孫錫雄醫生產檢

terter1110
|
有無Jm睇開孫錫雄醫生,你地覺得點?
umag2338
|
terter1110 發表於 18-8-23 12:00
有無Jm睇開孫錫雄醫生,你地覺得點?

等就2個鐘預左 產檢就5分鐘內 最鐘意問我要唔要維他命 上排有媽媽話他照結構都係用左5分鐘 之後個post被刪左 你明點解啦⋯⋯
terter1110
|
umag2338 發表於 18-8-23 13:28
等就2個鐘預左 產檢就5分鐘內 最鐘意問我要唔要維他命 上排有媽媽話他照結構都係用左5分鐘 之後個post被刪 ...

我次次都3個鐘,如果照結構都5分鐘真係太差啦,3800喎!
唔怪得佢d post咁舊啦,全部15年讚個d,之後無哂
Chingyeeyeee
|
terter1110 發表於 18-8-23 12:00
有無Jm睇開孫錫雄醫生,你地覺得點?

產檢我唔知,我照結構搵佢,都玩左半日,等等等同埋等,照既時候好似好趕時間咁,照完未落床已經唔見左影
sugizo828
|
等左3個中,產檢5分中,佢講完自己要講嘅野就走架喇,如果第一次睇我諗好d 掛,不過佢悟平,肚照超聲波1200,陰超度子宮頸長度加300,一包胃藥150
做人要開心
|
terter1110 發表於 18-8-23 12:00
有無Jm睇開孫錫雄醫生,你地覺得點?

睇過一次,即刻轉醫生
musiccisum
|
terter1110 發表於 18-8-23 13:32
我次次都3個鐘,如果照結構都5分鐘真係太差啦,3800喎!
唔怪得佢d post咁舊啦,全部15年讚個d,之後無哂
...

你懂的
sasa0516
|
terter1110 發表於 18-8-23 12:00
有無Jm睇開孫錫雄醫生,你地覺得點?

睇劉佩琪好過啦…
劉醫生又細心又好人
我次次都照到清楚先比走
又有問必答
zhukimlim
|
terter1110 發表於 18-8-23 12:00
有無Jm睇開孫錫雄醫生,你地覺得點?

我第一胎 朋友介紹佢 而家都仲睇緊佢, 等的 時間係長, 我記得第一次去做檢查 約兩點幾果d時間 等左兩個半鐘, 之後去果d檢查 我都約朝早九點九點半果d時間 但都at least 要等九個字.
我結構都係搵佢照0既 我唔好彩啩 佢果朝有operation 遲左好多返診所 我約九點半 記得好似都等左兩個半鐘, 唔知係咪太多人係出面等啦, 我都覺得佢好快手 咁又無五分鐘照晒咁誇張,都有20分鐘 gei. 咁佢一路照一路都有講解 見佢照齊晒所有野 咁就算啦 我當呢個醫生熟手囉 XD.
可能我第一胎 只係睇過一個醫生又無比較啩,咁我其實覺得佢又無咩唔好0既, 的確係快手,咁我每次有問題 佢都有解答. 咁做檢查 都係求安心 每個月見到阿B 健健康康就ok.
都睇左咁多次啦 睇開又唔想轉第二個,咁咪繼續睇佢囉
快樂得得B
|
zhukimlim 發表於 18-8-23 23:23
我第一胎 朋友介紹佢 而家都仲睇緊佢, 等的 時間係長, 我記得第一次去做檢查 約兩點幾果d時間 等左兩個半 ...

我係由bingo到生都係睇佢,可能人夾人緣啦,我又覺得佢幾好 唯一係等得比較耐
之前係政府度到頸皮好厚,佢知道再幫我照清楚仲教我點睇又安慰我,我先安心咋。又提我政府有比結構期要去做,之後話佢知政府醫生無幫我數手指腳指,佢都肯幫我照,仲好快好準咁數晒比我睇(我係無揾佢照結構),佢確實比到信心我既,所以都無轉第二個。
莫失莫忘
|
但佢收咁既價錢唔應該要client等咁耐,睇張國良要等得耐我明,但佢咁既收費唔應該係咁既服務
terter1110
|
快樂得得B 發表於 18-8-24 02:32
我係由bingo到生都係睇佢,可能人夾人緣啦,我又覺得佢幾好 唯一係等得比較耐
之前係政府度到頸皮好厚,佢 ...

你個陣睇佢係幾時?
terter1110
|
莫失莫忘 發表於 18-8-24 08:24
但佢收咁既價錢唔應該要client等咁耐,睇張國良要等得耐我明,但佢咁既收費唔應該係咁既服務
...

每次前前後後3個鐘,我老公越黎越憎佢,覺得佢唔當孕婦係人,成日要孕婦等咁耐
快樂得得B
|
terter1110 發表於 18-8-24 09:26
你個陣睇佢係幾時?

17年尾開始睇佢
terter1110
|
本帖最後由 terter1110 於 18-8-24 10:40 編輯

我都分享下我自身經歷,我由舊年年尾作小產朋友介紹佢睇,結果無做過任何野,只係觀察,BB最後10週左右無左,今年BB帶齊行李返黎,我第1時間去睇當時5W,我本來睇佢太太,當日佢太太睇完要我抽血,當晚出報告由孫醫生WHATSAPP我,話我黃體酮偏低,要我第日即刻返去打針,之後1日又返去抽血,黃體升返d,之後第2個星期覆診,就開左安胎藥同阿士匹靈再打針,今次再開左肝素針要我每日自己打針,之後每星期都要覆診打安胎針!
terter1110
|
terter1110 發表於 18-8-24 09:52
我都分享下我自身經歷,我由舊年年尾作小產朋友介紹佢睇,結果無做過任何野,只係觀察,BB最後10週左右無左 ...

本帖最後由 terter1110 於 18-8-24 10:43 編輯

每次抽完血我黃體偏低佢都問我點解會咁低,其實我好想答我點知啫,知就唔洗咁啦,你係醫生我點解要食阿士匹靈 打肝素針,你都無講我知點解啦,只係話另d血可以流多d比BB吸收啦!我只知我每次都3千幾買單囉!有次6千幾,後面孕婦聽到即刻嘩左一聲,之後到第9週我問幾時可以做T21佢答我隔個星期啦,10W我覆診當日係都要我做,我話咁快,佢話係吖,無問題咖,我話會唔會驗唔到,佢話唔會,如果出唔到結果再免費再驗一次,咁我唯有驗啦!
terter1110
|
terter1110 發表於 18-8-24 10:00
本帖最後由 terter1110 於 18-8-24 10:43 編輯

每次抽完血我黃體偏低佢都問我點解會咁低,其實我好想答 ...

本帖最後由 terter1110 於 18-8-24 10:46 編輯

星期三抽,下星期二一早我就wts佢問,報告如何,因為我高齡所以好擔心,結果佢話出唔到報告,因為我偏肥所以驗唔到,要我再等4星期,(我當時好無奈又好嬲點解你唔同我講明有呢個原因,你明知點解咁早迫我做,係咪驚我出去第2間做)心聲,我話仲要等4星期可唔可以早d抽,佢就唔奈煩,你咁早抽到時又驗唔到,你又抽咁都無用咖,你要抽比你抽囉,免費抽只包一次,我內心個種委屈,唔知你地明唔明白,結果我第12週專登選擇星期一去再驗,5日有報告,唔想隔星期六日,因為等好煎熬
terter1110
|
terter1110 發表於 18-8-24 10:10
本帖最後由 terter1110 於 18-8-24 10:46 編輯

星期三抽,下星期二一早我就wts佢問,報告如何,因為我 ...

本帖最後由 terter1110 於 18-8-24 10:48 編輯

咁岩佢尖沙咀搬我要去沙田睇當日book10點,我9點9去到,由頭到尾等2個,結果等等等,等2個半鍾先有得睇,前面第一個等嘅孕婦已經同佢老公爆哂嘈咁鬧等咁耐,而我老公都好不滿有無攪錯咁早等2個都咁耐,有無當孕婦係人,已經嬲到爆,早又等遲又係等book個時間呢仲咩,點解唔book遲2個半鐘,好啦,當然好快攪掂啦,叫我返尖沙咀抽血同打安胎針,我話姑娘上次話係呢邊都可以抽血喎,可唔可以將report send去尖沙咀吖,佢話呢邊無T21抽要我返尖沙咀,真係想講嘈口,好彩我老公係度可以車我去,唔係走黎走去,我住元朗咖專登出沙田睇,又返尖沙咀玩野咩,早知個日唔睇啦!
terter1110
|
terter1110 發表於 18-8-24 10:18
咁岩佢尖沙咀搬我要去沙田睇當日book10點,我9點9去到,由頭到尾等2個,結果等等等,等2個半鍾先有得睇, ...

最後星期五我一早wts問醫生有報告未,佢一路無應機,到下晝打去診所話醫生應該未睇報告,遲d覆我,好嗱我等到6點忍唔到,再打去話醫生好忙未睇,睇完會覆,天吖!睇完send個 report比我唔洗10分鐘,點解要折磨我,今日唔覆我咪要等到星期一囉…唉,我放棄了,星期六晚突然send黎話一切正常, 終於放下心頭大石,總結一下我覺得佢唔細心,每次都要開藥打針,我d肝素夠竟係咪必須打我係唔知,但係一支針2百幾,每次就問我藥d藥食哂未,我話未,佢就話點解你d藥食極都有,心諗因為我未食完你就開囉
terter1110
|
terter1110 發表於 18-8-24 10:30
最後星期五我一早wts問醫生有報告未,佢一路無應機,到下晝打去診所話醫生應該未睇報告,遲d覆我,好嗱我 ...

睇左佢前後3萬幾,上次覆診問我政府有無比期我照結構,我話有,其實無,我出去book左第2個,我唔做水魚啦,佢收3800,我book左1800咋,我唔想到時又事但求其照囉!我老公都叫我唔好再睇佢,話佢態度又唔好又無愛心一味要人等,講真好多好醫生都係等個零鐘都有得睇,點解佢已經2間房比佢用都要下下2,3個鐘等咁耐呢?人多都話,最慘有時唔多人都係咁!我以家16w會轉醫生睇,可能真係要人夾人啦,孕婦最信就係睇開嘅醫生,我其實覺得試下睇下2,3個醫生睇下邊個真正夾到自己,咁會好d,好啦呻完啦!祝大家好孕!加油
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽