國家地區媽媽會 今日: 0 | 主題: 20234

積分: 28212

261^#

發表於 18-9-23 15:22 |只看該作者

wrymoep 發表於 18-9-23 15:16
一語中的！我之前講過果對美國退休夫婦寧願係香港租間細屋住都唔願返美國就係因為兩個人打理間屋好辛苦！ ...

我哋而家仲有細路喺屋企，先至會住 house，將來佢地大個離家之後，我哋兩老就會換間 condo，兩間房就夠，唔使理花園，要去旅行鎖埋門就走，乾手淨腳

私人傳訊

積分: 28212

262^#

發表於 18-9-23 15:25 |只看該作者

wrymoep 發表於 18-9-23 15:19
住得起 C$4M house, 咁就應該無乜財政限制喇！乜庸都請得起lu。

係呀，所以我朋友話分租出去，主要目的好多時都係想多 d 人一齊住，“孤兒寡婦” 安全感大 d，租金收入反而唔係最大著眼點

私人傳訊

積分: 1770

263^#

發表於 18-9-23 15:30 |只看該作者

mugtaitai 發表於 18-9-23 15:13
SC 就真係唔熟了，也從來冇諗過會去住...

EB-3 一定要去 SC 嗎？

唔一定SC，不過選擇唔多，肯定唔會係有錢既州！因為全部都係造低價產品既工廠，所以都會係窮州份或好偏遠既地方，如 SC、AR、WI 之類，而且要遷就工廠地址，通常附近校網都唔好。

私人傳訊

積分: 1770

264^#

發表於 18-9-23 15:36 |只看該作者

mugtaitai 發表於 18-9-23 15:22
我哋而家仲有細路喺屋企，先至會住 house，將來佢地大個離家之後，我哋兩老就會換間 condo，兩間房就夠， ...

美國住 house，咁真係要外出旅行點算？真係要好似Home Alone套戲咁，係屋企要案裝D設備會夜晚自動著燈、開電視、打燈造人影扮有人行來行去咁？我反而好想知點處理？始終一間house 路人四面都可以行來行去，會唔會好無安全感？

私人傳訊

1mocha

伯爵府

積分: 19773

265^#

發表於 18-9-23 19:52 |只看該作者

mugtaitai 發表於 18-9-22 20:19
住起來 4000 呎都嫌細，吸起塵來 400 呎都嫌大

係d香港新移民嗰d,一到步就有咁大買咁大。重要有泳池，一住落就知 lai嘢。
真係抹地都抹死人。
重未計過花園。

私人傳訊

積分: 1770

266^#

發表於 18-9-23 21:40 |只看該作者

1mocha 發表於 18-9-23 19:52
係d香港新移民嗰d,一到步就有咁大買咁大。重要有泳池，一住落就知 lai嘢。
真係抹地都抹死人。
重未計過 ...

美國如果3個人住多數會買一層過既 house （只有一層既house 係咪叫 bungalow ?) 還是2層？

只有一層私隱度感覺上好似差D。不過我見到有D 兩層house, 個 sitting room 天花直上兩層到屋頂，咁如果要換燈膽點算？唔係個個燈膽都係一定螺絲頭用長臂桿就換到禾！ 30呎高吊燈點搞？怕木梯會跌死人禾！

私人傳訊

積分: 28212

267^#

發表於 18-9-23 23:24 |只看該作者

wrymoep 發表於 18-9-23 15:36
美國住 house，咁真係要外出旅行點算？真係要好似Home Alone套戲咁，係屋企要案裝D設備會夜晚自動著燈 ...

都係不外乎裝 web cam、裝警鐘（同服務商攞告示牌插喺屋外當眼嘅地方，再大量貼紙黐喺窗口，希望賊仔見到會避忌下，取易不取難）、裝智能家居系統，可以遙距不定時開著唔同嘅燈、等等。不過講真，如果賊仔有心探路，見到間屋幾日都冇人出入，其實都知道係吉嘅

係㗎，係唔放心㗎，都係儘量做㗎咋。我明年先正式搬過去美國，而家間屋就只係暑假同聖誕過去住下，其他時間都係丟空，我都擔心㗎，除左以上嘅嘢，唯有請親友不時上去睇下收下信，揸架車出去 dum 返轉，我大仔在加州讀書，我都叫佢見到有平機票就上去探下間屋，係咁㗎咋

至於安全感，都係㗎，所以儘量揀個治安好 d 嘅區囉，都係盡做㗎咋，冇百分百安全

私人傳訊

積分: 28212

268^#

發表於 18-9-23 23:26 |只看該作者

1mocha 發表於 18-9-23 19:52
係d香港新移民嗰d,一到步就有咁大買咁大。重要有泳池，一住落就知 lai嘢。
真係抹地都抹死人。
重未計過 ...

泳池真係咪搞，我睇屋一見到有泳池就即走，幾靚幾抵買都假。我仔初時唔識死，問點解唔要泳池，我話如果你做 pool boy 負責打理我就買，佢即刻收聲

私人傳訊

積分: 1770

269^#

發表於 18-9-23 23:36 |只看該作者

mugtaitai 發表於 18-9-23 23:24
都係不外乎裝 web cam、裝警鐘（同服務商攞告示牌插喺屋外當眼嘅地方，再大量貼紙黐喺窗口，希望賊仔見到 ...

咁聖誕節應該好易中老爆禾，多數鬼佬聖誕放長假期去旅行。香港我見有豪宅獨立屋裝通高壓電圍欄包住間屋。美國有無人會咁做？咁做係咪犯法？

私人傳訊

眼訓

子爵府

積分: 14621

環保接龍勳章大廚勳章

270^#

發表於 18-9-23 23:46 |只看該作者

回覆 wrymoep 的帖子

美國海關夠嚴啦咪一樣大把黑市。。。真人真事：同版主講個case一模一樣咁屈蛇。但附近有熱心鄰居報串。點解會咁？因為隔離鄰舍大家間屋都唔會差好遠。點解我間屋住到4個人但你可以住到10個？anyway最後有人上門查。被政府罰大舊就預咗，租客要即走（好彩熟人唔洗揸正來賠），仲要洗舊錢裝修返到合規格。咁死啦，俾人計住罰息嘅情況吓先整，覺得做乜都慢d。所以，你冇俾人發現就笑騎騎，俾人發現就痛不欲生。租個熟嘅都算，3547如果租客自己都俾稅局跟緊嘅，燒埋你嗰疊容乜易。
千萬唔好低估d鄰里關係。

而且租得出去，報稅冇乜嘢嘅。因為你有好多deduction。所有間屋嘅洗費都係investment expense，加埋間屋折舊，其實真係要俾嘅唔係咁多，仲可能有錢袋。所以除非有其他衰嘢，我唔覺得值得去瞞。

你完全估中晒house需要做嘅嘢。出門依家就話有smart乜乜乜可以用手機遙控間屋啫，以前d人係插個時間制係個插頭度，一日放幾多個鐘頭電等盞燈著㗎。同埋會同鄰居講聲。換燈膽係用支棍㗎。包裹要搵個地方俾郵差收埋唔好由得佢擺係門口。而家cam普遍咗，一路以來係屋企門窗裝感應器，你出門口訓覺就開，一有動靜如果唔立即解鎖就會經電話線通知保安公司（月費），佢地幫你報警。一個字，煩！我估小朋友要起碼到選校區，有能力減輕我家務先會考慮搬返去house。

你今日backup左未？

私人傳訊

rose-mag

王國長老

積分: 171525

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

271^#

發表於 18-9-24 00:37 |只看該作者

wrymoep 發表於 18-9-22 23:09
舊金山係咪即係 SF ? SF 相對 LA治安好嗎？ SF 係咪好潮濕好似香港咁D衫褲好易發霉？

但係係美國將間 in- ...

舊金山即係 SF，SF 相對 LA治安好唔好，難講，個個城市都有好區唔好區，好人好者你知邊度唔好治安就盡量唔去，我自己搭巴士都揀架唔入果D區嘅，試過有人上車，成身臭到嘔，坐我隔離，仲要痴埋嚟，走又驚佢發顛話你歧視，忍佢唔起身，返到屋企即換衫洗。SF一D都唔潮濕，乾燥就真，近年雨落唔夠要制水，今年乾到好多山火，LA更慘，年年都燒，因為太乾，我長頭髮，下晝5點半洗頭，如果11點至瞓可以唔駛用吹風筒都乾晒。

in-law 外租好多人唔報稅，冇話呃唔呃到，睇你搏唔搏，唔誇張，住客業主兩家便宜，冇鄰里告發冇人查，幾十年都係咁過，唔合規格睇有幾離譜，有人願打，有人願捱，互惠互利。幫業主報稅個會計師都係業主提供資料幫佢報，睇下有咩可以減稅，會計師唔會叫你瞞稅，佢會釘牌，佢地只會提供合法減稅方法，其實要報就要報，要交就要交，天公地義，只係有人貪心，心存憢悻心態，但過得一時又過得一世？一次就返本，稅局追討去到7年加罰錢罰息，仲要以後年年抽秤，俾人下下睇到實，稅局係可以兩蚊都追你。

花旗太太生活在花旗國，留意時差，你問我未必即時答到。

私人傳訊

眼訓

子爵府

積分: 14621

環保接龍勳章大廚勳章

272^#

發表於 18-9-24 01:18 |只看該作者

本帖最後由眼訓於 18-9-24 02:02 編輯

回覆 1mocha 的帖子

其實近近地去新界買間村屋已經可以了解移民生活！

你今日backup左未？

私人傳訊

1mocha

伯爵府

積分: 19773

273^#

發表於 18-9-24 08:06 |只看該作者

眼訓發表於 18-9-24 01:18
回覆 1mocha 的帖子

其實近近地去新界買間村屋已經可以了解移民生活！ ...

冇可能。就算幾偏遠的村屋，都可坐程車到有嘢食的地方。家務做到唔想做都可請到個鐘點。心態好重要。
我覺得最簡單體驗外國生活，第一要炒咗個工人，唔好出街食。餐餐自己煮。重要學識食包。
有小朋友的唔坐校車，唔訂飯。

私人傳訊

積分: 1770

274^#

發表於 18-9-24 09:40 |只看該作者

1mocha 發表於 18-9-24 08:06
冇可能。就算幾偏遠的村屋，都可坐程車到有嘢食的地方。家務做到唔想做都可請到個鐘點。心態好重要。
我 ...

係美國，如果係屋企豬生炒排骨、煲青紅蘿蔔湯之類，D味傳到隔離屋，會唔會俾人投訴？

私人傳訊

眼訓

子爵府

積分: 14621

環保接龍勳章大廚勳章

275^#

發表於 18-9-24 09:42 |只看該作者

1mocha 發表於 18-9-24 08:06
冇可能。就算幾偏遠的村屋，都可坐程車到有嘢食的地方。家務做到唔想做都可請到個鐘點。心態好重要。
我 ...

你誤會了。我意思係，住慣高樓大廈嘅香港人想體驗住大屋嘅滋味，最簡單嘅方法就係住村屋。當然唔會俾你體驗晒全部，但起碼有7成啦。
出入唔方便，要買定幾日餸。
要同自然生態共同生活（昆蟲，小動物）。
打風唔係黐膠紙咁簡單，要睇住漏水水浸。
網絡貴又慢。
地方大。
冇夜生活。
保安。
。。。
搞得掂又好enjoy照顧間屋嘅話，恭喜你，外國嘅大屋會好正。
你講得啱，“係d香港新移民嗰d,一到步就有咁大買咁大。”

你今日backup左未？

私人傳訊

積分: 28212

276^#

發表於 18-9-24 09:49 |只看該作者

wrymoep 發表於 18-9-23 21:40
美國如果3個人住多數會買一層過既 house （只有一層既house 係咪叫 bungalow ?) 還是2層？

只有一層私隱 ...

我喺亞馬遜見過有種工具係一支長棍，一頭有一個爪，類似咁樣：
https://www.amazon.com/Bayco-LBC-600C-Deluxe-Light-Changer/dp/B000256QZQ/ref=sr_1_1?ie=UTF8&qid=1537752853&sr=8-1&keywords=light+bulb+changing+pole+for+high+ceilings&dpID=41LwUHNmNxL&preST=_SY300_QL70_&dpSrc=srch

我未用過，唔知實際操作方法，你若有需要可以研究下

間屋我是否能自己容易打理都係我決定買唔買一間屋嘅其中一個重要因素，嗰 d 水晶燈（你試下逐粒水晶拆落來洗）、雕梁畫棟（藏灰塵，抹死人）、深色玻璃櫥櫃門（一個手指模都見到）、fancy 花園、泳池、等等，如果你唔係有一隊兵幫你 maintain 間屋，就唔好挑戰自己能力了，我都覺得 high ceiling 好 grand，但係冇信心自己抹窗同換燈膽，都係算了

私人傳訊

積分: 28212

277^#

發表於 18-9-24 10:06 |只看該作者

wrymoep 發表於 18-9-23 23:36
咁聖誕節應該好易中老爆禾，多數鬼佬聖誕放長假期去旅行。香港我見有豪宅獨立屋裝通高壓電圍欄包住間屋。 ...

我冇研究過起圍牆是否犯法，我估未必會 “犯法”，但美國普遍嘅文化唔係好興（大型莊園式豪宅另計），中國人有萬里長城情意結，鍾意起圍牆圍著自己，同鄰居會格格不入，我自己唔會做。高壓電就真係唔好了，誤傷無辜的話，屋主嘅 liability 好大，制唔過，可以裝 sensor 之類，但你預左一日都 pick up 到活動，郵差行過又 alert 你，有隻野兔行過又 alert 你，搞到最後你自己都嫌煩

私人傳訊

積分: 28212

278^#

發表於 18-9-24 10:17 |只看該作者

1mocha 發表於 18-9-24 08:06
冇可能。就算幾偏遠的村屋，都可坐程車到有嘢食的地方。家務做到唔想做都可請到個鐘點。心態好重要。
我 ...

咁計落我喺香港嘅生活，除左有工人，其實同喺美國唔係好大分別

你在澳洲住得很偏遠嗎？出街食嘢要揸好耐車？我喺美國住得唔算隔涉，揸車 10 分鐘內已經去到好熱鬧嘅地方，買嘢食嘢都有好多選擇，我都冇餐餐煮，請花王同鐘點清潔呢邊都幾流行，平時自己執拾下，要求稍微降低一 d，一個星期鐘點來一兩次，搞得掂有餘。喺香港我都係自己接送返學放學，冇訂飯，真嘅，分別真係唔大

私人傳訊