我知道係好無聊的擔心

野原美冴
|
本帖最後由 野原美冴 於 18-8-29 23:04 編輯

我本來係公司部門內唯一的女人,我同成班男上司的工作關係都很好,佢地好錫我,因為我幫到手。最近終於請到新人來幫我,係一個年青活潑的女仔,佢見工時我都有interview對話過,係幾nice易相處的性格,我都鍾意佢,所以揀左佢。過兩日佢會返工,我突然有擔心的情緒,我覺得地位不保,d男上司會錫佢多過我,因為我只是一個肥c9
我擔心我教得好佢,日後無人理我錫我。我又擔心我教得佢唔好,佢唔識或做錯,又會被人誤會我蝦佢。我好矛盾,愈想愈唔開心。

29-8-2018續集
新同事來了幾日,我愈來愈唔開心,覺得自己做乜都錯。
第一日,佢乜都唔識,我叫佢坐我隔離睇我做,我做到咩就順便講解一下,比佢有個概念我地的job duties. 我完全無叫佢做,全日只是聽和睇我做,到放工,上司責怪我「一次過教咁多,嚇走佢呀!」我個刻覺得好寃枉,我無刻意教多或教少,我係邊做邊教。

我一向帶飯,第一天為左welcome佢,都專登同佢一齊出街食lunch, 之後我就回復自己带飯,但隔左2日,佢坐自己位做嘢,lunch夠鐘食但無出去,上司走來話我「夠鐘食飯你唔提佢食嘅?」我從來沒想到原來又係我錯。我現在唯有一夠1點,即刻提佢食飯,呢件事令我有壓力,因為平時我自己帶飯隨意食,望到已過1點就叮飯,而家我怕無提佢食飯會再比人責怪,有點神經質地不斷看鐘。

我本來就一個人做2個人野,所以忙到甩碌,佢未識做,我要花時間教,影響左我交report遲左,平時頂多一小時交功課,變成2-3小時才交功課,又比上司黑面。

唔知點解佢鐘意揹住個小手袋在office,無放自己locker, 上司又話我「快d比個櫃佢放自己嘢,搞到佢好似無主孤魂咁!」新同事本人聽到又唔出聲澄清,我唯有自己澄清第一日已經比左locker佢,上司唔多信的表情。

新同事係瘦身型,佢黎咁多日,我就聽足咁多日,話請個細粒新人啱哂,因為我肥佔位多,


yeemeif
|
或者佢做唔長呢?唔好諗太多住,你咁幫到手,同事點會冷落你呢
770217
|
本帖最後由 770217 於 18-8-19 08:58 編輯

我老闆也是這樣的性格,當初我新來的時候勁鍚我,但到一段時間另一新人來就不太理我……所以現在再出現第三個新人他又是這樣,乜都要佢學, 感覺啲野好似畀佢搶曬嚟做 不過現在我巳習慣了……没當初那樣上心,繼續做好自己工作等出糧,因最緊要自己老公鍚我先最真
cherrchan
|
唔洗擔心,人之常情,睇開啲就得。
|
本帖最後由 [email protected] 於 18-8-19 09:01 編輯

理得上司錫唔錫自己,唔錫都唔會仇視你吧

做好本份,無愧於心

二世龜
|
平常心,做好自己
野原美冴
|
770217 發表於 18-8-19 08:56
我老闆也是這樣的性格,當初我新來的時候勁鍚我,但到一段時間另一新人來就不太理我……所以現在再出現第三 ...

係呀,老闆叫我傳授哂全部嘢比佢。d同事錫我,我好清楚,並不因為我貎美如花,純粹因為我幫到手,所以有重要的地位,之後新人如學識哂我的job duties, 幫到佢地手的話,又比我年青貌美,人之常情,肯定轉移錫佢多d
bebeyi
|
除咗另一半外
我唔想亦唔需要其他男人「錫」
你係做到嘢嘅
佢哋會正常對你
打份工啫
做乜搞到驚爭寵呢
ms_maybb
|
公司無人錫咪返去搵老公錫囉你又唔係公司要人湊,你係負責湊人嗰個咋
cakii
|
關係係好個人,同啲同事相好係緣,唔只係外在因素。你係單身嗎?
大力大力
|
所以公司女人,唔會請個靚過佢的下屬回來~
點評
toffeechoco    發表於 18-8-20 13:14
野原美冴
|
cakii 發表於 18-8-19 09:47
關係係好個人,同啲同事相好係緣,唔只係外在因素。你係單身嗎?

我是已婚有仔女的肥c9, 全公司上下都知。佢地錫我,並不是指男女之情,係每當我有工作上問題甚至屋企問題,我一開聲,事無大小,佢地都即刻幫我解決。
野原美冴
|
bebeyi 發表於 18-8-19 09:26
除咗另一半外
我唔想亦唔需要其他男人「錫」
你係做到嘢嘅

我認自己貪心㗎,最好全世界都錫哂我,一個唔夠

Catcatlove
|
而家你係公司係點樣就點樣,佢哋因為咁而錫你,只要唔好因為其他人改變咗就冇事
唔係怪獸
|
佢表面好nice, 或者好公主病或姣⋯⋯可能有其他死症呢!擔心得咁多?
770217
|
野原美冴 發表於 18-8-19 09:10
係呀,老闆叫我傳授哂全部嘢比佢。d同事錫我,我好清楚,並不因為我貎美如花,純粹因為我幫到手,所以有重 ...

本帖最後由 770217 於 18-8-19 11:30 編輯

我依家都係佢叫我教曬所有野比個新人, 同我講希望可以分擔一下我嘅工作, 但係明眼人一睇就知佢勁錫個新人, 因為新人比較後生學野快…… 個新人仲爆咗畀我知佢話老闆同佢講學完之後又加佢人工, 佢嚟咗只係個幾月, 如果下個月再加佢已經加咗第三次, 聽到都有少少心噏嘅, 不過同自己講算啦! 最緊要老闆唔會扣我人工就得啦
bebeyi
|
野原美冴 發表於 18-8-19 11:09
我認自己貪心㗎,最好全世界都錫哂我,一個唔夠


茄子
|
野原美冴 發表於 18-8-19 09:10
係呀,老闆叫我傳授哂全部嘢比佢。d同事錫我,我好清楚,並不因為我貎美如花,純粹因為我幫到手,所以有重 ...

有咩所謂!最緊要做好自己嘢,準時出糧!
chillimom
|
完全無辦法理解呢個心態
Poyau
|
處之泰然 平常心面對
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽