順產媽媽的煩惱

猫物語
|
我一早就立志要順產,前期食得比較多,bb吸收到又重得快,由孕中期開始,醫生就叫我戒白麵包蛋糕甜品呢類食物,白飯都只可以食半碗,唔想我或者bb超重導致要轉開刀。

而家進入孕後期,我照樣係咁食,三餐食足,再加杯牛奶食零食咁,bb體重一直係正常範圍,屬於中碼,28w大概2.5磅,但自己體重增加得好慢,1個月1kg。

我99同媽咪成日叫我食多d,嚇我而家咁瘦生完會骨質疏鬆甩晒d頭髮,但我又唔敢食太多,我本身瘦底盤骨窄,一陣bb超磅生唔出又係大獲,我心情勁茅盾,都唔知谷唔谷自己好。
pigpigFF
|
我開頭都有諗過谷肥BB. 諗住大隻D點都好.
但依家放棄谷啦.
因為我怕到時難生, 加上我肥多過BB吸收,不如順其自然算
我要做媽媽
|
如果你bb目前都係正常範圍,我覺得你按照番現在咁食就得喇
gugibabe
|
我都係想順產,家族有糖尿,所以我都冇食得好放縱:每日都盡量多菜正常肉少澱粉質~亦都冇刻意食補品~但媽媽又永遠都想塞我食野~


不過我睇書其實1個月1kg都OK呀?我見好多人target 孕期重10-12kg。最緊要bb有吸收有成長就OK~之前產檢醫生話bb size 適中~我就好放心維持現狀~

Ballz
|
本帖最後由 Ballz 於 18-8-27 17:04 編輯

樓主唔洗太擔心,我上胎都食唔到野,重得慢,全孕期重左唔夠7kg. 但阿仔都好吸收,中大碼b, 足月出世7磅幾。至於你擔心骨質疏鬆,可以食鈣片。我上胎生完喂人奶一直食到宜家。唔食會腰骨痛。宜家都有左bb 34w 了。至於甩頭髮應該係正常的。因為宜家荷爾蒙改變,會甩小左頭髮,到生完3,4個月會勁甩頭髮,之後再生番就會正常番。我都係順產,我生阿仔真係生得好辛苦。生左一個中都唔出黎,醫生話心跳慢要吸bb 出黎唔可以再比我試,試埋最後一次,我用盡全力一咇,好彩咇到佢出黎唔洗吸,但自己就爆得好勁,聯左1個中針同埋出血太多,生完輸左2包血。

EstrellaDamm
|
本帖最後由 EstrellaDamm 於 18-8-27 17:12 編輯
猫物語 發表於 18-8-27 16:07
我一早就立志要順產,前期食得比較多,bb吸收到又重得快,由孕中期開始,醫生就叫我戒白麵包蛋糕甜品呢類食 ...

其實飲食均衡,最多照醫生建議食孕婦綜合維他命等補充,冇可能會唔夠營養。孕婦體重增長並唔一定等如BB增長,反之亦然。要清楚最好根據超聲波估計。我因為糖尿高危所以控制飲食,陀兩胎到生重10至15磅,但兩個BB一樣中碼。

要預防骨質疏鬆症,要注意鈣質及維他命吸收,曬太陽,平日做適量負重運動(冇運動開暫時只散步,生完康復後就做運動)。唔係食多與少嘅問題,而且食咩嘢同要適量。甩頭髮係生產幾個月後嘅自然現象,受荷爾蒙轉變影響,正常之後會再出過,我生完兩個後都經歷過,而家正正係甩完爆生中,一頭企晒起身嘅新頭髮。。。
dando2003
|
我之前幾胎約七磅重,今胎29週已經有3磅幾.....唔知呢胎會唔會係大碼BB !

呢一胎我冇飲奶,但天天雞蛋(食到厭也照食),一星期燉兩次補品,可能咁BB好吸收!

為了BB,在暫無血糖高的情況下,老人家整乜食乜,自己食少D澱粉質食物。
laisausau
|
猫物語 發表於 18-8-27 16:07
我一早就立志要順產,前期食得比較多,bb吸收到又重得快,由孕中期開始,醫生就叫我戒白麵包蛋糕甜品呢類食 ...

骨盆窄千祈唔好谷咁肥!孕媽媽肥唔=有力生B,BB約6-7磅最好生,記得尾2個月要勤造骨盆運動(健康院小冊子就有、上網search)
我陀女時傻更更咁,全程只照左3次B超,但謹記自己體重不超10kg(我矮153)你一直有睇醫生就信醫生,BB夠磅就得,我仲記得最後2個半月個肚好似吹波,但我體重不變,勁神奇
KILW
|
無必要迫自己狂食增重,錯重點,目標係要bb健康長大,均衡飲食就ok,過量反而唔好。老人家好多錯誤理論,如你係易受影響嘅,建議你多問同聽醫生意見。
trinket
|
Ballz 發表於 18-8-27 16:59
樓主唔洗太擔心,我上胎都食唔到野,重得慢,全孕期重左唔夠7kg. 但阿仔都好吸收,中大碼b, 足月出世7磅幾 ...

你生得好驚險喎,我阿B都好大,依家有啲驚
猫物語
|
我要做媽媽 發表於 18-8-27 16:32
如果你bb目前都係正常範圍,我覺得你按照番現在咁食就得喇

都係嘅謝謝你
猫物語
|
gugibabe 發表於 18-8-27 16:47
我都係想順產,家族有糖尿,所以我都冇食得好放縱:每日都盡量多菜正常肉少澱粉質~亦都冇刻意食補品~但媽 ...

係長輩眼中永遠都係食得少普遍都話媽咪每星期重300g至500g叫標準。

我發覺自己到後期無乜重,塊面仲瘦埋,懷疑係咪俾bb吸晒營養
猫物語
|
EstrellaDamm 發表於 18-8-27 17:12
其實飲食均衡,最多照醫生建議食孕婦綜合維他命等補充,冇可能會唔夠營養。孕婦體重增長並唔一定等如BB增 ...

孕期食多d鈣,黑芝麻有無用?定係都係甩咁多頭髮
猫物語
|
dando2003 發表於 18-8-27 18:14
我之前幾胎約七磅重,今胎29週已經有3磅幾.....唔知呢胎會唔會係大碼BB !

呢一胎我冇飲奶,但天天雞蛋( ...

七磅未算係巨b,我都好少飲奶,而家俾屋企人嚇一嚇都係死死氣每日一杯。
猫物語
|
Ballz 發表於 18-8-27 16:59
樓主唔洗太擔心,我上胎都食唔到野,重得慢,全孕期重左唔夠7kg. 但阿仔都好吸收,中大碼b, 足月出世7磅幾 ...

過程好驚險,真係生完都要好好保充營養,唔可以鬆懈。
gugibabe
|
猫物語 發表於 18-8-28 07:16
係長輩眼中永遠都係食得少普遍都話媽咪每星期重300g至500g叫標準。

我發覺自己到後 ...

我孕初期好好胃口又食得多,上磅都驚自己重得太快。

點知依家進入孕中期,3餐食少少野個肚就好漲頂胃,連飲多碗湯都想嘔返出黎...不過我唔記得我睇過邊D資料,話大肚媽媽飲食係重質不重量,其實比起未懷孕時只係每日額外多一份三文治嘅量就已經理想。所以我又唔太擔心,食得唔多咪食精d囉:食蛋,食粗糧(蕃薯、粟米、三色米)、適量生果、多d蔬菜、優質蛋白質咁~

總之醫生話bb size OK 我就算~哈哈
luv_miyuko
|
不如我又嚇一嚇你,我有朋友生八磅b 爆盆骨,所以自己知自己事,唔好亂谷,坐月坐好d 好過啦我覺得。
EstrellaDamm
|
猫物語 發表於 18-8-28 07:17
孕期食多d鈣,黑芝麻有無用?定係都係甩咁多頭髮

孕期多吸收鈣當然係必須,而黑芝麻亦係一種高鈣食物。不過,多補充鈣並唔能夠防止產後脫髮,因為呢種脫髮係荷爾蒙轉變引起。唔使太擔心,一般甩幾個月就會停,開始生新頭髮。
haha748494
|
你就食多D生果蔬菜,麵包,湯之類少食D.
猫物語
|
haha748494 發表於 18-8-28 16:48
你就食多D生果蔬菜,麵包,湯之類少食D.

係啊。我都係咁食。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽