BB訓教習慣

ting8625
|
BB出世後日夜顛倒,日頭訓夜晚扭計喊,晚晚飲夜奶,不時都會扭計通頂,坐月日子真係好難捱。。。網上教,日頭同佢玩,唱歌,夜晚較暗晒d燈等等都做齊,都係無咩幫助,而家bb就黎2個月大。直至個幾星期前,BB無啦啦自己有一日日頭唔係好訓教,到夜晚累到飲完最後個餐奶就自己好快訓左,仲一教訓到天光,夜奶都唔使餵,連續個幾星期都係咁乖,個下真係好感動!以為從此日子會好過d..
可惜。。早2晚開始,bb飲完奶仲係眼碌碌,點氹點抱都唔肯訓,到3點先訓著,6點幾又開始喊要飲奶,日頭又係咁訓。。好怕bb又會變返以前咁!
仲以為bb愈大,生活會愈來愈規律,日夜顛倒問題會解決。。點知又打點原型。。
過多個幾星期就要返工。。。希望bb會自己正常返啦!
我要做媽媽
|
你日頭真係咪俾佢訓太多吖,我覺得你bb作息時間有D亂吖,你地一定要同佢調過黎
ting8625
|
回覆 我要做媽媽 的帖子

我都想佢日頭唔好訓咁多。日頭已經盡量叫醒佢,同佢出下街,拉開窗簾等等,想令佢知道咁係日頭,但佢要訓既話,叫都唔醒,嘈極佢都照訓,就算醒都係醒一醒,5分鐘又訓返,一係就係咁喊。。。定時俾奶佢飲,佢都係立埋眼啜架。。
我都唔知仲有咩可以做到😭
Gloria1125
|
ting8625 發表於 18-8-29 18:45
回覆 我要做媽媽 的帖子

我都想佢日頭唔好訓咁多。日頭已經盡量叫醒佢,同佢出下街,拉開窗簾等等,想令佢知 ...

我bb就來兩個月大,情況一樣
每晚起碼凌晨3,4點先訓,之前仲會爆喊成個鐘,喊時點抱都唔得,奶又唔食,係要到3,4點什至5點後先會訓,到日頭會訓得好冧,可以訓5個鐘唔起身食奶....
都唔知點調校番佢既生理時鐘
RubyYu07
|
其實bb一時時,唔奇怪。我個仔有段時期明明戒左夜奶,後來又飲返。
haha748494
|
BB依家慢慢長大,日頭可以帶BB落街行下,系屋企就同BB玩,講嘢。慢慢調教好日夜時間。
|
ting8625 發表於 18-8-29 15:55
BB出世後日夜顛倒,日頭訓夜晚扭計喊,晚晚飲夜奶,不時都會扭計通頂,坐月日子真係好難捱。。。網上教,日頭同 ...
Hello ting8625, 媽媽安排睡眠環境, 同BB玩/唱歌, 好好呀。 BB仲細, 生活未有規律, 日夜顛倒都好常見架。 一般兩個月大BB 每日大約瞓14-17 個 鐘,如果日頭瞓多咗,夜晚可能唔肯瞓架! 媽媽可以係日間增加BB活動量,係BB床邊/拱架懸掛色彩鮮艷, 會發聲玩具,方便BB抓握、踢打,配戴發聲手/腳環增加BB活動興趣。又可以試下放BB係遊戲地墊上, 做下Tummy time,BB可以睇到多d周圍嘅事物, 有可能會瞓返少d架。
GCHK
|
同意,日頭真係要放電,唔好訓太多
bchuma
|
ting8625 發表於 18-8-29 15:55
BB出世後日夜顛倒,日頭訓夜晚扭計喊,晚晚飲夜奶,不時都會扭計通頂,坐月日子真係好難捱。。。網上教,日頭同 ...

我建議你都係堅持日頭多點同佢互動,出街玩,俾佢睇睇出面點野。慢慢會正常翻。夜晚做到全家安靜。
xtinalo
|
RubyYu07 發表於 18-8-30 11:04
其實bb一時時,唔奇怪。我個仔有段時期明明戒左夜奶,後來又飲返。

係,bb 的確係一時時,成日變,亦好難揾到佢變嘅原因。繼續日頭放電俾多啲刺激佢,夜晚就靜靜黑媽媽,希望佢慢慢可以分返日夜
RubyYu07
|
xtinalo 發表於 18-9-7 13:34
係,bb 的確係一時時,成日變,亦好難揾到佢變嘅原因。繼續日頭放電俾多啲刺激佢,夜晚就靜靜黑媽媽,希望 ...

講得啱,好難揾到佢變既原因。大大下自然就戒左夜奶了。
sammiso
|
要訓練BB訓覺時間嘅,日頭尽量唔俾佢訓。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽