分享青衣琴行學鋼琴的經歷

audreiabbie
|
我的小朋友在青怡花園B琴行學琴已有四年,小朋友只係為興趣學,沒有任何考試或比賽。四年來,除了暑假會同小朋友去旅行請一天假之外,極少會請假唔學琴。但四年內,我小朋友在同一琴行已經換咗六個老師,現在的一個都講俾我聽教埋今個月就唔教。準備換第七個老師喇!初初我小朋友仲細,要換老師就算唔鐘意都唔會話唔學,現在開始大個,上一堂老師講完會唔教返到屋企我小朋友同我講可唔可以搵個一直教佢既老師⋯我唔明點解琴行可以不停換新老師。這個都唔止,個個小朋友都有固定時間上課,琴行時不時就打電話問我可唔可以嚟緊個堂轉第二個時間,仲要係上堂前一晚先問我,我都盡量就喇,最過份係暑假時間琴行話因爲其他學生要回鄉成個月都唔學住,所以問我可唔可以轉時間方便老師連續上堂。我明白老師緊係想盡量group埋一齊上堂,咁點解琴行可以無限次俾學生請假?有心學習係唔會段段續續咁上堂,講起請假又係勞氣,我小朋友有一次請假,但琴行一直無同我約補堂,最後個補堂係五個月後我要親自問老師有沒有時間補堂,老師同琴行講返先補返。我個次再問琴行幾耐之前一定要補堂,琴行先同我講幾耐都得。我本身都差D唔記得咗請假個堂,如果D學生成日請假又無mark低有幾多堂補堂,拖拖下都唔記得囇喇。
rietomosaka
|
audreiabbie 發表於 18-8-23 23:29
我的小朋友在青怡花園B琴行學琴已有四年,小朋友只係為興趣學,沒有任何考試或比賽。四年來,除了暑假會同 ...

樓主,你好犀利,可以忍到咁多年,最重要係咁樣不停轉老師,又成日忘記補堂畀番你們,你的小朋友真係會無乜心機上堂

其實青怡附近大把琴行,可能仲好啦

琴行係同老師拆帳,如果人工低,流失率大
audreiabbie
|
rietomosaka 發表於 18-8-27 09:25
樓主,你好犀利,可以忍到咁多年,最重要係咁樣不停轉老師,又成日忘記補堂畀番你們,你的小朋友真係會無 ...

我覺得自己好蠢,當時因為貪方便,一上電梯就係間琴行,令小朋友有時無心機學琴,我今次分享呢個經歷,係希望想小朋友去琴行學嘅家長,真係要了解清楚間琴行先,分分鐘會令小朋友失去興趣


老師拆幾多帳我就唔知,但佢流失率就真係⋯我小朋友啲同學仔係其他琴行學都無咁樣經常轉老師,我有時越諗越激氣
kam825
|
如果你小朋友有心學, 不如搵個老師上門教啦
audreiabbie
|
kam825 發表於 18-8-27 18:20
如果你小朋友有心學, 不如搵個老師上門教啦

係啊,我搵咗個私人老師下個月開始教我小朋友喇!希望唔需要再轉老師喇!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽