我很歡迎香港新移民

greenmum
|
一個國家或者地區的綜合實力,創新能力,發展能力,長遠看取決於三樣:
人口規模、地理聚集程度、以及人口年齡結構。

香港同其他大城市比,其實人口好少,得700幾萬人,其餘如紐約千五萬,上海兩千四萬,東京三千幾萬。
而且仲系全球最低生育率地區,(越富有地區生育意願越低,全球如此。)
所以老齡化問題將會越來越嚴重。

得益于相對高收入,相對發達,所以香港能夠吸引大量移民。例如每日果百幾個單程證,例如優才移民以及投資移民。

低技能移民搶了本地低技能勞動人員的飯碗,受益者系本地富人階層,成本卻由窮人承擔。所以BK 主流論調排斥新移民,因為就業崗位,學校,交通,資源被搶佔。(很多人覺得資源應該只屬於土生土長local。)

但長遠來看,移民,特別系其中的年輕人,將會因為工作、儲蓄和納稅,產出更多的公共資源,做大個餅。

所以得益于移民,為香港不斷供血,否則如果香港封閉(靠自己生bb...),城市萎縮,老齡化會產生咩影響?稅收重,勞動力缺少,年輕人養老擔子大,城市創新能力減弱,對房地產或相關產業需求減少,資產價值下降等等。



很多人覺得,經濟危機來吧!大陸人滾出去!讓房價下跌甚至崩潰,好似自己就有機會買到樓。“覆巢之下岂有完卵”,先設想自己到時還有沒有工作,有無收入去供樓。

舉例日本,超低生育率,房地產市場崩潰了二十多年。現狀是如何?老齡化,年長者霸佔高級崗位,企業缺乏創新能力,年輕人難以出頭,特別系日本女性貧困問題超級嚴重。(東京系例外,由於人口聚集效應,房價仍然上漲。所以城市仍有活力,所以系良好循環)

香港系一個細經濟體,系一個地區,系全球的一份子,唔好孤立or邊緣化自己吧。當本地人這幾十年都拿著加薪幅度超低的人工以為可以安享晚年,殊不知美國一個利率調整,中國一個放水政策.....幾萬高薪不知不覺就貶值了。一直看不起,靠自己救助的大陸人就莫名其妙比自己有錢了。心 有 不 甘.......更加鬧鬧鬧。

歧視與排斥難道可以改變自己的生活困境嗎??讓下一代接受更好的教育迎接全球挑戰,提升競爭力,全社會文化包容,開放,接納。對個人,對香港,才是良好健康的心態。









jonnah_to
|
greenmum 發表於 18-8-21 01:38
一個國家或者地區的綜合實力,創新能力,發展能力,長遠看取決於三樣:
人口規模、地理聚集程度、以及人口 ...

只限有貢獻的
wsyggk
|
哦,好呀!咁你有無幫手貢獻下啊?譬如話嫁或者娶返個國內同胞咁呢。另外可唔可以利申一下你有無外國居留權㗎?
ctsang
|
有貢獻有質素的應該無咩人會反對,而家咁多人反感主要多得果D一黎就攞福利攞公屋,生完靠政府養仲要唔教果批
點評
facialchung    發表於 18-8-22 11:54
piklam1    發表於 18-8-21 13:06
wcpcelia    發表於 18-8-21 09:40
aliensss2008
|

Janicefin
|
新移民憑咩代表香港人歡迎 ?
每人買一億港元政府債券就歡迎,仲要持美國、歐洲學士學位或以上學歷,。

以受養人身分批出單程證,離婚後一律取消香港永久居民資格。
不批准領取綜緩,申領公屋,杜絕假結婚騙取社會福利。
點評
nwing_yan    發表於 18-8-24 14:58
chloey888    發表於 18-8-22 11:58
chloey888    發表於 18-8-22 11:58
piklam1    發表於 18-8-21 13:09
3姑6婆    發表於 18-8-21 10:28
greenmum
|
我覺得“只限有貢獻的新移民”呢種論調都好自私。

感覺就好似“我領養小朋友只要靚樣的,聰明的,基因好的”果種feel。

你地話果d人生完b唔教。。。。係呀,好氣憤。咁咪由社會去教訓囖。但下下都歧視and排斥個b的這種社會文化,我覺得個b越長大只會越滋生更多心理問題。

哎,子不教,父(母)之過。
greenmum
|
本帖最後由 greenmum 於 18-8-21 02:16 編輯
Janicefin 發表於 18-8-21 02:04
新移民憑咩代表香港人歡迎 ?
每人買一億港元政府債券就歡迎,仲要持美國、歐洲學士學位或以上學歷,。


哈哈哈哈!我都無代表任何人~~發表下個人見解咋~言論自由呢~~~

至於你要求的一億債券.......我都希望香港將來有咁0既實力與口氣啦!!~

共勉~
浩霆豬豬
|
如果有貢獻有付出對香港有好處嘅,我無仼歡迎
只識嚟香港呃綜援攞著數嘅,請即返上去,唔好當香港人水魚咁㩒
wsyggk
|
greenmum 發表於 18-8-21 02:07
我覺得“只限有貢獻的新移民”呢種論調都好自私。

感覺就好似“我領養小朋友只要靚樣的,聰明的,基因好的 ...

雖然你無回答我個問題,但我都回應下你。你個比喻真係好無關連。而家講緊嘅唔係一個小朋友,而係一個大人,一個有intention去做一d傷害社會嘅行為嘅人,咁係咪抵人哋排斥佢呢?做人要努力工作呢d佢父母唔會無教呀?即係你意思係佢個親生父母(阿爺)教得唔好,而家個仔(香港)就可以教好佢哋?呢個諗法會唔會天真咗d呀?咁阿爺自己無教好d仔女就唔好送佢哋去第度啦,留返喺自己身邊咪好囉,大佬自己種嘅因自己受返,做乜要送出嚟俾人排斥俾人教呢?咩邏輯...
waynewon
|
全世界先進國家都有低生育率問題,除咗鼓勵國民生育,都會以吸納外來人才同勞動人口去支撐,但人家吸納嘅係有錢有學問有能力有專長對自家有貢獻嘅人才,香港收d咩返來大家有目共睹!歡迎?搵掃把掃佢地走兼撒鹽就差唔多!
waynewon
|
本帖最後由 waynewon 於 18-8-21 02:54 編輯

就算香港人想移民去其他國家都要有錢有才有貢獻!
rkjuti
|
greenmum 發表於 18-8-21 01:38
一個國家或者地區的綜合實力,創新能力,發展能力,長遠看取決於三樣:
人口規模、地理聚集程度、以及人口 ...

睇完第一段人口
就覺得唔駛睇落去,
一個面積小到得一點既地方同d大城市比較人口數量,
得淡笑~
香港人口密度係上述城市中最高最迫囉~
vet
|
無可否認,香港好多工作也只有新移民才肯做,例如老人院,清潔工人。。。。
missparent
|
greenmum 發表於 18-8-21 01:38
一個國家或者地區的綜合實力,創新能力,發展能力,長遠看取決於三樣:
人口規模、地理聚集程度、以及人口 ...

自己歡迎自己,感覺好怪!
點評
nwing_yan    發表於 18-8-24 15:01
artroboy    發表於 18-8-21 10:03
Heisenberg
|
waynewon 發表於 18-8-21 02:38
全世界先進國家都有低生育率問題,除咗鼓勵國民生育,都會以吸納外來人才同勞動人口去支撐,但人家吸納嘅係 ...

撒鹽
peonica
|
咁你張香港身分證用左幾多錢先買到?
你係點申請來架?
greenmum
|
本帖最後由 greenmum 於 18-8-21 03:04 編輯

先不管香港能否吸引你們所想要的那種移民…..也不管是否有足够龐大數量的這種人想移民此地…..(沒有啊)


假設拒絕低技能移民過來……咁社會大量低技能工作靠邊個做?

香港有足够勞動力嗎?够人口存量去支撐發展and創新嗎?

greenmum
|
missparent 發表於 18-8-21 02:51
自己歡迎自己,感覺好怪!

系呀,我想俾更多新移民媽咪看到,釋出善意,讓她們喜歡香港。
greenmum
|
rkjuti 發表於 18-8-21 02:43
睇完第一段人口
就覺得唔駛睇落去,
一個面積小到得一點既地方同d大城市比較人口數量,

我真心希望香港人口數量可以越來越多!對城市發展太有利了。


人多力量大吧哈哈哈
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽