餵人奶要戒口嗎?

matthewing
|
餵人奶要戒口嗎?
我前幾日食完海鮮之後,阿仔塊面生粒粒,似奶癬咁
我要做媽媽
|
我覺得餵人奶比孕期仲需要戒口吖,你要注意下喇,如果係濕疹既話先幫佢搽D cream喇
EstrellaDamm
|
本帖最後由 EstrellaDamm 於 18-9-1 22:30 編輯
matthewing 發表於 18-9-1 20:51
餵人奶要戒口嗎?
我前幾日食完海鮮之後,阿仔塊面生粒粒,似奶癬咁

你BB幾大?如果初生,可能係新生兒痤瘡?

我自己餵兩個都冇跟中式戒口,只係限制咖啡一日一杯。不過我兩個小朋友都唔似係敏感體質。如果話母乳期比懷孕期更需要戒口,呢種講法並不合乎西醫邏輯。
以下節錄自衛生署網頁:

哺乳期間要不要戒口?可不可以進補?餵哺母乳的媽媽,均衡飲食最為重要,除非媽媽或寶寶對某些食物過敏,一般來說,無須刻意戒口。若懷疑寶寶對你進食的食物有過敏反應,應諮詢醫生意見。有些寶寶會因媽媽多吃了濃烈味道和容易產生體味的食物,如洋蔥、咖喱、辛辣類等,會產生不適而啼哭。如有這情況,媽媽可少吃這類食物。哺乳的媽媽需限制飲用含咖啡因的飲料,如咖啡、濃茶或某些汽水等。或考慮飲用不含咖啡因的咖啡或奶茶,以減少寶寶因中樞神經系統受咖啡因刺激,而難於入睡。酒精有損健康且有礙判斷,哺乳期間喝酒亦可能減少乳汁製造和影響寶寶發育,所以建議媽媽不要飲用含酒精的飲品。若因特別情況有需要喝酒,應只飲用少量及避免在飲用後兩小時內餵哺母乳。進補的若是食材,一般不影響餵哺母乳。但若是中藥,建議先請教中醫。*詳情可瀏覽衞生署家庭健康服務網頁www.fhs.gov.hk


Connie_cat
|
我想知咁係咪可以食魚生呢?
laisausau
|
matthewing 發表於 18-9-1 20:51
餵人奶要戒口嗎?
我前幾日食完海鮮之後,阿仔塊面生粒粒,似奶癬咁

當年我有戒,好乖戒得8899,都係一般人知道&上網 search下所謂對BB唔好同會回奶嘅食物,餵左大半年後就放鬆dd,間中餵完奶後飲幾啖咖啡/奶茶,過下癮.
Btw,BB生奶癬唔一定關d奶事
bchuma
|
matthewing 發表於 18-9-1 20:51
餵人奶要戒口嗎?
我前幾日食完海鮮之後,阿仔塊面生粒粒,似奶癬咁

要戒口,我都戒緊,好容易瘦!乜都唔可以食,好辛苦
mimi23
|
唔需要介口,我女女現在已經18個月
EstrellaDamm
|
本帖最後由 EstrellaDamm 於 18-9-1 23:36 編輯
bchuma 發表於 18-9-1 23:08
要戒口,我都戒緊,好容易瘦!乜都唔可以食,好辛苦

乜都唔可以食?邊個講嘅呢?完全唔正確,請唔好嚇親有意餵哺母乳的準媽媽。如果有疑問,最好請教健康院或醫院母乳姑娘,或支持母乳餵哺的醫生。

我餵緊第二個B,兩個全人奶,絕無試過餵奶期間乜都唔可以食囉。
EstrellaDamm
|
Connie_cat 發表於 18-9-1 22:44
我想知咁係咪可以食魚生呢?

餵母乳唔同懷孕。孕婦一定要避免未煮熟肉類及蛋,因為要避免感染惡菌。呢啲菌並無可能直接由消化系統去到人奶嗰度,所以餵母乳係可以食。

不過,魚生未經煮熟,坊間食肆處理手法亦良莠不齊,確係有較高致病風險。若母乳媽媽萬一因飲食致病,其實仍然可以餵哺母乳,只不過如有痾嘔,要格外注意衛生,經常澈底洗手。求醫時向醫生表明餵母乳,請醫生處方合適藥物。亦要多補充水分,以防脫水影響奶量。生病一定辛苦,要照顧BB者則更加。所以,你可以自己衡量是否食魚生,如果食就最好幫襯有信譽食肆。
matthewing
|
我要做媽媽 發表於 18-9-1 22:12
我覺得餵人奶比孕期仲需要戒口吖,你要注意下喇,如果係濕疹既話先幫佢搽D cream喇
...

我而家用土盞花水幫佢抹面,同搽cream
matthewing
|
EstrellaDamm 發表於 18-9-1 22:27
你BB幾大?如果初生,可能係新生兒痤瘡?

我自己餵兩個都冇跟中式戒口,只係限制咖啡一日一杯。不過我兩 ...

係初生丫,3個月左右
kissapplegirl
|
我喂緊人奶 現在第7個月 完全無介口 係9菜呢類要避開怕收奶 花膠唔敢食太多塞奶就有苦自己知 牛荀燒鴨雪糕珍珠奶茶譚仔麻辣火鍋無停 我無辣不歡
JacChong
|
我bb一滿月就開始有濕疹,後來屋企d牛奶存貨飲曬,無飲幾日bb濕疹就好返六七成,咁先戒牛奶,如果唔係bb特別對某食物有反應,除收奶食物外都唔使特別戒d咩嘅
haha748494
|
你可以先帶BB睇醫生,睇下系咩嘢引起。人奶媽媽系要戒口,但海鮮我都有食啵。
bchuma
|
EstrellaDamm 發表於 18-9-1 23:35
乜都唔可以食?邊個講嘅呢?完全唔正確,請唔好嚇親有意餵哺母乳的準媽媽。如果有疑問,最好請教健康院或 ...

你可能理解錯誤我嘅乜都唔可以食嘅意思喔。樓主話bb好似生濕疹喔。我bb都係生濕疹,所以我地需要戒口,雞蛋,海鮮要戒口,牛肉,都唔可以食。對於我來講好似乜都唔可以食咁慘。我唔係指正常哺乳乜都唔可以食喔。而且都係醫院醫生指導我如何濕疹孩子母乳餵養嘅。我都係第二個bb母乳餵養,同樣係濕疹b,同你地點正常b有點區別咯。
EstrellaDamm
|
本帖最後由 EstrellaDamm 於 18-9-2 22:25 編輯
bchuma 發表於 18-9-2 17:08
你可能理解錯誤我嘅乜都唔可以食嘅意思喔。樓主話bb好似生濕疹喔。我bb都係生濕疹,所以我地需要戒口,雞 ...

明白,不過如果我冇睇錯的話,樓主並非問餵哺濕疹BB嘅母乳媽媽應否戒口,而只係話佢BB生類似奶癬嘅粒粒?佢問題係「餵人奶要戒口嗎?」單靠呢點,並唔能夠判斷佢BB是否有濕疹。如果經醫生確診,而醫生又建議媽媽避免進食某類食物,咁當然冇辦法。所以我上面提到都係先請教醫生,無理由未確定問題所在就自行胡亂戒口。
hamsterma
|
matthewing 發表於 18-9-1 20:51
餵人奶要戒口嗎?
我前幾日食完海鮮之後,阿仔塊面生粒粒,似奶癬咁

餵人奶超多嘢唔食的
邱優
|
EstrellaDamm 發表於 18-9-1 23:35
乜都唔可以食?邊個講嘅呢?完全唔正確,請唔好嚇親有意餵哺母乳的準媽媽。如果有疑問,最好請教健康院或 ...

無錯呀!聽過如果戒得清,呀b第日加固會易敏感。
efren
|
即是介又煩唔介又煩,順其自然吧或問下醫生意見
EstrellaDamm
|
hamsterma 發表於 18-9-4 15:57
餵人奶超多嘢唔食的

除非媽媽本身或BB係敏感體質而醫生建議避免食某類食物,否則一般人餵母乳並唔係特別需要戒口。「超多嘢唔食得」嘅講法喺大部分媽媽身上嚟講並唔正確。呢啲錯誤講法令唔少準媽媽對餵哺母乳卻步,又或令母乳媽媽難以堅持長期餵哺,亦令母乳媽媽家人朋友對母乳媽媽施加不必要的壓力,實在極為可惜。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽