99同C6講兩個工人太小,幫唔到我地湊B。

Magic_mirrorz
|
本帖最後由 Magic_mirrorz 於 18-8-21 01:12 編輯

來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦會放佢個18個月大嘅仔係嗰度(佢帶埋工人過去幫手兩個星期)。佢地兩個工人需需地同曳,仲預備唔撈添。99之前有講過自己工人比姑奶嗰個教壞左。話兩年就唔做啦,因為想選擇。我地本身有個工人但我同C6決定唔想比我地工人同嗰兩個工人接觸。我地已經換個三個工人對而家呢個好滿意,做得好好佢中話想做6年。C6開口話我地去旅行放低啊仔,99話叫我地改期,話搞唔掂。意思係想我地工人都過埋去要三個工人先得。但99有4女1仔,以前無工人都係咁搞wor. PS 每星期weekend我地都會放啊仔係6299度過夜因為佢地要求要見孫。平時都訓一兩晚,而家四晚話搞唔掂。係咪玩野?同埋我而家陀緊第二胎,bb年尾出世,到時兩個B,我真係好靠呢個工人姐姐幫手佢真係好幫得手。如果佢學壞左俾人影響到我真係叫救命(平時佢放假就算有壞朋友傾計都無影響咁大,幾日幾夜日對夜對仲要眼見人地做野做得差容易有樣學樣同埋比較)。
babychan123
|
Magic_mirrorz 發表於 18-8-21 01:06
來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦 ...

我覺得你自己有工人而個仔在6299屋企湊,不俾個工人過去幫手湊講不過去。一屋都是細路仲要住幾日,我是你6299聽到都驚。。如果怕他哋屋企d工人教壞不如求自己娘家人幫手好過。(emoji)
Love_JVs
|
工人話想做6年,你真係信?
我in第一個工人, 佢都話打算做4年架,但最後做左10個月就唔做啦,佢只湊一個咋。

好正常工人會照顧自己個小主人先,所以你唔好寄望姑奶個工人會take care你個小朋友好好,當然我唔知你奶奶個工人係點,會唔會都錫你小朋友。

最後,如我大緊肚,仲有幾個月就生,我唔會去旅行
333s
|
Magic_mirrorz 發表於 18-8-21 01:06
來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦 ...




人多不是好辦事。更難菅。

菅理的不好, 十个工人都無用。

菅理的好, 一个工人都夠用。

工人有誠信? 什么都係假, 行動最实在。

番薯仔媽媽
|
標題令我好羡慕,樓主甘多人幫手湊b,不妨放開d,做人有時不要太緊張。
Solarflare
|
Magic_mirrorz 發表於 18-8-21 01:06
來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦 ...

婆婆呢?
叫bb婆婆黎你屋企住幾日睇住個工人湊b仲好啦。
你62 99果度一屋細路會影響bb作息。

Shellyxlk
|
成個case 唔太明
o_____o
|
本帖最後由 o_____o 於 18-8-21 12:32 編輯

其實老人家年紀大,湊一丶二晚就話,湊咁多咁細既小朋友都有D壓力,無事就無事,有乜事就比你地怨一世,比我唔會放低咁細的小朋友自己去旅行,除非有自己好信任的人樂意backup。

NatalieTY
|
Magic_mirrorz 發表於 18-8-21 01:06
來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦 ...

你自己有工人做乜要99幫手?
你都話2個工人都衰,佢點睇2個歲半B?
平時湊到你仔一個一晚半晚就代表可以湊到2個4日?
好心你諗唔掂就帶埋個仔一齊去啦!係度怪人!怪不得有人話d新抱過份啦,你咪人板囉!
點評
Miulo    發表於 18-8-21 14:44
queencorn
|
我都覺得樓主唔應該去旅行, 既然6299講到明搞唔掂, 點解仲要怪佢地?

講真你自己都識講細B出世後, 你都要靠工人姐姐啦.....

2個歲半B, 2個老人家, 2個想唔做既工人, 其實你明唔明? 根本就係搵自己小朋友黎搞啊
Miulo
|
幫人湊b責任重大,好就好啫,有乜事真係擔當唔起,就咁睇,你都唔多滿意你99啦,到時又要睇b,又要昅實你工人唔好黐姑9個工人,講真佢哋講印尼話,你邊聽得明,到時有乜依郁,你99實比你怨到七彩。
yeikaki
|
Magic_mirrorz 發表於 18-8-21 01:06
來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦 ...
我去旅行只比BB比工人湊, 不會煩到老人家, 如唔放心, 就連旅行都不要去
Caravaggio
|
可能奶奶根本唔想幫... 點解要話佢係玩咪玩野呢?話晒而家你有求如人嘛⋯⋯ 唔放心又冇人幫,咪唯有唔去旅行。
奶奶幫係好,但唔幫都冇法呀!
mini1204
|
真係多鬼餘,你工人吾係出面同人交流? 咁大個人咁易比人教壞?咁你真係要鎖住佢
另外你明知嗰兩個工人吾得,有乜可能安心交阿B比佢地,無野下話
我係你奶奶都 say no, 擺明咩鑊
dinner1314
|
Magic_mirrorz 發表於 18-8-21 01:06
來緊我同C6唸住兩個人去旅行四五日,可以放低17個月大嘅啊仔係6299度幾日。6299本身有一個工人,姑奶到時亦 ...

大肚本來都應該被免出遠門,又放心唔到B B,不如生完一家大細才去玩

另叫B B去您媽媽住0K否?
Nbs
|
你話工作上安排唔到或者大病,就話要老人家幫忙啫。你而家係自己走去玩喎,擺低比老人家湊仲要態度甘老鳳 !? 我係個老人家都唔制啦,直頭搵我笨。
karen508hk
|
本帖最後由 karen508hk 於 18-8-21 23:43 編輯

你6299唔係老馮要幫你湊仔嗰喎,咩叫湊一兩日就得湊四日唔得啫,你自己有工人又唔俾佢湊,又唔願意帶埋去99家,咁係你自己嘅問題,喂!家陣你一句唔該話要旅行就將個波踢俾6299又唔俾人say no,你都幾野蠻喎

anyuser18
|
咁你要靠人求人,人哋乜理由都好,no means no. 無乜好做,自己諗掂佢
Magic_mirrorz
|
回覆 NatalieTY 的帖子

我同C6試過帶我地工人過去99度,嗰日99仲話唔舒服定點,帶著口罩。我同C6講叫佢啊媽休息下比我地工人照顧B。佢唔肯,係咁攬實啊B。結果我地工人企/坐左係度成日無野做,同佢地工人聊天。我問C6咁佢媽唔比其他人掂個B,帶工人過去做乜?佢話唔知。而平時B係屋企或公公婆婆度或6299度過夜都是跟親人訓。不是跟姐姐的。工人只是幫頭幫尾做下家頭細務。姑奶工人習慣自己臭佢個B。我地B係家人臭,所以都無期望係姑奶工人會幫手。但99個工人之前試過協助佢臭我地個B一個月都好好啊。咁之前得,6299話好開心求之不得但今次又咁大分別?
Magic_mirrorz
|
回覆 Love_JVs 的帖子

我地唔唸過要姑奶工人照顧我地個B。B平常係自己人臭,工人協助。(自己人例如公公婆婆,我同老公,6299)99有一個工人協助佢啊。佢話要多一個工人先得咁姐係要兩個工人加佢一齊先照顧到我B?佢工人之前試過協助我地照顧B一個月到,都好好啊,當時我地炒左自己個工人,所以她來幫手。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽