自由講場今日: 241|主題: 1299851

收藏本版

發帖

返回列表

跳至頁

查看: 26195 | 回覆: 225

12 3 4 5...12

積分: 143

1^#

發表於 18-8-15 23:06 |只看該作者 |倒序瀏覽 |打印

本帖最後由 shoppingmami 於 18-8-15 23:11 編輯

最近發生左一件超無奈又無助的事。希望請教下大家，睇下事到如今可以點做，同埋比大家認清楚貴公司處事手法。

五月嘅時候拎左件moncler 羽絨 ( $7xxx) 去乾洗，佢話洗完會打比我，當時收左我$7x 乾洗費。事到六月，都無電話打黎，於是請工人姐姐落去睇下有得拎未，一心怕自己miss 左佢地個call又擺係到阻住人。誰不知，當時的答覆係，未有呀，如果有會打比你。咁我都追佢，因為可能夏天多單去乾洗我都明白。所以，只好一心等佢地電話。

到七月頭都無電話，我就打電話落去。佢話都未有。到七月中我再打電話，佢話未揾到件衫(emoji)咁個個洗衫姨姨，話會再揾下，我就又只好等佢覆。因為佢話未揾到我件羽絨，我都擔心，因為我好喜歡同埋已經停左產。接著幾個星期，我都有打電話跟進。佢地開始表示不耐煩同埋態度開始差，話會call back我地，但最後都無。

到七月尾，我再追問。貴公司正式同我承認，話我件外套唔見左，話會以洗價十倍價錢（即$700)作賠償。我當然唔接受，於是同佢傾，負責人（1）話：「你唔好同我係到街市買菜討價還價。」呢句說話真係令我好嬲，我拎件外套落黎係相信你公司會提供清洗服務比我。結果，你承認公司有問題但就話我街市買菜。我無得到服務亦件外套的屍骨都拎唔返？我絕對無獅子開大口，我只係要求公司賠返件外套的原價比我(我有單據，證明係半年前買。)依家係專門店，用呢個價錢只可以買到最薄的羽絨。負責人(1)話佢要同公司商量，再call back 我。接著，負責人(1)係有call back，不過當中又話「講野無你咁叻，唔夠你講。」無提供過解決方案。之後我問佢拎佢上司電話，我想直接聯絡。

(事情發展太長，我係留言繼續。)

0 0 0

私人傳訊

shoppingmami

複式洋房

積分: 143

2^#

發表於 18-8-15 23:22 |只看該作者

shoppingmami 發表於 18-8-15 23:06
最近發生左一件超無奈又無助的事。希望請教下大家，睇下事到如今可以點做，同埋比大家認清楚貴公司處事手法 ...

負責人(2)相當唔客氣，亦無商量的餘地。我問佢點解會見左。佢話: 唔見左就係唔見左。一陣又話聯絡唔到上司，我問點解會聯絡唔到，佢話聯絡唔到就係聯絡唔到，更反問我放假會唔會聽公司電話。可見，佢地有幾負責任，根本就係推卸責任。之後我問佢: 你話揾過, 你經過咩程序揾過？

負責人(2) 回答: 「我地已經揾過，公司個廠好大，跌左落去洗就好似個海一樣。唔見左就係唔見左。」大家留意，原來拎衫去貴公司洗，就相等於跌入大海，未必會揾到。作為一間有幾十年歷只的公司，咁樣嘅回覆，避免太不負責任。

之後我向佢重申我的要求賠償，亦表示可向佢提供單據。佢話無可能做到，更說「我地收的洗費已經好平。所以無可能賠到咁貴。」作為顧客，我從來無要求你收平我，但你依家承認唔見左我件外套就話收得我平，合理嗎？

我向負責人(2) 再重申我的要求，佢就話: 「你依家我同你講咩都聽唔入耳。我有電話響。」之後就cut左我電話。

佢係半小時內有打返比我，話負責人(3) 即放緊假的負責人會係兩星期前的星期五call back比答覆我。至今，音訊全無。

我真係感到好無助，亦好憤怒。希望大家有所警惕之餘亦可教下我可以點做。謝謝