有咗四個幾月,先生交友apps扮單身

angel.W
|
拍拖時已經發現有玩交友apps,仲想約人出嚟,但未約實日子就比我踢爆咗。當時嬲到我話要分手,
佢不斷求原諒一次
以後唔會再有,我都知道有前科,
我都要嫁,
我好蠢已經好後悔。

最近發現佢瞓係我隔離好夜都唔瞓玩電話,第二朝問佢,佢話瞓唔着睇下fb,
我都信佢。

7/8 在我臨出門返工之前睇佢電話,
發現佢同一個女仔WhatsApp,語音內容係關心人地尋晚食乜同食幾多野,我就問佢想點,佢就不斷道歉要我原諒,話呢個女仔識咗兩至三年,做酒吧,每次同同事去酒吧搵佢book枱,果排佢同我好多交嘈,
所以搵朋友傾計,呻下,我話「係咪一定要搵女仔傾?」佢仲話個女仔知道我有老婆,同佢係冇嘢嘅。之後我落街打俾呢個女仔問,踢爆嗮全部都係大話,根本就係交友Apps識。個女仔話唔知佢有老婆,因為我老公交友Apps頭像,七至八張都係旅行單人照.....仲係係我影果啲.....

我上返樓一巴星過去,佢都仲唔應,話一定有同個女仔講有老婆,係個女仔自己唔記得咗,我再一次當面打俾個女仔開埋擴音器,再問重複嘅問題,終於冇得佢唔應。再三番四次既大話之後,講真話,係交友apps識。

我叫佢開個交友Apps嚟睇佢唔敢開,最後終於知道佢係每一日放工返屋企前delete個交友Apps,每一朝早趁我返工,下載返個Apps繼續同啲女仔傾。(由七月中開始)

有12個女仔,不論早上,中午,下午lunch,放工問人去邊,同人交代食咩飯, good night,
失眠,都會同呢班女仔講。


有一齣戲係我同佢去睇,個女仔同佢傾開呢套戲話好好睇,佢同人哋講「我都想睇但冇人同我去睇」(簡直係當我肚)

收工佢問其中一個女仔收工去邊,人地話去佐敦,佢問人去佐敦做咩,人地話yoga,佢話「我今晚去深水埗食飯,撞唔到你」。

最好笑,7/8 發現咗佢咁多野都未知驚,
9/8 都仲要同一位女仔加Facebook同IG,
問佢依個女仔點嚟,
第一句又係大話,又老作一個故事講大話,最後踢爆又係交友apps,


總共十四條女。


之前我的異性朋友約飯局(大家都已婚),佢都覺得好有問題,佢話我的朋友是狗公有陰謀,點解一定要約我食飯,我真係唔明佢而家咁樣識啲單身女子,會唔會仲更加有問題?

我想離婚,佢唔肯,又話最後一次

生小朋友其實我唔係好鍾意,初初覺得佢係一個好老公,好爸爸所以計劃生小朋友,現在我的父母,我的朋友,包括我都會好失望,跌晒眼鏡。

當然我份人係好唔忍心墮胎,但有好多朋友都勸我單親媽媽唔易做(我今年29,另一半31)



Nancy20090615
|
本帖最後由 Nancy20090615 於 18-8-20 14:38 編輯

要唔要離婚, 要唔要 BB, 真係要自己諗, 旁人比唔到意見你.
唉, 尼 d 人明知自己姣婆守唔到寡就唔好結婚累人累物喇. 溝少陣女會死, 轉頭又話無下次, 多餘.
一嚿大番薯
|
angel.W 發表於 18-8-20 12:33
拍拖時已經發現有玩交友apps,仲想約人出嚟,但未約實日子就比我踢爆咗。當時嬲到我話要分手,
佢不斷求原 ...

好明白你嘅心情,的確真係會好難過。尤其係有左情緒好易波動。始終係一個生命,我早排有左但之後唔好彩地小產,係真係會好傷心的。我想講如果你負擔得到就唔好諗住唔要個bb, 因為始終係一個生命黎。希望你好好諗清楚先做任何決定,當然只有你先最清楚條路點行先係對你最好。大家分開冷靜下,慢慢諗清楚先作決定會好啲。希望你情緒可以平伏啲,有左bb要盡量開心啲呀,加油
mini1204
|
要離婚點到佢吾肯
cy101
|
呢隻大話精!!! 信任度破晒產!!!! 一齊已經唔可能! 叫佢死開!!! 至於個B, 你自己再諗下!

momling
|
離婚點到佢唔肯,呢條友誠信破產,點可能同佢白頭到老至於肚入面果個,真係難搞
eddieman
|
有得一次,又有第二次,跟住第……次,算把啦!呢條友完全信唔過,你應該知點做!
而BB係無辜既!如果唔係養唔到,我覺得應該生,因為係生命,將來一定搵到個對你真心既男人。
angel.W
|
佢啲親戚話我點解要去發掘令自己唔開心,比我發掘到又點,
係爭唔講最賤果句
「比你搵到佢啲衰野又點?你咪就係留喺度。」

仲講到我係利用個肚 cool 住個男人,
我心諗, 我29歲人仲有市場,
洗唔洗利用個肚cool住個賤男?
我的朋友就勸告我離婚同唔好生,
覺得班親戚都幫住哂佢

eddieman
|
angel.W 發表於 18-8-20 15:23
佢啲親戚話我點解要去發掘令自己唔開心,比我發掘到又點,
係爭唔講最賤果句
「比你搵到佢啲衰野又點?你咪 ...

你識咁諗就好喇!就算有小朋友都一樣有市場,放心啦!最重要係活得開心。
阿四姐
|
未結婚發現不妥就唔應該原諒佢
靚豬豬
|
Nancy20090615 發表於 18-8-20 12:44
要唔要離婚, 要唔要 BB, 真係要自己諗, 旁人比唔到意見你.
唉, 尼 d 人明知自己姣婆守唔到寡就唔好結婚累 ...

講得無錯
靚豬豬
|
跟本就係姣婆守唔到寡,個賤男好enjoy做大情人不斷溝女,呢d人只會死性不改
Rubik
|
一日未揾到c6玩交友app源頭,事件只會不停發生,但最終都要靠佢自己諗清楚,外人包括佢老婆都幫唔到佢,心引
Nancy20090615
|
angel.W 發表於 18-8-20 15:23
佢啲親戚話我點解要去發掘令自己唔開心,比我發掘到又點,
係爭唔講最賤果句
「比你搵到佢啲衰野又點?你咪 ...

把口咁賤, 唔怪得係佢親戚.
hm700
|
雖然令教人打仔 莫教人分妻,但甘樣落去小朋友出左世都唔會有一個好既環境長大,身教好重要,好明顯C6既屋企人都唔覺得佢甘做係有問題,佢當然會一路甘玩.終有一次玩出事
BowieFungF
|
佢根本未玩夠,第時bb出世點做人呀爸呀?
angel.W
|
男家果邊,我老公,我奶奶,親戚某幾個親戚都話離婚就唔好生。佢親戚初初問我唔要的話去邊唔要小朋友,
我話家計會叫我去仁x醫院,$4xxxx,
之後whatsapp我話邊度邊度平一半,叫我打去問,
我心諗好似呃你地男家錢咁
angel.W
|
Nancy20090615 發表於 18-8-20 16:25
把口咁賤, 唔怪得係佢親戚.


我啲朋友同我屋企人都冇咁賤....
我爸媽唔想我落,好擔心我傷身體,
話幫我湊,但我不想比麻煩我父母。

Mary媽咪
|
睇黎你c6好難戎呢個行為
繼續係埋一齊就會不繼重複再重複
你真係要諗清楚

|
angel.W 發表於 18-8-20 12:33
拍拖時已經發現有玩交友apps,仲想約人出嚟,但未約實日子就比我踢爆咗。當時嬲到我話要分手,
佢不斷求原 ...

要唔要個bb就唔方便比意見,但你老公話係"最後一次"就絕對唔可以信,根本連呢句都係大話,前路係點就決定係你手
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽