝飲啲乳酸飲品,皮膚真係靚 ...

中醫話yogurt其實對皮膚敏感唔好, 唔記得係濕熱定咩, 另外中醫叫我朝早唔好食水果。
manwingtao
|
回覆 Mahahafree 的帖子

我剛剛先開baby kingdom睇到你的信息, 七月頭敷完最後 mask 一直都未有party 所以冇再敷 皮膚一直爛 爛到好似 毀容咁 最後睇咗皮膚科 食類固醇抗生素 但是食到反曬胃 食咗兩日 冇再食藥 我決定 自然療法 用水洗面唔搽嘢 大約兩個月 皮膚新陳代謝 慢慢復原 但是現在 還未開番最好的時間
manwingtao
|
回覆 Mahahafree 的帖子

之前敷mask嘅時候皮膚都好反反覆覆 停咗 仲差過之前 我深信還有好多人 會好似我哋一樣 敷完爛面
只不過佢哋 沒有分享 沒有途徑 告知

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽