吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 劉子健醫生照結構之超強非常不愉快經歷 ...

懷孕前後今日: 5|主題: 329686

收藏本版

發帖

返回列表

跳至頁

查看: 70002 | 回覆: 161

12 3 4 5...9

積分: 155

1^#

發表於 18-8-20 21:56 |只看該作者 |倒序瀏覽 |打印

我想講下我今日係劉子健醫生度照結構嘅超級不愉快經歷！佢係母胎權威，我13週度頸皮厚嘅時候已經即時搵佢睇，QE有安排我抽絨毛但因為始終有流產風險，同埋我想睇多個醫生再決定，當時佢好專業，比左好多寶貴意見我，耐心講解，亦比充足嘅時間我發問，令我覺得好安心，因爲對佢有信心，所以即日已經決定係佢度抽絨毛，加埋DNA chip, 收費萬六，但無辦法，為左bb都要做，仲即刻卜埋20週照結構。兩星期後醫生親自打比我講解報告，報告一切正常，醫生態度和藹可親，亦令我覺得醫生好好，好負責任，因為通常一切正常係會由姑娘打比電話通知。
到今日去照結構，登記時姑娘話電腦無我booking, 我話無可能因為我上次黎抽絨毛好肯定已經卜定結構，同埋我知醫生係好full的，所以上次一定有卜，佢行開一輪話搵到我booking, 叫我坐低等。到我入到去，醫生本身已經黑黑地面，簡單傾左兩句就攤上床照，一開始佢已經頗為用力隊我個肚，我話痛，之後佢無理，仲越照越用力，我有再講多兩次我痛，都係無理我，之後我唯有忍，諗住忍一忍好快過，而且佢又係權威，山長水遠去中環搵得佢照，無理由走，跟住佢就叫我肚放鬆，話好實佢好難照，我都明我都知，但我講左痛無人理，我要忍痛就自不然放鬆唔到，咁都好正常吖！我答佢我痛，佢話痛你就話比我知，我地唔照，我唔知佢嘅唔照係咩意思，到底係陣間照定skip 左佢唔照，當時我無出聲，唯有新呼吸嘗試放鬆，佢再三話我個肚實，話我同佢鬥頂佢好難照，我又無出聲，自己叫自己痛都要放鬆。照腳趾，第一下bb稍為郁左佢就已經jip jip聲，嫌我bb郁，bb其實成個過程都已經算合作，無勁郁同無遮住自己，係角度唔啱定唔知點，只得左手同塊正面照唔到，醫生已經好唔滿意好無耐性不停講照唔到，以我所知照唔到係會叫孕婦出去抖陣，陣間再照，但醫生無咁做，不停更大力去隊我個肚，我其實好痛苦，但我唔敢出聲，亦唔敢要求話出去抖陣

0 0 0

私人傳訊

xNicKx

複式洋房

積分: 155

2^#

發表於 18-8-20 21:57 |只看該作者

回覆樓主

怕陣間都係照唔到佢會更大力同發脾氣，之後醫生叫我打側訓，打側訓個肚會大過平躺，所以佢隊嘅每一下會比平躺更大力，每當佢大力隊嘅時候我係痛到面容扭曲，諗返起都覺得自己白痴！我應該話唔好再照！點解要忍到自己咁慘？照其間我只問過一個問題，我胎盤低唔低，醫生態度語氣好差咁鬧我：都未照！你咁心急做咩？陣間我會照！
果刻我已經好不滿，咩都無再講再問，我諗緊點解會同上次分別咁大！
成個過程照左只係20分鐘，但因為痛所以果20分鐘過得好辛苦也好不容易！照完個肚面好痛，感覺就似比人meet完果種痛，離開左診所之後我不停咁喊，我覺得好委屈，控制唔到自己情緒，已經要比成5000幾蚊照個結構，仲要受氣仲要痛，明明上次睇完感覺非常良好，點解今次會咁？我覺得應該係姑娘入漏左電腦漏左我booking, 但當時我已經去到，佢地check 返hard copy record 先知道係真係有依個booking, 唯有要醫生夾硬zip 返我落去，要做多個appointment仲要照結構咁費時，所以醫生咁唔高興，但關我咩事？佢姑娘做漏野點解會發洩係我身上？越諗越嬲，錢洗左，氣又要受，又痛！我真係好蠢好蠢！如果大家諗住搵佢照，要小心d booking漏，如果醫生整痛你一定要say no! 我完全無諗過，劉子健醫生都會咁對孕婦！幾權威幾叻幾好都無用！品唔好！仲會攞孕婦黎發泄！大家要諗清楚！

私人傳訊

Eeyoresi

大宅

積分: 1211

3^#

發表於 18-8-20 22:19 |只看該作者

回覆樓主

jm我明白你呀，之前我照結構照到有問題，想拎2nd opinion,就打左去book佢，咁佢都好好隔一日就俾到期我照，我遲左10分鐘上去已經俾姑娘急call同讓左俾下一個孕婦睇，心諗嘩乜咁準時架咩？平時睇產檢唔係最少等一個鐘？咁我衰遲到無得講，入到房仲叫我下次要準時，佢唔鍾意等人同要人等。下次覆診我早到表示尊重，點知咪又係遲成個鐘先到我睇。

我照結構佢又係勁大力，勁痛，唯有死忍，係咁話我脂肪厚睇唔清楚，又無乜耐性答我們，唉係我老公buy佢先繼續睇佢渣

私人傳訊

RCCC

別墅

積分: 750

4^#

發表於 18-8-20 22:36 |只看該作者

xNicKx 發表於 18-8-20 21:57
怕陣間都係照唔到佢會更大力同發脾氣，之後醫生叫我打側訓，打側訓個肚會大過平躺，所以佢隊嘅每一下會比平 ...

劉子健照結構不是$3800 嗎？

私人傳訊

wsyggk

水晶宮

積分: 52278

5^#

發表於 18-8-20 22:39 |只看該作者

唔好唔開心啦, 過咗去, 最緊要知道BB無事

欲知前世因今生受的是欲知來世果今生作的是
是故莫以善小而不為, 莫以惡小而為之
Karma - What you put out into the world comes back to you.
How you live you life determines what kind of life you will have.

私人傳訊

Disum

別墅

積分: 784

6^#

發表於 18-8-20 22:57 |只看該作者

RCCC 發表於 18-8-20 22:36
劉子健照結構不是$3800 嗎？

應該是$3800，為何咁貴？

私人傳訊

A-Kayking

別墅

積分: 653

7^#

發表於 18-8-20 23:22 |只看該作者

xNicKx 發表於 18-8-20 21:56
我想講下我今日係劉子健醫生度照結構嘅超級不愉快經歷！佢係母胎權威，我13週度頸皮厚嘅時候已經即時搵佢睇 ...

唔好難過，最緊要寶寶健康無事就好！
人在做，天在看！

私人傳訊

Mochimi

複式洋房

積分: 164

8^#

發表於 18-8-20 23:27 |只看該作者

回覆樓主:

唔好難過，最緊要bb冇事！但見佢一直comment都好好喎，咩事態度變成咁... (emoji)
我同你一樣都係頸皮厚，下星期book咗佢做早孕期結構，希望佢唔好咁啦...

私人傳訊

kissapplegirl

男爵府

積分: 7232

9^#

發表於 18-8-20 23:33 |只看該作者

回覆樓主:

我都係劉子健照結構，可能因為我羊水少醫生照唔到要照嘅嘢，佢係勁用力咁落個肚度我忍得勁辛苦

私人傳訊

Mswmaxwell

複式洋房

積分: 243

10^#

發表於 18-8-20 23:35 |只看該作者

回覆 xNicKx 的帖子

好慘呀⋯⋯你一定好唔開心啦⋯⋯有無得投訴𠺢

私人傳訊

xNicKx

複式洋房

積分: 155

11^#

發表於 18-8-21 00:04 |只看該作者

Eeyoresi 發表於 18-8-20 22:19
jm我明白你呀，之前我照結構照到有問題，想拎2nd opinion,就打左去book佢，咁佢都好好隔一日就俾到期我照， ...

我兩次都無遲到，仲早到左係度等，網上佢d comment 真係好好，如果唔係我當初都唔會搵佢，可能我同你係個別例子，但佢真係唔應該咁對孕婦，我其實知道有時醫生會大力小小想睇清楚d, 痛我會接受，但絕對唔係今日依種痛，仲要受氣！睇完出黎覺得生仔到底係咪錯，要咁比人虐待，仲未計生產時嘅痛！我老公見我喊到收唔到制佢都好憎佢！我以後唔會再睇佢！香港唔係得佢一個醫生！

私人傳訊

xNicKx

複式洋房

積分: 155

12^#

發表於 18-8-21 00:06 |只看該作者

Mswmaxwell 發表於 18-8-20 23:35
回覆 xNicKx 的帖子

好慘呀⋯⋯你一定好唔開心啦⋯⋯有無得投訴𠺢

依個經歷真係好慘，無諗過比咁多錢出去睇個權威都會咁！多謝你，我喊完無事了

私人傳訊

triangel2018

禁止訪問

積分: 600

13^#

發表於 18-8-21 00:09 |只看該作者

提示: 作者被禁止或刪除內容自動屏蔽

私人傳訊

xNicKx

複式洋房

積分: 155

14^#

發表於 18-8-21 00:09 |只看該作者

kissapplegirl 發表於 18-8-20 23:33
我都係劉子健照結構，可能因為我羊水少醫生照唔到要照嘅嘢，佢係勁用力咁落個肚度我忍得勁辛苦 ...

Same here! 但我唔係胎水少，係佢今日食左炸藥，毫無耐性咁同我照結構，醫生應該係專業，真係無諗過一個咁出名，網上只有超好評嘅醫生會咁！或者會有人唔信，但我每一句都係講事實

私人傳訊

kissapplegirl

男爵府

積分: 7232

15^#

發表於 18-8-21 00:14 |只看該作者

xNicKx 發表於 18-8-21 00:09
Same here! 但我唔係胎水少，係佢今日食左炸藥，毫無耐性咁同我照結構，醫生應該係專業，真係無諗過一個咁 ...

毫無疑問嗰一個好有經驗嘅醫生，當時佢發現我個仔係結構上有問題，立即打個電話轉介我去威爾斯安排一個快期畀我，再喺威爾斯照結構抽羊水，但佢照結構嘅過程太用力真係令我覺得好痛，公立醫院係高級醫生幫我照，都有用力整痛過我，但劉子健係更痛更用力，可能因為我個bb比較難照得清楚掛，不過若我有第二胎我都會繼續搵佢

私人傳訊

xNicKx

複式洋房

積分: 155

16^#

發表於 18-8-21 00:16 |只看該作者

Disum 發表於 18-8-20 22:57
應該是$3800，為何咁貴？

佢個range 係3800-5500, 姑娘話我個case係抽過絨毛，頸皮厚過（而家薄返），醫生要睇detail d，又比下意見所以咁貴

私人傳訊

xNicKx

複式洋房

積分: 155

17^#

發表於 18-8-21 00:16 |只看該作者

wsyggk 發表於 18-8-20 22:39
唔好唔開心啦, 過咗去, 最緊要知道BB無事

我真係好難受，覺得有左好似係錯，要比人虐待咁

私人傳訊

xNicKx

複式洋房

積分: 155

18^#

發表於 18-8-21 00:17 |只看該作者

A-Kayking 發表於 18-8-20 23:22
唔好難過，最緊要寶寶健康無事就好！
人在做，天在看！

多謝你，但果刻感覺認真好難受

私人傳訊

xNicKx

複式洋房

積分: 155

19^#

發表於 18-8-21 00:27 |只看該作者

triangel2018 發表於 18-8-21 00:09
feel sad to JM

對這事的睇法中立, 畢竟只有樓主了解當時發生咩事

所以我都唔係好明一個咁好嘅醫生點會咁對人？我如果對佢無信心絕對唔會搵佢抽絨毛，唔會即日卜埋結構，我同我老公都跌哂眼鏡！投訴就一定無得搞，佢地應該唔會理，一定係溝通上嘅問題，我一去到姑娘已經話電腦無我booking, 要唔知係邊度搵返d record 先確定真有其事，如果係我記錯，佢地絕唔會比我zip 返入去，其實如果醫生今日情緒差，食左炸藥，我寧願佢唔好睇我，咁樣我對佢印象唔會咁差，我係十分之信任佢，結果佢提供咁嘅服務比我，我對佢極之失望

私人傳訊

xNicKx