之前我記得bk有人問499一卡鑽石是否真?

seaheart88
|
https://hk.news.appledaily.com/local/daily/article/20180825/20484151

其實我覺得499就算美金都買唔到一卡啦
仲要係港幣。。有諗過買已經好傻。。
報紙個傻男諗住買來送俾老婆生日。。之後發現假野仲話打算投訴


本報訊】facebook網店越來越盛行,所售貨品五花八門,儼如一個網上百貨商場,加上都是「貨到付款」,吸引不少市民光顧,不過賣假貨及貨不對辦的投訴亦越來越多。早前有商店在fb上以超低價售賣鑽戒,原價近2.4萬元的1卡鑽戒只售499元,十分吸引,有市民看到即時雙眼發亮,他一心想買一枚鑽戒送給太太作生日禮物,可是,當戒指到手後即時驚呼:「假得離譜,似玩具多啲!」懷疑受騙。《蘋果》委託專家化驗後確認該戒指的「鑽石」只是不值錢的「蘇聯石」,絕非鑽石,事主正考慮報警或向海關投訴。

陳先生早前在fb見到該廣告,指有海外珠寶公司因暫未在港開到實體店,「fans唔夠」,因此特意減價,原價69,000元的2卡鑽戒現只需599元,原價23,800元的1卡鑽戒則減價至499元。陳先生坦承起初對超大折扣感到懷疑,但見售價不是太貴,「幾百蚊,即管買嚟試吓啦」,而且不用即時用信用卡過數,只需向速遞員付款(即貨到付款),令他放下戒心。
陳先生在網上分別訂購了1卡及2卡的戒指,貨物在上周一(13日)由順豐速遞員送達,但只送來1卡「鑽戒」,但速遞員要求他即時付款才可開箱查看。他收貨後粗略一看已覺和正常鑽戒有明顯分別,「一攞上手個質感同平時啲鑽戒好唔同,再望一望粒石,似玩具多啲」,其後他再仔細檢查,發現戒指包裝方面亦與他在網上看到的有異,找不到網頁提及的GIA鑽石證書,只見「兩張佢哋公司嘅卡」。陳先生入夜後再用放大鏡檢視,發現有更多「唔對路」之處,包括「個造工好粗糙,有一粒粒,摸上去完全唔似鉑金,感覺差好遠,似係電鍍啲嘢上去」。

crystal媽咪
|
你冇記錯,有幾個人都有問
seaheart88
|
買隻當慶祝老婆生日」

賣得異常便宜,陳先生亦「預咗係A貨」,但如果該「鑽戒」有網頁所示的質素,他表示就算以499元買仿真品,當作婚戒的代用品都可以接受,「買隻當慶祝老婆生日都好」,但如今實物卻「似玩具多啲」。他嘆稱:「太假喇,冇理由送玩具畀老婆」,又認為估計該戒指最多只值幾十元,賣499元有騙財之嫌。
陳先生表示,曾經問過快遞公司能否找到發貨人的資料,希望尋求退款,但對方回應指不會理會客戶的發件(貨物)內容,亦無法核實發貨人的個人資料真偽。陳先生對此感到強烈質疑:「唔使住址證明就可以發到件?」
該珠寶公司目前仍有在fb賣廣告,陳先生批評「起碼都要類似淘寶咁畀啲保證金(畀facebook)啦,如果乜都唔使就咁貼個post,又證實唔到真定假,啲fb廣告好似唔負責任囉」。他呼籲對這些特廉「鑽戒」有興趣的人士不要購買,他自己則會考慮報警或向海關投訴,因認為貨不對辦,不應縱容網站繼續騙財。
seaheart88
|
貨不對辦 至少5宗投訴

類似陳先生的個案,可能只是冰山一角,《蘋果》已先後收到5宗有關投訴,都是質疑該網店宣稱平價出售鑽石戒指貨不對辦,例如實物與網頁所示不同,又有受害人指在網頁留言查詢卻即被封鎖,並相信已有多人中招。
消委會總幹事黃鳳嫻認為,若商店網上宣傳自稱是鑽戒,但實際原來只是鑲上蘇聯石,其實已涉嫌違反《商品說明條例》,她呼籲市民勿向不認識及商譽不明的網店買貴重貨品,免招損失。
以超低價劈售「鑽戒」的C字頭網上商店,根據網上查冊,其網上註冊地址為深圳,登記人為「Ying Ying」,並以大陸的手機號碼及電郵地址登記。就有消費者投訴該店涉賣假鑽石戒指一事,該網上商店回覆本報查詢時,強調他們所售商品均是正版產品,如有客戶發現產品有質量問題,可安排退貨退款,該公司又指不排除有人冒認其公司名義賣假貨,並強調售出的200多隻戒指中,絕大多數客戶都給予好評,亦不排除有人故意造謠詆毀。
不過,當記者再追問他們賣的戒指究竟是否如fb宣傳網頁所指是真鑽石及真鉑金,該公司都沒有正面回應,只重申公司「所有商品均為正品真貨」,並稱:「目前在開拓市場階段,所以價格比較低。」
seaheart88
|
crystal媽咪 發表於 18-8-25 09:18
你冇記錯,有幾個人都有問

499就算佢畀晒咩證明文件你睇用下腦都唔會信。。。
cattz288
|
預左流。 都唔好咁流丫嘛
cy101
|
預咗流!! 當買朱二盛!! 點解有人咁天真!!
sixfourtoo
|
貪心之過
stkyo
|
唔好話美金,499英鎊都買唔到1卡,唔明點解仲會有人信
抺茶雪糕
|
就算係真都唔敢買啦,咁平一定有問題
nintendo
|
佢係估到唔係真嘢,但估唔到咁假。
根本心態有問題,冇咁大個頭,又要戴大帽。
死充,要面,但又冇錢。
Poyau
|
勇氣可嘉
seaheart88
|
Poyau 發表於 18-8-25 19:56
勇氣可嘉

其實衰左兩公婆知咪算囉。。。要報警都唔使搞到上報紙㗎。。。比親戚朋友知道自己老公咁傻。。。帶口罩都認得你啦
Poyau
|
seaheart88 發表於 18-8-25 20:16
其實衰左兩公婆知咪算囉。。。要報警都唔使搞到上報紙㗎。。。比親戚朋友知道自己老公咁傻。。。帶口罩都 ...

依家通天點見人 報料收$500都補唔返
tsung
|
抺茶雪糕 發表於 18-8-25 10:00
就算係真都唔敢買啦,咁平一定有問題


龍貓車
|
Poyau 發表於 18-8-25 21:00
依家通天點見人 報料收$500都補唔返

賺左$1架
Poyau
|
龍貓車 發表於 18-8-25 21:57
賺左$1架

唔夠仲可以揾 方向 日月 日青
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽