遇著一個極品公務員租客

manman924
|
本帖最後由 manman924 於 18-8-14 12:34 編輯


上年平租畀個租客$12000( 因為是親戚朋友),一開始全屋油過油,知道佢地將快有小朋友,仲要加錢比裝修師傅油隻貴油 (立邦無味 乳膠漆), 個廳個冷氣冇壞,只係5識上下轉,我地都換咗個新嘅分體冷氣比佢,都攪咗差唔多兩三萬蚊。

佢一入去住已經話房個冷氣唔夠凍, 我哋又畀多千幾蚊去加雪種, 之後佢又話燒咗個電錶箱,要換個個新, 又整咗二千蚊,呢d野,佢話整我地都冇講咩,佢揾師傅話幾多就幾多。


今年7月頭佢又話個房冷氣唔凍,自己搵咗師傅上去睇話冇得整, 我地都同佢講換返個冷氣比佢, 佢話好, 亦都話會搵師傅一齊上去睇。


但我另一方面話畀佢知,5月尾都完咗個死約,而家8月都想調整下個租金,加佢千五蚊一個月我覺得都好合理,我哋個單位,上年都可以租萬五蚊,咁今年都可以租萬六,之後佢就話房部冷氣冇事可以唔使換住, 但既然都同佢講咗加租,就冇謂因為佢話唔整冷氣就5加住,但佢同我哋講加千五蚊唔合理,加幅太大,加十幾個%, 咁好啦!咪同佢講加$1000,之後佢就兩個星期都冇再覆我哋。(另一個重點,租客自己上年已經買咗樓, 但佢5知道佢個朋友即係我哋嘅親戚話咗畀我哋知 ,原本我哋諗住如果佢住多幾個月都諗住走,我哋其實可以唔完全唔加佢租都可以 ,但我哋問佢諗住再住多幾耐, 會唔會買樓 ,佢答我地話要住多年幾先買樓會搬, 佢咁樣答只係會畀我哋覺得,因為我哋萬二蚊好平租,佢自己個單位出租咗個收入較可觀, 有錢賺, 如果佢唔係有錢賺,點解唔老實答我地佢已經買咗樓呢? 所以呢個係點解我哋一定要加佢租嘅原因)


大約七月廿幾號,我哋都覺得8月要起租,要再搵佢,問佢諗成點, 佢就send咗以下對話畀我哋


其實,我計過我走去租個細D的單位都可以找到$13000左右,但你再放租有人接我當兩星期,免租期又要一星期。用 $13500 計,前後都差唔多無左$10000,佣金又要 $6750,仲要比埋政府厘印費,新租給其他人又要裝修一下換下野我當你都要$6000蚊。加埋都無左 $23000,而每個月只係收多 $1500,要大約一年半年先開始賺到個 $1500 差價落袋。但其實你要承擔新租客既風險(三日唔埋兩日搵你整呢整路、遲交租要追之類、最驚係可能遇著個租霸)。我自問都係一個好租客,個個月都準時交租,都冇話成日有問題揾你地。當然啦,我地如果要再揾地方,我地都要花額外既金錢同時間,為免兩方都有損失,加租事宜可否再考慮考慮。


睇完呢段嘢已經真係覺得好嬲, 之後仲同我哋講畀$12500我哋,佢係覺得我哋唔知市價可以租到幾多錢?我地一句同佢講話個單位出面最少租萬五, 佢之後第二日立即覆我哋話萬三蚊ok!


過咗幾日,個租客又話房部冷氣唔ok! 咁我哋都同佢講換返部窗口機畀佢,但佢同我哋講,租比佢之前係分體,所以一定要換返分體比佢,唔係分體佢瞓唔著, 我哋同佢講窗口機裝連機大約$3000左右, 如果你一定要分體,我哋畀三千蚊,其餘你自己搞,將來你唔租,你點都要留返部正常嘅冷氣機畀我地, 但佢仲要同我哋講,要將我哋主人房窗口出面分體機部份,同書房出面窗口個分體機對調, 請問個租客知唔知道,出面兩部機咁樣對調係需要搭兩個棚架, 個分體機佢都冇話自己會畀錢,呢兩個棚我諗佢都冇諗過會畀。( 搭棚費兩個,最少都要八千至一萬) 正常租客真係冇權可以決定要窗口機定分體機,租樓租到佢咁有要求,其實佢真係自己出去租嗰個單位啦!


我哋之後覆佢


其實將啲機搬來搬去,咪就係啲師傅再收拆裝費?咁樣其實無意思的,不如咁啦,既然2邊都咁堅持,如果真係唔得嘅,唔好太勉強,我地租到8月底好嗎?

而且亦都有同佢講到搞到我哋都好唔開心,好煩。


但佢之後都同我哋講,既然搞到我哋咁唔開心, 佢都係會接受我哋嘅建議裝窗口,住埋個生約先走。


之後我同佢約整冷氣,我話自己上去睇咗部機先,佢問我點解唔可以搵師傅一齊上去,我心諗我做業主點解可唔可以上嚟睇咗部冷氣係咪真係壞先決定搵唔搵師傅同你換冷氣, 我點知部機係咪真係壞,次次都係你講啲嘢壞我就即刻換,我認我之後係有心串佢,因為佢之前太多麻煩野, 所以我認我係唔啱,但係問題係如果唔係佢之前咁多麻煩嘢,我唔會咁樣對佢囉。 我做人EQ係低,人對我好,我會對到佢好,佢對我差,我咪對佢差。


真心地講,如果我哋係計較錢,我哋唔會四月尾已經畀咗所匙佢,五月中裝修已經搞掂曬,我哋仲要六月第二個星期之後先至開始計租。 每個月收佢萬二蚊租 ,扣除差餉管理費每個月實收萬鬆d,淨係裝修已經冇咗幾個月租, 之後仲話要整呢樣整嗰樣。

8月1日,Whatsapp叫佢租到八月底,之後佢就唔聽電話唔覆whatsapp唔交租, 喺whatsapp同佢講要攞按金當租金都要親自同我哋講聲,但都係唔覆。
之後搵親戚搵佢,佢話我串佢,佢好氣頂覺得我睇佢唔起喎! 因為我用whatsapp send咗啲租盤畀佢叫佢搵樓。
kk80400
|
manman924 發表於 18-8-13 23:30
上年平租畀個租客$12000( 因為是親戚朋友),一開始全屋油過油,知道佢地將快有小朋友,仲要加錢比裝修師 ...

換咗部新嘅分體冷氣會唔凍???

甘新買唔係有保養咩?洗乜搵師父比多千幾蚊呢?

如果冷氣舊加雪種,好快第二年又真係一樣唔夠凍.....
Yanyan0904
|
死約完左就叫佢走,冇理由業主要受租客氣!
同埋佢走既時候check清楚有咩地方損壞,有損壞就係按金到扣,佢唔交租?得!一於係按金到扣,租金扣哂按金既,損壞既地方要佢補錢
我租樓出去講到明有仼何地方電器傢私損壞既,業主同租客一人一半,師傅由業主搵,如果業主全部揹起哂,租客搵師傅容乜易叫師傅開大個價同租客食夾棍?
lingluk1306
|
公務員真係好麻煩 好計較 成日搵人笨
jwjody
|
你咁唔開心。佢又唔開心。係完約時就唔使講加租。直接唔租比佢啦。你係咪有d搵黎攪呢
甜甜人妻
|
manman924 發表於 18-8-13 23:30
上年平租畀個租客$12000( 因為是親戚朋友),一開始全屋油過油,知道佢地將快有小朋友,仲要加錢比裝修師 ...

快d踢走呢個租客啦,咁麻煩
Miulo
|
唔好心軟,一定要佢走,免煩。
bing-jing
|
本帖最後由 bing-jing 於 18-8-14 00:00 編輯

長篇大論,同個題,即係佢公務員身份有咩關係?
LedTV
|
咁x煩
又收少咁多租
我一早就會同佢講收返
唔再租
LedTV
|
bing-jing 發表於 18-8-13 23:58
長篇大論,同個題,即係佢公務員人身份有咩關係?

本帖最後由 LedTV 於 18-8-13 23:59 編輯

無關係
引人入黎睇
bing-jing
|
LedTV 發表於 18-8-13 23:58
本帖最後由 LedTV 於 18-8-13 23:59 編輯

無關係

你都咁認為,我仲驚係我理解有問題添
I9528
|
同隔離舖一樣
有小 3,唔關職業事,醫生都係人
麻煩租客,都一樣唔關係咪公務員
bambix
|
睇完晒,租得禁氣頂,收反間屋算數
PINK2007
|
manman924 發表於 18-8-13 23:30
上年平租畀個租客$12000( 因為是親戚朋友),一開始全屋油過油,知道佢地將快有小朋友,仲要加錢比裝修師 ...

你寫甘详细,証明你都氣頂,冇理由受氣,勸你唔好再租比佢,蝕$都踢佢走!
從文字都覺你系盡責業主,你一定會遇到好租客(emoji)
jasmineoj
|
咁似我老豆之前個租客,又係公務員,不過佢個case 係熱水爐
Baby豬1209
|
租過俾其他人啦,成日要應酬租客
cinda72.
|
bing-jing 發表於 18-8-13 23:58
長篇大論,同個題,即係佢公務員身份有咩關係?

唔係架,公墓員真係麻煩d架,
舊年我開過一個做市政既拖架啦,真係火到爆
個個月有野整,算,叫師傅上去整,但就鬧走2,3個師傅走,之後話唔整唔交租,仲話要告我地
我真係18個字粗口爆佢樽,先痷春架
cinda72.
|
bing-jing 發表於 18-8-13 23:58
長篇大論,同個題,即係佢公務員身份有咩關係?

因為公墓員,會問番佢d同事或者工作接觸到法律問題,郁下又話要告又話追討損失,但好多係識d唔識d,但就以為自己要求係合理
LedTV
|
cinda72. 發表於 18-8-14 00:11
因為公墓員,會問番佢d同事或者工作接觸到法律問題,郁下又話要告又話追討損失,但好多係識d唔識d,但就以 ...


bbforever
|
manman924 發表於 18-8-13 23:30
上年平租畀個租客$12000( 因為是親戚朋友),一開始全屋油過油,知道佢地將快有小朋友,仲要加錢比裝修師 ...

嘩 ! 真係好氣頂, 即刻叫佢搬, 唔洗畀面佢。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽