劉子健醫生照結構之超強非常不愉快經歷

xNicKx
|
我想講下我今日係劉子健醫生度照結構嘅超級不愉快經歷!佢係母胎權威,我13週度頸皮厚嘅時候已經即時搵佢睇,QE有安排我抽絨毛但因為始終有流產風險,同埋我想睇多個醫生再決定,當時佢好專業,比左好多寶貴意見我,耐心講解,亦比充足嘅時間我發問,令我覺得好安心,因爲對佢有信心,所以即日已經決定係佢度抽絨毛,加埋DNA chip, 收費萬六,但無辦法,為左bb都要做,仲即刻卜埋20週照結構。兩星期後醫生親自打比我講解報告,報告一切正常,醫生態度和藹可親,亦令我覺得醫生好好,好負責任,因為通常一切正常係會由姑娘打比電話通知。
到今日去照結構,登記時姑娘話電腦無我booking, 我話無可能因為我上次黎抽絨毛好肯定已經卜定結構,同埋我知醫生係好full的,所以上次一定有卜,佢行開一輪話搵到我booking, 叫我坐低等。到我入到去,醫生本身已經黑黑地面,簡單傾左兩句就攤上床照,一開始佢已經頗為用力隊我個肚,我話痛,之後佢無理,仲越照越用力,我有再講多兩次我痛,都係無理我,之後我唯有忍,諗住忍一忍好快過,而且佢又係權威,山長水遠去中環搵得佢照,無理由走,跟住佢就叫我肚放鬆,話好實佢好難照,我都明我都知,但我講左痛無人理,我要忍痛就自不然放鬆唔到,咁都好正常吖!我答佢我痛,佢話痛你就話比我知,我地唔照,我唔知佢嘅唔照係咩意思,到底係陣間照定skip 左佢唔照,當時我無出聲,唯有新呼吸嘗試放鬆,佢再三話我個肚實,話我同佢鬥頂佢好難照,我又無出聲,自己叫自己痛都要放鬆。照腳趾,第一下bb稍為郁左佢就已經jip jip聲,嫌我bb郁,bb其實成個過程都已經算合作,無勁郁同無遮住自己,係角度唔啱定唔知點,只得左手同塊正面照唔到,醫生已經好唔滿意好無耐性不停講照唔到,以我所知照唔到係會叫孕婦出去抖陣,陣間再照,但醫生無咁做,不停更大力去隊我個肚,我其實好痛苦,但我唔敢出聲,亦唔敢要求話出去抖陣
xNicKx
|
怕陣間都係照唔到佢會更大力同發脾氣,之後醫生叫我打側訓,打側訓個肚會大過平躺,所以佢隊嘅每一下會比平躺更大力,每當佢大力隊嘅時候我係痛到面容扭曲,諗返起都覺得自己白痴!我應該話唔好再照!點解要忍到自己咁慘?照其間我只問過一個問題,我胎盤低唔低,醫生態度語氣好差咁鬧我:都未照!你咁心急做咩?陣間我會照!
果刻我已經好不滿,咩都無再講再問,我諗緊點解會同上次分別咁大!
成個過程照左只係20分鐘,但因為痛所以果20分鐘過得好辛苦也好不容易!照完個肚面好痛,感覺就似比人meet完果種痛,離開左診所之後我不停咁喊,我覺得好委屈,控制唔到自己情緒,已經要比成5000幾蚊照個結構,仲要受氣仲要痛,明明上次睇完感覺非常良好,點解今次會咁?我覺得應該係姑娘入漏左電腦漏左我booking, 但當時我已經去到,佢地check 返hard copy record 先知道係真係有依個booking, 唯有要醫生夾硬zip 返我落去,要做多個appointment仲要照結構咁費時, 所以醫生咁唔高興,但關我咩事?佢姑娘做漏野點解會發洩係我身上?越諗越嬲,錢洗左,氣又要受,又痛!我真係好蠢好蠢!如果大家諗住搵佢照,要小心d booking漏,如果醫生整痛你一定要say no! 我完全無諗過,劉子健醫生都會咁對孕婦!幾權威幾叻幾好都無用!品唔好!仲會攞孕婦黎發泄!大家要諗清楚!
Eeyoresi
|
jm我明白你呀,之前我照結構照到有問題,想拎2nd opinion,就打左去book佢,咁佢都好好隔一日就俾到期我照,我遲左10分鐘上去已經俾姑娘急call同讓左俾下一個孕婦睇,心諗嘩乜咁準時架咩?平時睇產檢唔係最少等一個鐘?咁我衰遲到無得講,入到房仲叫我下次要準時,佢唔鍾意等人同要人等。下次覆診我早到表示尊重,點知咪又係遲成個鐘先到我睇。
我照結構佢又係勁大力,勁痛,唯有死忍,係咁話我脂肪厚睇唔清楚,又無乜耐性答我們,唉係我老公buy佢先繼續睇佢渣
RCCC
|
xNicKx 發表於 18-8-20 21:57
怕陣間都係照唔到佢會更大力同發脾氣,之後醫生叫我打側訓,打側訓個肚會大過平躺,所以佢隊嘅每一下會比平 ...

劉子健照結構不是$3800 嗎?
wsyggk
|
唔好唔開心啦, 過咗去, 最緊要知道BB無事
Disum
|
RCCC 發表於 18-8-20 22:36
劉子健照結構不是$3800 嗎?

應該是$3800,為何咁貴?
A-Kayking
|
xNicKx 發表於 18-8-20 21:56
我想講下我今日係劉子健醫生度照結構嘅超級不愉快經歷!佢係母胎權威,我13週度頸皮厚嘅時候已經即時搵佢睇 ...

唔好難過,最緊要寶寶健康無事就好!
人在做,天在看!

Mochimi
|
唔好難過,最緊要bb冇事!但見佢一直comment都好好喎,咩事態度變成咁... (emoji)
我同你一樣都係頸皮厚,下星期book咗佢做早孕期結構,希望佢唔好咁啦...
kissapplegirl
|
我都係劉子健照結構 ,可能因為我羊水少醫生照唔到要照嘅嘢,佢係勁用力咁落個肚度我忍得勁辛苦
Mswmaxwell
|
回覆 xNicKx 的帖子

好慘呀⋯⋯你一定好唔開心啦⋯⋯有無得投訴𠺢
xNicKx
|
Eeyoresi 發表於 18-8-20 22:19
jm我明白你呀,之前我照結構照到有問題,想拎2nd opinion,就打左去book佢,咁佢都好好隔一日就俾到期我照, ...

我兩次都無遲到,仲早到左係度等,網上佢d comment 真係好好,如果唔係我當初都唔會搵佢,可能我同你係個別例子,但佢真係唔應該咁對孕婦,我其實知道有時醫生會大力小小想睇清楚d, 痛我會接受,但絕對唔係今日依種痛,仲要受氣!睇完出黎覺得生仔到底係咪錯,要咁比人虐待,仲未計生產時嘅痛!我老公見我喊到收唔到制佢都好憎佢!我以後唔會再睇佢!香港唔係得佢一個醫生!
xNicKx
|
Mswmaxwell 發表於 18-8-20 23:35
回覆 xNicKx 的帖子

好慘呀⋯⋯你一定好唔開心啦⋯⋯有無得投訴𠺢

依個經歷真係好慘,無諗過比咁多錢出去睇個權威都會咁!多謝你,我喊完無事了
triangel2018
|
feel sad to JM

對這事的睇法中立, 畢竟只有樓主了解當時發生咩事
劉醫生確是婦產科界的權威, 名望也是多年來建立起來的, 樓主會唔會嘗試同診所溝通番呢件事? 畢竟呢個指控都好大

xNicKx
|
kissapplegirl 發表於 18-8-20 23:33
我都係劉子健照結構 ,可能因為我羊水少醫生照唔到要照嘅嘢,佢係勁用力咁落個肚度我忍得勁辛苦 ...

Same here! 但我唔係胎水少,係佢今日食左炸藥,毫無耐性咁同我照結構,醫生應該係專業,真係無諗過一個咁出名,網上只有超好評嘅醫生會咁!或者會有人唔信,但我每一句都係講事實
kissapplegirl
|
xNicKx 發表於 18-8-21 00:09
Same here! 但我唔係胎水少,係佢今日食左炸藥,毫無耐性咁同我照結構,醫生應該係專業,真係無諗過一個咁 ...

毫無疑問嗰一個好有經驗嘅醫生,當時佢發現我個仔係結構上有問題,立即打個電話轉介我去威爾斯安排一個快期畀我,再喺威爾斯照結構抽羊水,但佢照結構嘅過程太用力真係令我覺得好痛,公立醫院係高級醫生幫我照, 都有用力整痛過我,但劉子健係更痛更用力, 可能因為我個bb比較難照得清楚掛,不過若我有第二胎我都會繼續搵佢
xNicKx
|
Disum 發表於 18-8-20 22:57
應該是$3800,為何咁貴?

佢個range 係3800-5500, 姑娘話我個case係抽過絨毛,頸皮厚過(而家薄返),醫生要睇detail d,又比下意見所以咁貴

附件: 你需要登錄才可以下載或查看附件。沒有帳號?註冊
xNicKx
|
wsyggk 發表於 18-8-20 22:39
唔好唔開心啦, 過咗去, 最緊要知道BB無事

我真係好難受,覺得有左好似係錯,要比人虐待咁
xNicKx
|
A-Kayking 發表於 18-8-20 23:22
唔好難過,最緊要寶寶健康無事就好!
人在做,天在看!

多謝你,但果刻感覺認真好難受
xNicKx
|
triangel2018 發表於 18-8-21 00:09
feel sad to JM

對這事的睇法中立, 畢竟只有樓主了解當時發生咩事

所以我都唔係好明一個咁好嘅醫生點會咁對人?我如果對佢無信心絕對唔會搵佢抽絨毛,唔會即日卜埋結構,我同我老公都跌哂眼鏡!投訴就一定無得搞,佢地應該唔會理,一定係溝通上嘅問題,我一去到姑娘已經話電腦無我booking, 要唔知係邊度搵返d record 先確定真有其事,如果係我記錯,佢地絕唔會比我zip 返入去,其實如果醫生今日情緒差,食左炸藥,我寧願佢唔好睇我,咁樣我對佢印象唔會咁差,我係十分之信任佢,結果佢提供咁嘅服務比我,我對佢極之失望
xNicKx
|
kissapplegirl 發表於 18-8-21 00:14
毫無疑問嗰一個好有經驗嘅醫生,當時佢發現我個仔係結構上有問題,立即打個電話轉介我去威爾斯安排一個快 ...

佢用力都算,仲要態度極之差,我已經一直無問問題無出過聲,等佢專心照,最後只係開口問左一條問題佢已經食火藥咁!就算係醫生都唔可能咁對自己d client 掛
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽