癡情女盲墮陷阱 警勸止仍堅持匯20萬

mickeyeva
|
即使得悉被騙真相後仍拒絕相信事實,「因為他們唔想醒,一醒就冇」。







問世間情為何物?有癡心女子遇情騙,在銀行準備匯款廿萬元予海外「情人」時,獲銀行職員和警員及時制止,但她竟選擇沉淪愛海堅持匯出款項,糾纏半天始接受現實,但事主即使心深傷透仍拒絕報警。警方數字顯示,網上情緣騙案有死灰復燃之勢,今年首半年接獲二百七十二宗相關騙案,較去年同期多出近兩倍半;損失金額更高達一億三千七百多萬元,亦比去年同期增長逾一億元!騙徒愛扮成軍人、工程師或海員等,不論受害人是男是女、單身或已婚,均以甜言蜜語、噓寒問暖以建立感情,再藉故要求匯錢解救其不同「難題」,市民要小心提防各式愛情陷阱。

警方商業罪案調查科總警司曾正科表示,今年首半年錄得二百七十二宗網上情緣騙案,已高於去年全年的二百三十五宗。

受害者超過九成為女性,從事白領或服務業人士為主,當中八成年齡介乎三十一至六十歲,全部均未曾親身或經視像通話見到對方。雖然從未見面,但部分受害人深信已覓得真愛,即使得悉被騙真相後仍拒絕相信事實,「因為他們唔想醒,一醒就冇」。

商罪科警司陳天柱舉例,本月六日一名中年女子打算向身處土耳其的「美軍男朋友」匯款約二十萬港元,惟銀行職員得知事主匯款目的感到可疑,於是通知警方反詐騙協調中心。警員向事主講解已遭對方欺騙,「特點是見都冇見過,但就要求匯款到外國戶口,又自稱是美軍或專業人士」,但該女子不肯相信受騙。

陳說,「同事用一個上午解釋,對方一直不相信,同事直接說『你投訴我啦,你投訴我都係會咁做,你畀人呃緊錢呀』!」受害人始肯相信,但最終亦沒有報警。陳又謂,其實不少受害人曾聽聞其他騙案,但不認為自己會成為當中主角,「佢會覺得人哋畀人呃,我呢個真係男朋友來的。」

警方上月二日亦接到一名姓陳的七十三歲老翁報案,指自己去年十一月透過網上社交平台認識一名女子,對方以不同理由索取金錢,他於去年十二月至今年五月間,將約二百萬元分開五次存入一個外地及三個本地戶口。據了解,該名老翁家有一妻,去年於Facebook認識一名自稱為「美國女軍人」,多次匯款已令自己身無分文。

至於最大宗網上情緣騙案則於一六年發生,一名五十五歲女子於親弟的公司任職,在網上認識了聲稱來自馬來西亞任職財務分析的高層人士並成為「情侶」。騙徒稱自己將要繼承家業,涉及七千多萬資產,但需額外費用處理,故受害人於兩年間將二千六百多萬元,分四十次匯至其指定的三十六個戶口,最後因將公司款項匯清,獲家人提醒終在今年報警求助。

EstrellaDamm
|
唉。。。

怪不得騙案無日無之,咁多水魚。。。
洛婷
|
佢真係好彩,
遇到個醒目職員
Fishqqma
|
洛婷 發表於 18-8-13 02:02
佢真係好彩,
遇到個醒目職員


tansyneko
|

Ashleycorina
|
係,一日都唔想醒,醒左就無。

Conybrownbb
|

Mrs.Kangaroo
|
mickeyeva 發表於 18-8-13 01:56
即使得悉被騙真相後仍拒絕相信事實,「因為他們唔想醒,一醒就冇」。

个职员真系要獎勵一下
哈爾濱
|
當年我有個朋友在加拿大剛失戀好傷果隻,同時間fb識左果鬼佬,從未見過既,傾左個零月話飛去加拿大見佢,咁不知為何會條友自稱在馬拉轉機,但比人扣留在,話佢犯法要罰款先放人,初初話要五萬港銀,朋友即pay, 之後D人見容易就話要比廿萬,我朋友又二話不説la, 期間冇人知我朋友咁,之後再要多廿萬,我朋友仲未知中伏,問周圍朋友借先知,大家叫唔好,話冇可能發生,另有朋友係馬拉人都話唔會咁既,佢唔信,自己淘埋最後廿萬出尼前後45萬,可能最後廿萬太耐先pay, 對家知可能已淘盡所以就失蹤。
事後知自己受騙去報警,警察同佢講果期佢已經係唔知第幾個
miffyumiffy
|
我朋友都識咗件“金融財俊”, 但我朋友同“財俊”講佢做餐廳待應,對方仲問佢一個月搵幾錢, 即無興趣

但我朋友至今都仲信佢住貝沙灣嘅金融財俊,比我炳到佢差啲反面咁滯
點評
wcpcelia    發表於 18-8-13 17:54
wendy貓
|
一直都有,我好多年前係台灣d時事節目都聽過,又係d女人比過錢後唔肯面對人財兩空現實,唔知點解香港警方唔提醒下。
ngwong2
|
D人寂寞空虚。被人呃又不願醒。有朋友劝还好多。冇朋友死得仲金!
good_pig
|
mickeyeva 發表於 18-8-13 01:56
即使得悉被騙真相後仍拒絕相信事實,「因為他們唔想醒,一醒就冇」。

最後果單,個細佬多得佢唔少
oran04
|
你叫不醒不想醒的人
TMC3012
|

chinatea
|
係某D平台,見過幾個60亞婆,係道爭亞伯,大家都未見過面,只係得個傾字,一張係山頭野領影的亞伯相,就話係美國農場....幾個亞婆為爭呢個一睇就知係大陸農民的男人,鬥送禮物,金錢,衣服....
後來有個40歲女人加入,呢個仲傻,約個男人飛返來香港見面,個男人話比廿萬佢擺低係農場比工人做開支,要請個人代佢個位先離開得,寄完廿萬又話想來香港耐小小陪佢,比多廿萬啦...

之後又話想買定介子同40歲訂婚...話冇時間出去shopping,只可以係機場買,叫亞40借住5萬比佢,來到香港就比返D錢佢...攪左一輪,亞40係3個亞婆道威哂,個男人來同佢訂婚,始終40歲點都勝過60歲...之後就等等等個美國農場主人來辦喜事,等等下冇哂下文,65萬就咁冇哂,後來係網路道搵到一張相,係大陸一單意外死者相來架.
EvaHui520
|
wendy貓 發表於 18-8-13 07:01
一直都有,我好多年前係台灣d時事節目都聽過,又係d女人比過錢後唔肯面對人財兩空現實,唔知點解香港警方唔 ...

本帖最後由 EvaHui520 於 18-8-13 08:39 編輯

你有冇睇警訊?其實有提但大家唔睇姐⋯

alicialee1210
|

20020116
|
見到冇見過,有幾愛呀?!
good_pig
|
呢個有冇咁好笑?

附件: 你需要登錄才可以下載或查看附件。沒有帳號?註冊
點評
phoenixM    發表於 18-8-14 00:21
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽