求求大家幫忙,講吓辭職做FTM的好處

sunnymama2
|
琴日已經print 左resign letter,,信封都入埋,但都鼓唔起勇氣辭職。

冇勇氣辭職的原因係我收入佔家庭月入1/3, 呢1/3收入係用黎過“奢侈”的生活,如出入搭的士,買玩具,買書,出去食餐好等等。如果冇左呢1/3收入,我地要就住就住駛,冇得好似而完合埋眼駛錢。另外,好多人話做FTM,到小朋友中學時,家長就會好無聊,無寄託,係真的嗎?

想做FTM的原因,唔駛多講,大家都知係可以照顧得小朋友好d.其阿仔係升小一,我更想跟得好d。 我冇姐姐,如番工就要6299接送,放學要先到6299家,食完晚飯才回自己家。如果我做FTM, 就唔需要兩邊走 另外課外活動接送時間又可彈性些。
(續)
sunnymama2
|
(續)
仲有,做得好唔開心,係前幾日老細講d野好hurt, 詳情唔講,但呢個係主要契機令我的起心肝想递信,但一諗起冇左1/3收入,就卻步。

大家可唔可以教我如何能鼓起勇氣辭職?

求大家幫忙
mydearson
|
唔係深思熟慮,下定決心先打信嗎?打完先猶䂊遞定唔遞,唔嫁又嫁?

真心的,比多少少時間重新考慮過先啦。
bosch
|
如果要人地咁樣去游說你做ftm, 即係你仲未ready. 咁你不如返工返到有勇氣辭職先。
wcandtt
|
小朋友上到中學,真係好無聊,不過我就周圍去,約下朋友食飯、打下牌,去上下cooking class, 鑽硏下美食,晚餐和早餐一定自己煮,午餐小朋友如果在家都會煮,其實都幾忙㗎。

自己跟小朋友功課,真係會好d......我d小朋友不是天才,亦會偷懶,小學有人跟下,準備升中係會好d...........

你自己諗下..........1/3家庭收入緊要d定自己跟小朋友重要d............其實我覺得2様都重要(我知好癈
birdbird
|
本帖最後由 birdbird 於 18-8-31 08:03 編輯

你份工是否可準時放工? 如是, 繼續做! 老闆d 説話, 你人工係包嘅!

個仔返小學朝8晚3, 你在屋企其實好無聊。用呢段時間返工揾錢好过。只要你準時放工湊到個仔返屋企睇功課、訓觉先至係緊要。小朋友係要跟阿媽返屋企做功課、過夜, 而唔係跟祖父母住, 爸媽作客去陪小朋友吃飯後自己回家
TMC3012
|
如果轉揾份part-time做, 小朋友返學你就返工, 多幾千蚊洗又湊到小朋友, 咁會唔會好啲?
namnamnamlolo
|
做ftm6年
之後出返黎做野
wcandtt
|
sunnymama2 發表於 18-8-31 07:51
(續)
仲有,做得好唔開心,係前幾日老細講d野好hurt, 詳情唔講,但呢個係主要契機令我的起心肝想递信,但 ...

你這case好似我以前........,我就係比位女上司睇死我地要供樓,得老公一個揾$,唔會走,講d我好難受的説話,但我最終resign, 做FTM, 初初係好窮,但之後老公人工會加,就好好多了。

小朋友由小學開始,成績都算過得去,2個都入到心儀中學,亦好乖好痴我,再諗返,做ftm係值得的。

你自己諗清楚先,才作決定。
WpcP
|
sunnymama2 發表於 18-8-31 07:48
琴日已經print 左resign letter,,信封都入埋,但都鼓唔起勇氣辭職。

冇勇氣辭職的原因係我收入佔家庭月入1 ...

通常6299唔會教功課,你最係學校報埋功課輔導班,都要4:30~5點幾先放學,所以繼續番工好d,但希望你唔洗ot準時收工
sunnymama2
|
mydearson 發表於 18-8-31 07:54
唔係深思熟慮,下定決心先打信嗎?打完先猶䂊遞定唔遞,唔嫁又嫁?

真心的,比多少少時間重新考慮過先啦。 ...

我打辭職信係因為老細講左d好hurt人的說話,好心淡。個心已經屈住兩日,仲要屈到幾時?做人唔係及時行樂嗎? 而家係用健康換金錢
MariaTsui
|
sunnymama2 發表於 18-8-31 07:51
(續)
仲有,做得好唔開心,係前幾日老細講d野好hurt, 詳情唔講,但呢個係主要契機令我的起心肝想递信,但 ...

當年都因為不開心就辭職做ftm,household income都少1/3,但老公支持我做ftm,就辭職唔做,回顧這10幾年,開頭是辛苦一點,要慳,不可以shopping,但看見仔女成長,是值得的,如果我不是ftm,相信妹妹已經是讀B3中學,現在對仔女已是中學生,雖然不用理功課,但他們知道我在家,他們會放學回家,遲返又會通知我,不讓我擔心,可能由細到大都是我湊,大家都有默契,現變成朋友式相處,沒有青春期的問題。
SaBB
|
sunnymama2 發表於 18-8-31 07:48
琴日已經print 左resign letter,,信封都入埋,但都鼓唔起勇氣辭職。

冇勇氣辭職的原因係我收入佔家庭月入1 ...

本帖最後由 SaBB 於 18-8-31 08:14 編輯

首先、分工是否無OT , 可以凖時收工?有無可能請工人或搬去6299個屋苑住?(日日去6299家咁assume 你地關係也不錯)另外、是否做有專業資格既工、咁過幾年等仔上中學個時先做返wkm容不容易?最後、老公是否支持、佢份工是否好隱定、如果touchwood 失業有無足夠現金去維持現有既支出一年?

Jane1983
|
你老公支唔支持? 你鍾唔鍾意ftm的生活? 多d閑錢使食好d對你來講重唔重要?

你想吓係想轉工定係做ftm。我贊成人做ftm,親子感情係深厚好多,但必須係你自己真心鍾意,而唔係避開衰老細。
Herobear
|
只要唔晏返到屋企
自己跟到功課
係可以繼續做野
前提係要分工唔駛帶野返屋企做,唔駛on call
我放工要跟返佢d野同自己屋企家務
曰日累死
不過一樣咁過
sunnymama2
|
bosch 發表於 18-8-31 07:55
如果要人地咁樣去游說你做ftm, 即係你仲未ready. 咁你不如返工返到有勇氣辭職先。
...

“返工返到有勇氣辭職”。。。講真,老細咁衰,我有少少報復心態。

雖然話公司冇任何人都得,但如果我2個月後走,公司勁忙的時候,個心會覺得抵佢死囉。

我係衰,但係佢不仁先,鬼佢咁唔公平!
chichiho
|
一定繼續做
1)有收入使自己$輕鬆好多
2)個仔上中一根本唔使再點跟,佢都唔比你跟
3)冇工返生活好悶
4)比老闆鬧咪諗下自己有咩錯,冇就當份糧包受氣
sunnymama2
|
wcandtt 發表於 18-8-31 07:56
小朋友上到中學,真係好無聊,不過我就周圍去,約下朋友食飯、打下牌,去上下cooking class, 鑽硏 ...

係呀,其實我都覺得即使小朋友上到中學,我都有好多野想做,例如多些陪吓阿媽,煲吓劇,煮飯家務,做吓運動,都唔會好無聊啫。

另外,我小朋友小一,我target 係9點上床,如果我番工,迉左番屋企,未必可以9點上床,而且做FTM, 我可以培養佢閱讀習慣,對佢學业一定有幫助。

好似琴日同佢練琴,發覺佢對樂理有誤解,好彩前幾堂我有喺側邊聽書,可以教番佢。開學後,時間唔同左,我冇得幫佢聽書,一定會影響佢學習進度。
baby_yuyu
|
sunnymama2 發表於 18-8-31 07:48
琴日已經print 左resign letter,,信封都入埋,但都鼓唔起勇氣辭職。

冇勇氣辭職的原因係我收入佔家庭月入1 ...

我請選擇返工,請工人,覺得會同老公多啲話題同私人時間。如果ftm會有點困住自己,無錢無時間。小朋友讀小學已冇咁需要你長時間在家了。不過要一直train佢自理,做家務,大少少就除時姐姐都唔用了。
apelok
|
如果唔係老細講d 衰野hurt 你,你都唔會辭職, 有時就係咁, 好睇果期心情,過後又冇野, 條路點行,自己最清楚
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽