吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 後悔移民

國家地區媽媽會今日: 1|主題: 20234

收藏本版

發帖

返回列表

跳至頁

樓主: iriswy

[美國] 後悔移民

[複製鏈接]

7 8910 11...27

pollybell

子爵府

積分: 14001

161^#

發表於 18-9-18 16:42 |只看該作者

回覆 kkyyn 的帖子

唔該晒kkyyn先.帶太多例如一兩年洗費當十萬美金會唔會跨張左。

私人傳訊

kkyyn

子爵府

積分: 12029

162^#

發表於 18-9-18 17:18 |只看該作者

本帖最後由 kkyyn 於 18-9-18 21:09 編輯

回覆 pollybell 的帖子

Cash帶1-2萬就會, 帶太多, 就吾會, 通常香港開戶口, 海外提款

私人傳訊

mugtaitai

公爵府

積分: 28215

163^#

發表於 18-9-18 17:36 |只看該作者

rose-mag 發表於 18-9-18 14:31
我個單位就係冇太陽光入，後面個deck係前後座中間，根本陽光照唔到，所以幾乎係要陽光嘅死得，想喺公司種 ...

芫茜同薄荷似乎都唔係太要求陽光，記得你講過你仔女好鍾意食芫茜，可以試下

私人傳訊

wrymoep

大宅

積分: 1770

164^#

發表於 18-9-18 22:15 |只看該作者

本帖最後由 wrymoep 於 18-9-18 22:15 編輯

mugtaitai 發表於 18-9-12 14:45
睇下你嘅 life style 係點樣，在我家的情況，在美國的開銷比香港少

首先是學費，我仔在香港讀國際學校， ...

如果計兩地生活質素差別，最大而且最影響健康係空氣、水同食物！成條東江水一路水源都係極度染污既工廠排污物，沿路各省、市有幾多癌症村你知唔知？乜嘢具劇毒化學物質都有，世上根本無可能有任何 filter 可以對付到！空氣更加不在話下！食物更加出名！係大陸，賣豬既唔會食自己養既豬，賣牛既唔會食自己養既牛，辦食物工廠既唔會食自己生產既食物！就呢3樣基本生活必需品，美、加同香港已經係無價無得比！如果唔係點解咁多有錢強國人一定一家大細連資產搬去「美帝」度？！

其實就算搵少左錢，可以換取基本人權，已經乜都值！有好多香港人好多時候都係本末倒置：錢應該係用黎換取生命既延續，絕對唔係將生命換錢！生命價值在於培養下一代成為棟樑，同埋為社會作出貢獻令更多人可以得到受惠，延續人類文明發展！

留係香港，層樓升到一億又如何？真係會好快樂咩？今日既香港已經完全變質！國家最高果班領導都不停搬錢去「美帝」度，已經有幸離開左既香港人根本唔需要懷緬過去，因為過去的已不復再！

點評

readymama

發表於 18-9-26 07:57

私人傳訊

kayeeian

大宅

積分: 1552

165^#

發表於 18-9-18 22:46 |只看該作者

mugtaitai 發表於 18-9-18 14:24
rosemary 容易種，搵個好太陽嘅地方，唔理佢就得了，又乾又曬最適合佢；mint 都容易，都係間中淋下水就得 ...

我想問下由種子開始種
定係用苗種？
我backyard有一邊太曬，種咩都死。。

私人傳訊

kayeeian

大宅

積分: 1552

166^#

發表於 18-9-19 00:15 |只看該作者

wrymoep 發表於 18-9-18 07:43
加國聽落係好似好好，免費醫療，不過羊毛出自羊身上，呢D保障由重稅而來。美國要自己買保險，其實係同一 ...

我識啲家庭好多都要交稅之後再畀多廿個percent income 去買份好嘅醫療保險。所以如果生咗兩件加埋day care 或者after school再加保險, 好多女人都情願喺屋企做ftm。我有個女用所有心機去栽培佢，大個有咗自己家庭，如果自己無份高收入嘅工，就要放棄事業，要響度要做全世界最辛苦嘅工-ftm，雖然係佢嘅選擇，不過我諗到都覺心痛！
加拿大嘅醫療係政府提供，佢嘅服務你要 expect 佢同香港街症係一樣，我以前去睇醫生發燒都係叫你返去飲水同食生果。

私人傳訊

kayeeian

大宅

積分: 1552

167^#

發表於 18-9-19 00:17 |只看該作者

wrymoep 發表於 18-9-18 07:43
加國聽落係好似好好，免費醫療，不過羊毛出自羊身上，呢D保障由重稅而來。美國要自己買保險，其實係同一 ...

加拿大個社會氛圍比較peaceful 而且冇槍械，老人退休福利好，所以人與人競爭無咁大。不過天氣都係一個幾令人煩惱，我以前會有winter depression, 我已經住西岸城市，東岸城市仲大鑊！你有冇去過邊個城市比較鐘意？
依家響美國有cousin響其他state做嘢或住，不過東岸因為大氣關係，就唔諗，西岸城市最大可能會搬去係LA。不過都有水質同交通問題。。。
我同先生比較好彩，大家都響呢度大公司做返本行，只係大家對呢度嘅生活模式同環境都唔太喜歡。。

私人傳訊

wrymoep

大宅

積分: 1770

168^#

發表於 18-9-19 12:19 |只看該作者

本帖最後由 wrymoep 於 18-9-23 23:46 編輯

kayeeian 發表於 18-9-19 00:17
加拿大個社會氛圍比較peaceful 而且冇槍械，老人退休福利好，所以人與人競爭無咁大。不過天氣都係一個幾 ...

PEI就係加國東岸，冬天天氣嚴寒，只需要習慣一下天氣就ok！反而間屋可以有前、後花園，佢可以日日種花、種樹、剪草等，做園丁係佢一生人既夢想！本身我倆都比較宅，週末都係留係屋企多，唔鍾意去人多幾地方，除非必要。最大問題係搵工，不過唔顧得太多，到時先算。我唔相信香港人會餓死他鄉！美國人工作節奏同香港比都算慢，加拿大更再慢一皮。係工作上有時真係頂唔順D美國客真係慢得好交關！或者反而有機會靜落黎唔洗過太緊張既生活，對我倆會更適合。

我有朋友移民LA多年，搵工當然好容易，不過我自己就唔太鍾意，自然環境唔吸引。最大好處係冬天唔凍，不過夏天好熱！

私人傳訊

mugtaitai

公爵府

積分: 28215

169^#

發表於 18-9-19 13:57 |只看該作者

kayeeian 發表於 18-9-18 22:46
我想問下由種子開始種
定係用苗種？
我backyard有一邊太曬，種咩都死。。

我係用苗種，Trader Joe's $0.99 一盆，唔係間間有，亦唔係成日有，我一見到有就大手掃，每次都十盆八盆咁買返去

如果冇記錯，你住加州 Bay Area？天氣應該好適合種香草，Rosemary 呢 d 幾乎係沙漠植物，唔怕乾唔怕曬，我媽帶過種子返香港種，總係唔成功，可能係太潮濕

私人傳訊

mugtaitai

公爵府

積分: 28215

170^#

發表於 18-9-19 16:12 |只看該作者

wrymoep 發表於 18-9-18 22:15
如果計兩地生活質素差別，最大而且最影響健康係空氣、水同食物！成條東江水一路水源都係極度染污既工廠排 ...

我同意，水質空氣毫無疑問北美勝，中國嘅食安問題的確嚴重，不過公平 d 講，美加是否完全冇食安問題？我又唔覺得。我喺香港唔敢買中國雞，喺美國我一樣唔敢去 Walmart 買 $5.99 一袋 10 磅裝嘅雞腿，美國作為科技大國，好多新科技都率先喺國內應用，大部分化肥、農藥、激素、抗生素、基因改造，等等，相信都係美國發明並率先應用，之後發現有問題，大家先有 awareness，仲有幾多呢 d 化學嘢未爆出問題而仍然用緊，真係冇人知，只係美加同中國嘅分別係，美加比較少做假或者故意用一 d 禁用嘅嘢，中國喺呢方面則創意無限

而你提到嘅價值觀，呢個先係我帶細路移民嘅最主要原因。香港社會太功利，一個人成功與否係用一連串數字來 define：賺幾多錢收入，層樓值幾多，身家有幾多，等等等等，而唔知從幾時開始，買樓係人生最大目標，家長們寧願用 d 錢來買層樓比細路都唔肯用來比佢去外國讀書，我實在理解唔來。而年青人又唔知幾時開始覺得佢地嘅人生係父母嘅責任：結婚期望父母俾禮金出酒席，奶奶買對龍鳳鈪唔夠重都罪大惡極；樓當然要靠父幹；生左細路又係旨意父母湊；真係養兒一百歲，長憂九十九嘅完美演繹。我唔希望我兩個細路喺咁嘅氣氛下成長，我想佢地真正有自己理想，無需一生人被層樓牽著，係 proud of establishing everything on their own，而唔係覻覦父母嘅資產，我也唔希望佢地成為寵壞嘅港孩，衣來伸手飯來張口，連燈膽都唔識換

你講得啱，香港而家已經變質，已經唔係我哋成長嗰個香港，已經變得唔再熟悉，我哋呢一輩比較好彩，算係喺香港完全中國化之前撘到最後嘅尾班車，將來退休，作為一個普通市民，我估香港仍然可以住，但恐怕唔會係適合下一代發展嘅地方。所以決定走。

私人傳訊

wrymoep

大宅

積分: 1770

171^#

發表於 18-9-19 18:14 |只看該作者

mugtaitai 發表於 18-9-19 16:12
我同意，水質空氣毫無疑問北美勝，中國嘅食安問題的確嚴重，不過公平 d 講，美加是否完全冇食安問題？我又 ...

十分同意你見解！作為父母，我都好希望下一代可以為堅持佢地理想而去努力、奮鬥，而唔係為要買層又貴又細既樓去勞碌一生，失去做人既目標！咁樣既生命毫無意義！完全扭曲人生！

美國係一個俾到好多人機會去孕育夢想既地方！希望可以繼續保持呢種優勢，唔好俾亞洲某邪惡政權入侵同摧毀！果種完全違反人類文明、道德同常理既邪惡，好似病毒咁不斷向外擴散感染唔同地區政權，非常恐怖！根本就係Hollywood 果D zombie movie 一樣！幾十年前有個姓毛既惡魔，可以令過億中國人互相廝殺。昨日明明係朋友、鄰居，今日起身就要將你打死鞭屍，然後搶走你財產。十年浩劫過後，以為災難已變歷史。但估唔到同一個邪惡政黨會E家會選擇重蹈覆轍！更估唔到既係竟然會有千千萬萬中國人、香港人會爭住去做皇帝的新衣既裁縫！親手摧毀自己下一代既希望，為既只係榮華富貴！呢個真係香港既悲哀！

希望美國會有足夠抗體去對抗！如果連美國都守唔住，就真係會世界末日！

祝大家好運！

私人傳訊

kayeeian

大宅

積分: 1552

172^#

發表於 18-9-19 22:27 |只看該作者

mugtaitai 發表於 18-9-19 13:57
我係用苗種，Trader Joe's $0.99 一盆，唔係間間有，亦唔係成日有，我一見到有就大手掃，每次都十盆八盆 ...

係呀！我住Bay area.
等我去tj睇吓先！ thank you!

私人傳訊

眼訓

子爵府

積分: 14621

環保接龍勳章大廚勳章

173^#

發表於 18-9-19 23:06 |只看該作者

本帖最後由眼訓於 18-9-19 23:26 編輯

我試過。。。

Rosemary：搵一支返來，腳d葉搣走，淨返上半條嫩嗰d，插花咁插佢幾個禮拜，需換水，等佢出根就可以放入泥。

Basil：留起幾條壯嘅，唔好搣葉，好似剪花腳咁打斜修吓，插水，有太陽夠暖，但未暴曬得住，一兩個禮拜就會出根。

蔥，香茅：留起蔥白，會喺中間繼續生。香茅會自動分岔。聽聞西芹，生菜都可以留起個頭，不過我冇地方試。

芫茜：買d有頭有根，做法如上。

（而家搞到我買親香草返來係唔係都留起幾條浸吓

）

韭菜超易種。用種子。當佢草就得。食嗰陣剪上面，佢會繼續生高。

薑：掉舊肥美嘅落泥就得。手指公咁上下大。不過唔凍得。我種來要子薑做壽司薑。

蒜頭：靚蒜頭$30磅㗎。搣開一瓣瓣，地下未雪硬前落地。

你今日backup左未？

私人傳訊

1mocha

伯爵府

積分: 19773

174^#

發表於 18-9-19 23:20 |只看該作者

kayeeian 發表於 18-9-16 01:46
我都有考慮過呢個問題
我覺得人生有好多目標,而家就好似run緊一盤生意咁,畀幾年時間，睇下值唔值得再投資 ...

響海外工作有免稅額，呢點你唔講唔知。但最大問題係利息，投資收入都計稅。
我之前做間美國公司。定期可內部8折買返自己公司股票。見到佢收的稅都計到我暈。

私人傳訊

1mocha

伯爵府

積分: 19773

175^#

發表於 18-9-19 23:34 |只看該作者

kayeeian 發表於 18-9-19 22:27
係呀！我住Bay area.
等我去tj睇吓先！ thank you!

本帖最後由 1mocha 於 18-9-20 00:04 編輯

種香草我可搭訕吓。

真係好正。每次唔用得多。所以自己種最好。 Basil,parsley，mint, 蔥， chives. 好易。
但芫茜我未成功過。
我最愛種 thai basil. 煮乜都啱用。

最簡單就咁買細盆苖。大小小換大盆唔一定要入土。有陽光晒加温暖就得。方便搬來搬去。
我試過番茄爛咗，切半入盆加泥。放室內有太陽晒到的地方。好快出苖。好易。我種植零興趣。冇經驗都種到。

但我在澳洲。氣候可能唔同。
我現在春天有乜食完或爛咗都入泥種。