威院順產餵奶疑問?

Howingman
|
請問有威院順產媽媽嗎?如果我初頭選擇產後餵奶粉,但生後又想試餵人奶,醫院會比嗎?即係我試完人奶,如果冇奶可以補奶粉嗎?因我知我一開始選擇人奶就算冇奶都冇得補奶粉
ipcs
|
Howingman 發表於 18-8-16 12:23
請問有威院順產媽媽嗎?如果我初頭選擇產後餵奶粉,但生後又想試餵人奶,醫院會比嗎?即係我試完人奶,如果 ...

我聽到有媽媽生完話揀奶粉,護士不停游說佢餵人奶,但個媽媽話自己唔想餵。
如果一開始餵人奶,佢地唔會咁輕易畀你補奶粉,就算啜到乳頭損晒都塞阿B埋嚟,除非BB血糖低、超過8小時無尿痾就會畀你補。

喺醫院頭幾日真係未上奶,BB其實無乜奶落過肚。
PhoebeKw
|
Howingman 發表於 18-8-16 12:23
請問有威院順產媽媽嗎?如果我初頭選擇產後餵奶粉,但生後又想試餵人奶,醫院會比嗎?即係我試完人奶,如果 ...

其實頭幾日無咁快上奶,係要靠不停埋身刺激到第三日先開始有奶出⋯所以你諗清楚係咪想餵人奶先
kaka0324
|
好多生過嘅朋友都教我,係醫院果幾日最好話餵奶粉,如果唔係唔洗訓,因為會每隔2小時比人拍醒餵奶。要餵人奶都回家先開始餵。
Howingman
|
kaka0324 發表於 18-8-16 22:38
好多生過嘅朋友都教我,係醫院果幾日最好話餵奶粉,如果唔係唔洗訓,因為會每隔2小時比人拍醒餵奶。要餵人 ...

明白!最多自己帶定揼奶機去睇下揼唔揼到出嚟
EstrellaDamm
|
Howingman 發表於 18-8-16 22:45
明白!最多自己帶定揼奶機去睇下揼唔揼到出嚟

其實你有心餵人奶畀BB,想畀到最大好處BB嘅話,實在冇咩理由要避免住院期間埋身餵BB。埋身餵最能夠刺激身體開始造奶,冷冰冰嘅奶泵係及唔上㗎。另一方面,埋身餵比樽餵亦更能安撫剛剛嚟到一個新世界嘅BB,等佢冇咁驚。生完頭幾日,身體會製造為初生BB度身訂造嘅初乳,含大量抗體,你錯過咗咪冇囉。初生BB食得密,因為胃仔細,而食得密其實催促你身體大量造奶,一定會經過呢個階段,但當胃漸大,佢每餐可以食多啲,就可以隔耐啲餵喇。其實初初餵奶,好老實講,媽媽同BB都要時間學習同磨合,你喺醫院開始的話,有需要可以即刻向母乳姑娘求助,早啲執好姿勢嘴型,唔單止上奶事半功倍,你仲會受少好多皮肉之苦㗎。

我生兩胎,兩次都係喺醫院生完即刻開始餵,而且住院期間密密餵。其實生完雖然有可能有啲攰,但心情會好興奮,而且動物本能係媽媽生完即刻要餵哺同保護下一代,係一定有能力畀母乳BB的。
點評
carolzero    發表於 18-8-17 07:50
Howingman
|
EstrellaDamm 發表於 18-8-16 23:16
其實你有心餵人奶畀BB,想畀到最大好處BB嘅話,實在冇咩理由要避免住院期間埋身餵BB。埋身餵最能夠刺激身 ...

我唔擔心攰,只係擔心我唔夠奶餵飽BB,佢又不停喊我又冇奶出,係醫院會好無奈!我都擔心如果比咗奶粉BB之後唔肯食人奶
pigpiglamlam
|
我今胎想試埋身,阿女肯食不過食到我損晒,雖然係咁但姑娘都堅持唔俾補奶粉,我擠出黎又唔多,結果夜晚就爆喊唔肯訓 好辛苦捱過2日我返屋企俾奶粉,等乳頭好返但阿女已經唔肯埋身,唯有擠出黎餵。
好睇你決心有幾大,我就爭少少,依家雖然埋唔到身不過擠出黎餵都一樣,係做多d野啫。
bikat
|
啱啱6月尾在威院生。
個人睇法,唔係個個人都可以埋身餵得咁順利,
可以忍受比bb咬損痛到比刀割咁或者每日隔兩個鐘餵一次(簡單嚟講係唔洗訓)。
諗永遠都係好理想,但產後嘅情緒真係可以差到你不能想像的。
Howingman
|
bikat 發表於 18-8-17 01:07
啱啱6月尾在威院生。
個人睇法,唔係個個人都可以埋身餵得咁順利,
可以忍受比bb咬損痛到比刀割咁或者每日 ...

唉!真係要諗清楚⋯⋯唔想開錯個頭
bikat
|
Howingman 發表於 18-8-17 01:10
唉!真係要諗清楚⋯⋯唔想開錯個頭

其實餵奶粉之餘你同時都可以試埋身,變咗彈性大D而你壓力都冇咁大。
我b因為磅數跌得太多(唔夠奶加bb收水)所以我要留多一日院,本來醫院仲未肯比我走,係我發癲咁叫我老公要醫院一定要比我出院。
我都已經唔夠奶,唔通仲要繼續喺醫院餓bb?
不過你自己衡量下先~
ricci0917
|
本帖最後由 ricci0917 於 18-8-17 01:56 編輯

我上胎就係簡左餵母乳 結果一生完到24小時後出院 我未上奶但我bb一滴水奶都冇落過肚 亦冇姑娘問你要唔要水奶 隔離床媽媽問好幾次都被拒絕 仲話頭幾日未上奶唔怕 密密比佢啜就得 結果第2日去健康院時姑娘有叫我補小小奶粉先 但都開始有脫水跌磅又入返院拮腳仔抽血勁心痛 我覺得如果未上奶或唔夠奶 真係唔好太執著 我都係有補奶粉 到夠人奶先慢慢減奶粉 對媽媽梨講都舒服d冇咁大壓力

yingying1128
|
EstrellaDamm 發表於 18-8-16 23:16
其實你有心餵人奶畀BB,想畀到最大好處BB嘅話,實在冇咩理由要避免住院期間埋身餵BB。埋身餵最能夠刺激身 ...

我睇完你咁講,即刻個決心大咗,係醫院餵一定餵水奶
Howingman
|
ricci0917 發表於 18-8-17 01:54
我上胎就係簡左餵母乳 結果一生完到24小時後出院 我未上奶但我bb一滴水奶都冇落過肚 亦冇姑娘問你要唔要水 ...

我聽完你咁講,都係先選擇奶粉,之後先比人奶了
KILW
|
Howingman 發表於 18-8-16 22:45
明白!最多自己帶定揼奶機去睇下揼唔揼到出嚟

未上奶唔好用泵,比個b埋身啜下同最多用手擠,一生完喺醫院用泵會痛死架。我自己同身邊朋友幾個b都先奶粉後人奶,都肯食人奶。
shirleyli_0513
|
我建議係醫院餵人奶好d
醫院有母乳姑娘定時黎睇我餵成點
教我點餵同按摩 執我同bb既姿勢
第3日d奶就多到成件衫都係
bb都食得好好
yingying1128
|
Howingman 發表於 18-8-17 07:43
我聽完你咁講,都係先選擇奶粉,之後先比人奶了

我都覺得,太執著餵人奶,只會令自己同BB係壓力,BB一世出來到一個陌生嘅地方頌要唔夠飽,真的好可憐,反正出院一兩日都番健康院,都有姑娘跟進䭘奶情況...
我要做媽媽
|
因為要等上奶,所以有D醫院見到媽媽上唔到奶都係會先俾奶粉架,不過都會好鼓勵媽媽餵人奶。其實產後你多D俾BB埋身,咁樣既容易上奶,又容易安撫到bb
水木目
|
我5月係威院順產 當時都係驚未上奶所以我好堅持話唔餵人奶 姑娘都不斷問點解 我無比佢地游說到 結果佢地比水奶我餵bb 到時到候問佢地拎就可以 不過初生bb每餐其實飲好少 15ml左右 我就半夜自己再埋身刺激上奶
麗蓉
|
如果你一開始話餵人奶 姑娘係會密切監視住你餵奶既情況 不定時入黎睇你幾點餵 片有無濕 無尿未餵就問你點解未餵 未餵好依家餵 BB喊 就一定走入黎 再質問你點解唔餵 根本生完個人唔夠休息 未上奶 之後又係咁比d姑娘問長問短 BB唔夠奶 又黃又唔夠飽 過左探病時間 要自己一個人面對個喊唔停食唔飽既BB 仲要提心吊膽d姑娘幾時入黎check你 所以我覺得你可以食住奶粉先 之後再試下埋身 最起碼個BB都有餐飽既食下啦 返屋企再叫陪月教餵人奶
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽