你地係我嘅話會點做

yanthy
|
我99出名八卦,中意講是非,就連人地著乜衫佢都要講一輪。
同老公結婚三年了,三年都同6299一齊住,佢地唔係好差,佢地兩老都會幫我湊小朋友,對我兩個小朋友都好好,好錫佢地。62要番工,平時得我、兩個小朋友同99係屋企,我每日朝早食早餐都會問99食唔食,佢食我會買埋佢個份,有時我出去旺角呢d比較遠嘅地方,一定會買野比佢地食,答謝佢地幫我湊小朋友。有時夜晚亦會特登買許留山嘅椰子燕窩比佢地,因為佢地好中意食。
99好中意點人做野,我三年入面佢點我點黎點去我都一定會照做,就算佢懶得行坐左係度都會點我,例如佢睇電視,部電視未熄,佢行去熄燈經過部電視都唔會順手熄,反而會叫係房入面嘅我出黎熄,我一樣照做,從無怨言。
我明白人無完美,但....只要我有一日無問99食唔食早餐,我就變左做千古罪人,佢就會同佢老公講到我好衰,佢淨係會講我無問佢食唔食,但完全唔會講佢係房入面瞓覺,無問我點解唔問佢,就定我死罪。我無問佢食唔食野嘅情況,只會係佢山左房門係入面瞓覺,而我等左一個鐘佢都未起身我先會忍唔到肚餓去叫,而且我細女得五個月大,要趁佢未喊快快脆食。無叫一次,佢就會推番之前無數次買早餐比佢嘅日子,我真係好唔開心。
我最記得我有一年我生左大女,做全職媽媽,我老公亦薪金有限,我最窮銀行得番$27嘅時候,6299唔知我無錢,我出去幫62買六合彩,99叫我買埋糖水番黎,我用eps都照去OK買左枝裝綠豆沙同紅豆沙番屋企。
我用心去對待佢地好,但我知道只要我一唔順佢地心意,我就會變左死罪。我係呢度真係做左隻狗,乜都會聽佢地講,我發覺我真係係呢個家庭完全無尊嚴。
62成日同我講,屋企發生嘅事唔好同老公講,因為佢番工多野煩,但我心諗點解你老婆可以同你講,加鹽加醋講到我幾差?我比人屈我要收埋唔比我老公知?
我老公好好,如果我話比佢知我所累積比人屈嘅事,佢一定會閙99,保護我。
其實我嘅感想係咪錯?你地係我會點做?
美之選468
|
yanthy 發表於 18-8-23 00:20
我99出名八卦,中意講是非,就連人地著乜衫佢都要講一輪。
同老公結婚三年了,三年都同6299一齊住,佢地唔 ...

你無錯,而且做得好好(比我好)你應該繼續將心內的委屈講俾C6知,否則好快就會有憂鬱癥
KILW
|
你同你老公點相處,講唔講咩嘢比老公聽關62叉事。
我個人黎講傾向同老公訴苦,無咩秘密,會直接同老公講唔開心,有時要嘅唔係老公同6299反枱,而係老公嘅支援同理解。
番薯仔媽媽
|
哇,你真系好新抱。
真系从心去愛護老公呢頭家。其實你做得好好了,請把心也去守護自己的家,你,你老公,同2個小孩子。
你是一個好妻子好媽媽。
不要太辛苦去做一個100分的新抱了。6299眼中總有你的缺點。
namnamnamlolo
|
不如出返去做野好過啦
係到做阿4
o_____o
|
你得果23歲,不如返出去做野啦,自己出去賺錢搵人湊小朋友,有錢有事業先有本錢搬出去,先可以脫離依家既生活,你之前都出post話決定離婚,咁不如搵份工先,建立左自己事業同生活先,唔係根本冇得改變依家既生活。
yanthy
|
namnamnamlolo 發表於 18-8-23 09:09
不如出返去做野好過啦
係到做阿4

我都想番工請工人,但6299唔會肯比個陌生人係度住,搬出去負擔唔起,所以住係6299度,無論發生乜事我都尊重佢地,但做到成隻狗咁要奉承好辛苦,抖唔到氣
kaman0617
|
yanthy 發表於 18-8-23 00:20
我99出名八卦,中意講是非,就連人地著乜衫佢都要講一輪。
同老公結婚三年了,三年都同6299一齊住,佢地唔 ...

人心不足蛇吞象,好多62 99都想當媳婦係阿四,覺得你既錢就係屬於男家!
你唔好屈得太多唔開心⋯耐唔耐要老公舒發下內心既感受,屈得多對身心都唔健康!
hoiching0516
|
你62緊係想你唔講俾佢個仔你老公知啦, 一定要講, 點都要講, touch wood有一日唔好彩頂唔順爆煲就會話你點解唔早o的講


佢有責任亦有必要知道你平時生活對住62999係點!!!!
namnamnamlolo
|
yanthy 發表於 18-8-23 10:48
我都想番工請工人,但6299唔會肯比個陌生人係度住,搬出去負擔唔起,所以住係6299度,無論發生乜事我都尊 ...

申請公屋囉
起碼會等到分戶既一日呀
ilovecafe
|
yanthy 發表於 18-8-23 00:20
我99出名八卦,中意講是非,就連人地著乜衫佢都要講一輪。
同老公結婚三年了,三年都同6299一齊住,佢地唔 ...

本帖最後由 ilovecafe 於 18-8-23 16:33 編輯

有好多野唔系心照,你窮到得返$27佢唔知就係唔知。你老公都係一樣,你唔講佢唔知。。。好心就搵份part time都好啦,就算時間少錢少,都係錢呀,搵唔到人睇仔,99又唔肯幫咪搵社福中心托兒或者社區保姆囉,合適的家庭係免費㗎,就算係無咗一節錢,但都係果句,賺到少少得少少,女仔唔可以無個錢旁身。
pinkochang
|
兩夫妻就係要乜嘢都開心見成坦白講先能夠維持關係,
如果, 我話如果, 到有一日你忍唔住大爆發,
你老公反而會好shock點解你有事都唔同佢講,
跟住可以延伸到好多真正既問題俾老公 : 不信任? 我無用?
到時就真係煩到你老公了

快D同你枕邊人傾下啦, 而且佢咁錫你又會企你嗰邊,
佢係你老公呀!!!
heidys
|
有機會就解話,不是投訴,等C6做緩衝
anyuser18
|
睇嚟你已屈到爆
係時候部署搬出去請工人和自己返工
計好仲數,舖定路
有個目標你先頂得住
唔係無了期你會屈到病
Pianistbaby
|
yanthy 發表於 18-8-23 00:20
我99出名八卦,中意講是非,就連人地著乜衫佢都要講一輪。
同老公結婚三年了,三年都同6299一齊住,佢地唔 ...

你問我點做的話,我會保護我自己。老點人做野呢方面,其實樓主都做壞左個頭,其實你唔係工人,唔洗咁樣服侍佢地。有時做太好既人,反而會做成問題。事到如今,如是我,我唔會理佢地點講,做自己覺得問心無愧既事,話知佢去唱我,定我死罪?so what? 咬我死。樓主人太好,我以前同99,姑仔住,果時姑仔99都好多老馮野,我都係直接拒絕或唔理,我冇同c6講話,但c6眼見,都有幫我鬧佢媽同姑仔。我覺得唔洗理佢長唔長輩,做錯比人鬧都係正常,怪就怪佢有個惡既仔。
其實重點係,自己唔洗care人地點講。話我衰新抱,我會直認。
yanthy
|
Pianistbaby 發表於 18-8-23 23:02
你問我點做的話,我會保護我自己。老點人做野呢方面,其實樓主都做壞左個頭,其實你唔係工人,唔洗咁樣服 ...

如果我好似你咁唔怕就好(emoji)我唔聽佢地講,佢地會周圍唱比親戚知,會趕我走。我媽一個人養成頭家,我唔想帶住兩個細嘅番去加重佢負擔
我6299係傳統學老人黎,佢地好要面
Pianistbaby
|
yanthy 發表於 18-8-23 23:19
如果我好似你咁唔怕就好(emoji)我唔聽佢地講,佢地會周圍唱比親戚知,會趕我走。我媽一個人養成頭家,我唔 ...

我其實唔係直接爆佢,我係笑笑口,冇位比佢地入。我以前同你好似,係一個乜都冇所謂既人,就係咁,反而同親人關係越來越壞,問題係你不停付出,對方就進一步傷害你。我慢慢發現咁樣做人都唔係辦法,我慢慢學點樣表面接受,作風照舊。去親戚度講,其實真係唔洗care, d 8婆係咪都鐘意講事講非。至於趕你走,唔同佢正面衝突,佢又用乜理由趕你走。加油,慢慢黎。
newspaperhang
|
yanthy 發表於 18-8-23 23:19
如果我好似你咁唔怕就好(emoji)我唔聽佢地講,佢地會周圍唱比親戚知,會趕我走。我媽一個人養成頭家,我唔 ...

唱俾親戚知咪由佢唱,影響到你?如果果d 親戚係唔熟咪由佢講飽去~~如果佢地當住面講,咁咪當住大家落佢地面,到時佢地樣衰、而唔係你
樓主你太好人,人善被人欺
同老公相處報喜不報憂唔係好事,積積埋埋當有日真係爆出黎仲大鑊如果遇到唔開心既野都唔可以同老公講,甚至6299 既事老公都唔出面幫、要老婆自己啞忍,咁要老公黎做咩淨係搵錢就夠?!唔係咁架嘛
小鈴鐺
|
62成日同我講,屋企發生嘅事唔好同老公講,因為佢番工多野煩,但我心諗點解你老婆可以同你講,加鹽加醋講到我幾差?我比人屈我要收埋唔比我老公知?

扮晒無知, 問阿62:"下? 有咩屋企野同老公講會煩到老公架?"
樓主實係要睇下D宮心計學下野至得.
SASA滾
|
yanthy 發表於 18-8-23 23:19
如果我好似你咁唔怕就好(emoji)我唔聽佢地講,佢地會周圍唱比親戚知,會趕我走。我媽一個人養成頭家,我唔 ...

樓主做人真係好現實,無本事就要忍,老實講,你得23歲已經生左2個,你同你老公幾歲拍拖,幾歲結婚,你老公現在幾歲。
我相信你c6都係要靠你6299,全世界支持你爆6299,爆完要你走,你有無信心你c6肯陪你一齊走,同養得起你們,萬一走得你1個連2個細路都唔俾你,或你有無能力1個養2個小朋友,6299唔係太過份,做家務當返工囉,等小朋友讀小學出來工作,改變環境。
我係你6299都會覺得你太細,99瞓左你落左街食野,你可以食完打俾佢,或買番之前佢食開啲早餐俾佢,我以前同你一樣覺得買下野俾99係孝順,但係99眼中係基本, 有時啲問題係睇你有無心去解決。
有你c6支持先係最重要。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽