請教月供股策略

seenfu
|
我刨文睇到有兩種大不同說法。
1. 是長供公用股收息, 策略係積少成多。
2. 是供一些股價飄忽, 時高時低, 但整體後市看好的股票, 策略係平均成本法。

那一個才對?
新秦先生
|
由於本身你既假設(我個人認為)係錯誤,所以我係唔能夠根據你既判斷去決定對與錯(其實又冇對與錯喎,股神個幾買中石油,十幾蚊放,隻股算係買岩定買錯?其實係個買賣時機問題).

試下講兩件事,等你再研究一下. 如果你廿年前月供股票,思捷vs煤氣,10年後,供思捷贏煤氣一條廣東道,但再過10年,輪到煤氣贏番思捷一條青山公路. 如果從一個短時間去睇,供一隻明星股,回報點都係好過公用股,但問題係,你要慧眼識英雄搵到呢隻明白之星,但公用股就真係盲既都睇到係佢. 註:煤氣係由1969年起計,回報最高既成份股,比長實匯豐更加優秀,其他過眼雲煙既明星股就更加冇得比.

第二件事係,香港既富豪到底係用咩方式致富?原來都係同散戶一樣,以"月供"方式去定期投資,而佢地就係透過公司不斷去舉債投資,得到股息收入後再不斷增持股份(其實佢地個槓桿仲大過蟻民借錢買樓收租),鮮有做出將公司股價舞高弄低去獲利既行為.

呢兩件事既共通點就係背後有一個強大既現金流,所以月供公用股去積少成多呢個想法係錯,而係要靠佢在跌市時發揮威力去變倍. 即係講笑咁講,d人為咩死都要供層自住樓?咪就係因為升市時可以加按供多層囉,咁又咩事要供多層?咪就係因為想有4層囉~咁我咩都唔做死供一隻公用股又得唔得呢?都得既~!

註:如果想討論月供5年既結果,呢個真係一個純粹結果論:即是供邊隻贏多d就等如驗證左果個方法較好,其實就根本唔需要討論. 如果屬於真正長線月供,就係要由建倉開始,累積資本,去冒險,再分散投資既一連串行為. 投資係一生人不停要做既事,每一次既捕風捉影都會影響人生(例如賣左層樓啦),所以要為左減低受人性既影響,所以先會發明月供,但人性就係人性,總係有頭家都係要出去偷食.

註:凡屬好股,股價係唔會大上大落;有大上大落咁好既股,要黎炒好過要黎供啦!
大力大力
|
seenfu 發表於 18-8-21 21:03
我刨文睇到有兩種大不同說法。
1. 是長供公用股收息, 策略係積少成多。
2. 是供一些股價飄忽, 時高時低 ...

本帖最後由 大力大力 於 18-8-22 16:23 編輯

簡單D,講如果大市向下,公用股一定跌得比較沒有那麼多~

如果大市上升,而那隻股又選對的,就可能會很大的升幅,所以是自已衡量風險~

低風險低迴報,高風險高回報,不變定律~
|
2800,一藍子股要,分散風險,仲有人幫你剔除劣股。我供了超過十年了
nick360
|
湘 發表於 18-8-22 18:36
2800,一藍子股要,分散風險,仲有人幫你剔除劣股。我供了超過十年了

想問如果-->

而家話恆指已中國化,而且換入的,都是被抄高既中資非實業股,雖然有全香港人用MPF接火棒,熊底會比過往高,但恆指一跌都會幾多下,而且又怕潛入妖股,劣幣驅逐良幣,怕月供2800既價值受影響,長遠如果恆指換曬中資被抄高既股票,又誇d入埋咩劣質同股不同權之類,洗唔洗減供2800?怕連最後穩陣既,都係"50年後"改變,玩完
oliloo
|
seenfu 發表於 18-8-21 21:03
我刨文睇到有兩種大不同說法。
1. 是長供公用股收息, 策略係積少成多。
2. 是供一些股價飄忽, 時高時低 ...

我揀1.
|
nick360 發表於 18-8-23 01:30
想問如果-->

而家話恆指已中國化,而且換入的,都是被抄高既中資非實業股,雖然有全香港人用MPF接火棒, ...

沒有人知道五十年後狀況,買一藍子股票已比單一風險少,無論作任何嘅投資,短線或長線,買了股票之後,並不是放着一直不理,係需要定期檢視,每季至半年審視一下,審視並不等於即時買賣,但係要知道自己所購買嘅股票現況係點樣。雖然我作長期投資,但我也有買賣的,恆指突破30,000點後,我發現佢嘅風險越來越大,我亦逐步換馬及賣出股票,保留現金,等待時機作投資,我沒有全部賣出,一來我嘅股票買入價好抵,二來我唔知最高點其實喺邊度,我不想錯過,所以我仍保留三成股票係戶口的
新秦先生
|
nick360 發表於 18-8-23 01:30
想問如果-->

而家話恆指已中國化,而且換入的,都是被抄高既中資非實業股,雖然有全香港人用MPF接火棒, ...
搭句咀講下關於2800既兩個睇法,第一佢係咪真正做到分散投資呢?我假設,我自己分散投資的定義係......金融,科技,地產,公用,內需各佔20%,咁2800就唔係咁樣去同你分散,金融+一隻騰訊已經佔超過一半比重,50隻成份入面,係有股份只佔恆指不足1%. 如果某隻股票係屬於心儀股份但又咁岩佔既比重係好低,而你又認為已經間接投資了,咁就GG了;相反原來係唔想咁高比重去左金融股,又要硬食45%. 註:呢個不是好或唔好既問題,只係知定唔知既問題,最怕係美麗的誤會.


第二都係有多少回應番第一既分散投資問題,其實以地區計就係冇囉,可能長和長建之流算係有涉足歐洲市場掛? 買2800好政治正確地,就係睇好香港未來經濟前景,古語話,香港好中國好,中國好香港好,所以都冇得單腳只睇香港經濟,2800又係要硬食好多中資股,無法真真正正去做一張代表香港經濟既寒暑表. 反而集中業務於本地既恆生仲根正苗紅,更如實反映香港經濟,亦謂銀行為百業之母,香港好恆生都會好.

註:如果講穩陣,緊係唔係2800啦,買2800係相信制度(我曾經都相信),典型既香港仔心態,但人地可以搬龍門喎(你咬佢食). 記唔記得誠哥講過,要搵能夠受法律保護既地方去進行投資,呢句說話就係真章勒.
nick360
|
新秦先生 發表於 18-8-23 20:53
搭句咀講下關於2800既兩個睇法,第一佢係咪真正做到分散投資呢?我假設,我自己分散投資的定義係......金融,科 ...

Thx,就係擔心呢d,怕自己睇既資料已過時,怕2800好似香港人口咁,慢慢被換血,仲以為係以前既香港 (拉遠左少少)

不過買得佢,都明自己係冇咩眼光好股,心理前題,都係博穩陣,又希望博唔輸通脹,仲有少少息咁

突然咁諗,係睇左上面d分享,怕自己最後會因為"懶",唔進步唔學習,不求知去投資,最後空手而回,多年得個吉
nick360
|
湘 發表於 18-8-23 19:14
沒有人知道五十年後狀況,買一藍子股票已比單一風險少,無論作任何嘅投資,短線或長線,買了股票之後,並 ...

多謝分享,我都只係想了解下多d人既睇法
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽