請問如何拆解投訴王?

TYY1988
|
本帖最後由 TYY1988 於 18-8-19 20:06 編輯

(1)未生小朋友前朝9晚6,收工去奶奶食晚飯再回家都9點,沖涼開冷氣起碼10-11點!日頭食環署上門但冇人開門,要電聯返!但根本唔係屋企點開冷氣?當時未知邊個投訴
(2)生左大仔,一歲前未識行同走!搞一歲生日,有人㩒門,樓下大叔㩒門話:你冷氣機滴到我地濕哂,堅持入黎睇,咁比佢睇囉!冇事走左!所以估返一年前應該佢投訴!
(3)去醫院生細囡,佢夜晚7點上黎㩒門,指住我仔:叫佢冇推,好嘈!當時仔仔推緊玩具箱有轆!婆婆答佢:好!對唔住!
(4)囡二個月,我餵緊奶!尋晚9點,看更㩒門,樓下投訴你地好嘈,人地要返工細聲d!事緣我仔玩緊Lego,跌落去有聲!

請問假設再投訴,點樣應對佢!其實好嬲,仔仔只係剛2歲,係屋企行或跑,玩咩野都要投訴,唔通鎖住個小朋友?佢自己都有個10幾歲女,點解唔可以大家忍讓下?我地通常10點一定唔比仔玩動態!聽下歌,飲奶訓覺!

更新#87,岩先(19/8)又上門投訴,已回應左佢,希望可以解決!

zitzai
|
我媽樓下個女人又係咁,投訴我仔推凳。幾年前我仔 1 星期先過我媽度湊最多 2 日,9 點前一定撤退。我媽已經即刻買晒嘢包凳腳,我地屋企亦係正常食飯先拉凳坐。個女人依然耐唔耐自己上來投訴下,有時又叫看更。有次看更上來我喺度,我直情叫佢叫個女人咁唔滿意就報警。11 pm 前差人都唔理啦!果次之後佢無再黎煩。唔係話要做惡霸,但偏偏有好多人無嘢搵嘢黎搞。你唔出聲一味讓,好似我媽咁,佢仲覺得你好恰
ryan_mami
|
1同2係無理指控,3同4應該可以避免,屋企冇用地墊嗎?
TYY1988
|
zitzai 發表於 18-8-18 12:44
我媽樓下個女人又係咁,投訴我仔推凳。幾年前我仔 1 星期先過我媽度湊最多 2 日,9 點前一定撤退。我媽已經 ...

係啊!好無奈咁樣針對小朋友!我都諗住下次叫佢報警!多謝你意見
TYY1988
|
ryan_mami 發表於 18-8-18 12:49
1同2係無理指控,3同4應該可以避免,屋企冇用地墊嗎?

本帖最後由 TYY1988 於 18-8-18 13:25 編輯

小朋友玩既area有用嫁!但如果跌左出area就中招嫁啦!我地唔係唔避免,樓下連小朋友推櫈上床訓都可以投訴,空間有限?推到幾下!
musiccisum
|
ryan_mami 發表於 18-8-18 12:49
1同2係無理指控,3同4應該可以避免,屋企冇用地墊嗎?

agree用地墊隔一隔聲。
我樓上都係咁好困擾,我仔成日俾啲聲嘈醒,但我就無投訴,樓上樓下大家忍讓下。
藍尾巴
|
可能佢真係好困擾,事實係你真係嘈到人,如果play area 以外都加墊得唔得?會跌出墊即原來個墊唔夠大
TYY1988
|
musiccisum 發表於 18-8-18 13:24
agree用地墊隔一隔聲。
我樓上都係咁好困擾,我仔成日俾啲聲嘈醒,但我就無投訴,樓上樓下大家忍讓下。
...

我有用!大家都有樓上樓下,我樓上婆婆講野好大聲,但我認為可以體諒下大家背景!有時煮飯做家務,小朋友總需要自己玩,聲音一定有,我可以接受!
musiccisum
|
TYY1988 發表於 18-8-18 13:29
我有用!大家都有樓上樓下,我樓上婆婆講野好大聲,但我認為可以體諒下大家背景!有時煮飯做家務,小朋友 ...

咁如果已經有墊都無乜辦法,其實10點前都可以接受丫
TYY1988
|
藍尾巴 發表於 18-8-18 13:27
可能佢真係好困擾,事實係你真係嘈到人,如果play area 以外都加墊得唔得?會跌出墊即原來個墊唔夠大
...

其實空間有限,廳位置已經都係墊,飯枱位冇!意思係跌到飯枱位,佢已經會投訢!而且我地同隔離左右關係都好好,如果好似大聲到咁,相信鄰舍已講!
TYY1988
|
musiccisum 發表於 18-8-18 13:33
咁如果已經有墊都無乜辦法,其實10點前都可以接受丫

我好明白太嘈,會影響人,尤其小朋友訓覺!我自己最細二個月,根本唔會比個仔太嘈,嚇醒bb!我10點後係一定唔玩玩具,聽歌飲奶!
mom06
|
(2) 絕對不可以比他私自入屋。有冇事一定要經管理處(幾無用都要經他們)。個大叔唔小心在你家跌親之類,e藥費又入你數。這位大叔好煩!
TYY1988
|
mom06 發表於 18-8-18 13:45
(2) 絕對不可以比他私自入屋。有冇事一定要經管理處(幾無用都要經他們)。個大叔唔小心在你家跌親之類,e ...

多謝提醒!因為諗住咁多人係到,開門比佢求證都好!唔洗又投訴我地冷氣機!下次佢上黎,我唔會開門,怕得我地三母子!
綿花雞
|
公屋定私樓?
happybebebe
|
TYY1988 發表於 18-8-18 13:19
係啊!好無奈咁樣針對小朋友!我都諗住下次叫佢報警!多謝你意見

我隣居樓下就係咁,個阿婆經常上嚟投訴,
個男仔根本好乖
結果搬了
新隣居又係小朋友,阿婆又上嚟投訴
Chowying
|
本帖最後由 Chowying 於 18-8-18 14:44 編輯

你地好似好隨便就開大隻門危險

同看更講,下次有投訴話“好嘈”,叫佢入去投訴人單位聽吓究竟有幾嘈,嘈 d 咩, 如果推幾吓櫈同跌幾吓 Lego 都叫 ”好嘈”,就立即報警,不必禁你地鐘喇。

其實就算依家公屋都已經 廳房分開,佢究竟係房 嫌樓上嘈定係喺個廳瞓呢

當然 鋪好地墊包曬凳腳 咁就算人哋報警都冇咩嘢好講。
甜心蕃薯
|
唉,我樓下都係咁,連日間都係咁投訴
已經落哂地墊,有次小朋友玩玩下跌到,撞到地下一下,即刻投訴嘈到佢
Angel_Rose
|
初睇標題,以為樓主想講服務業的人常遇到果啲客人類投訴王
TYY1988
|
綿花雞 發表於 18-8-18 14:29
公屋定私樓?

私樓
叮妹
|
musiccisum 發表於 18-8-18 13:33
咁如果已經有墊都無乜辦法,其實10點前都可以接受丫

我又系咁而困擾好多年,我會容忍到十一點,但每朝4點幾佢就起身拉下倚,行來行去Boom Boom聲,但我窮住公屋冇$買頂樓,唯有忍……我吾怕頂樓熱,吾怕漏水,最怕嘈音
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽