工入對僱主家人點好/僱主對工人點好!

激烈的海狗
|
工人;回鄉帶手信比我地人人有份,知呀仔鍾意食嘅野自己唔食比埋佢,陪佢玩得好投入

僱主;我食嘜佢食嘜齊齊食,星期日齊齊分擔家務,要家人視佢為媽媽左右手。

Monstereasy
|
激烈的海狗 發表於 18-9-2 15:45
工人;回鄉帶手信比我地人人有份,知呀仔鍾意食嘅野自己唔食比埋佢,陪佢玩得好投入

僱主;我食嘜佢食嘜齊 ...

我姐姐都買左貓屎咖啡同大量蝦片比我,佢同我哋好好大家有講有笑互相尊重。
不過我都知有啲僱主好好人,但遇上衰姐姐。只能講遇上好姐姐,呢啲係運氣。
lovely-panda
|
Monstereasy 發表於 18-9-2 16:54
我姐姐都買左貓屎咖啡同大量蝦片比我,佢同我哋好好大家有講有笑互相尊重。
不過我都知有啲僱主好好人,但 ...

Agree
QUEEN314
|
我家姐姐已退休回郷,以前佢生曰我會送禮物或利是。聖誕一定有禮物. 中秋比月餅叫佢同朋友分享. 在我家16 年一直相處愉快
seaman1982
|
我娘家既工人應該做得很開心吧,我估。我父母唔駛人服侍,仲成日去玩,但家有一老人家,即我阿嫲,佢地怕一個老人家在家跌倒果D,所以請個工人睇住,我嫲會行會走會食飯,日日响家睇電視。我父母要求亦好清晰,就係”睇“住個老家就得。所以工人基本上,係無野好做
我阿嫲仲中意抹野執野,所以佢家務都冇咩好做,比阿嫲做晒。開頭佢都搵野做下,後來發現我地係真係冇野佢做,佢都直接响度玩電話算 煮飯嘛,大部份時間得佢同阿嫲食,佢煮咩阿嫲食咩,所以都係放低錢佢隨便買,阿嫲冇要求,佢當然係買自己中意既野㗎啦。放假日亦任佢安排。
birdbird
|
激烈的海狗 發表於 18-9-2 15:45
工人;回鄉帶手信比我地人人有份,知呀仔鍾意食嘅野自己唔食比埋佢,陪佢玩得好投入

僱主;我食嘜佢食嘜齊 ...

第一任工人, 每次佢返完家鄉回來都帶手信比我地。有ㄧ次佢特登在家鄉整咗隻羊, 然後真空包裝拎返來香港整比我地食。

我對呢個工人好信任, 每天吃咩由佢發板。佢做咗8年話唔再續約要回鄉結婚, 我照比長期服務金佢。
激烈的海狗
|
seaman1982 發表於 18-9-2 17:17
我娘家既工人應該做得很開心吧,我估。我父母唔駛人服侍,仲成日去玩,但家有一老人家,即我阿嫲,佢地怕一 ...

典型打工皇帝
Poyau
|
seaman1982 發表於 18-9-2 17:17
我娘家既工人應該做得很開心吧,我估。我父母唔駛人服侍,仲成日去玩,但家有一老人家,即我阿嫲,佢地怕一 ...

超筍工
小驚
|
我而家住緊嘅屋企同男家都各有兩個工人,個個都做咗超過10年同近10年喇
咁係咪代表我地都對佢地不薄...
喺4個入面做得最耐嘅工人好錫我同老公,成日怕我地食唔夠飽,唔夠暖
而喺農曆新年同佢地放假返鄉下,我地都接近出雙糧嘅
而我地新居嗰兩位工人就更簡單
只要做好晒家務,佢地下午 2 至 5 都可以自己返房瞓午覺
晚上我地就會一齊睇電視
而得閒同啲工人傾下計,關心下佢地屋企,佢地又會好開心

成日見到啲人話工人點衰點衰,我自己覺得你點對佢地,佢地點對返你。(一般情況下啦)
我好慶幸,我屋企嗰 4 個工人都好好
祖明
|
請工人講緣份,我第一次請工人,個工人樣都冇見過就嚟咗我屋企
事源第一上agent 公司,乜都唔識唔知,好求其地揀咗個順眼嘅工人,俾曬$之後,隔咗一排agent話通知我,話個工人驚狗唔肯做,其實我嗰隻係西施細種狗,咁算嘞!我又懶得上多次agent度,於是叫agent求其搵個佢應為得嘅就申請啦!
結果出乎意料之外,個工人喺我度做咗12年,之後要湊孫所以唔做
喺我屋企工作其間,我從來冇鬧過一句,去迪迪尼、海洋公園、360坐水晶吊車、食buffet ,去邊都帶埋佢去
我妺嫁咗去印尼,我一家4口去10日探佢,知道工人家鄕都係泗水,所以帶埋姐姐去,俾佢返屋企陪家人
工人亦教我仔對人要有禮貎,兄弟唔可以打交爭玩具,2個小朋友病,佢都會成晚睇住,準時餵藥,有乜情況差咗就即刻通知我
我哋當佢屋企人咁,佢要食要用要乜,我去超市入貨就叫佢順便執埋,一齊埋單
姐姐每次放假回家返嚟,都帶一大堆嘢俾我哋一家,食嘅、用嘅、擺設乜都有
我覺得自己好幸運,眼都冇望過,就請到個好姐姐,最最最最重要係⋯⋯佢手腳乾淨,我哋D首飾、$亂擺佢都冇攞,咁多年未問過我哋借$,更冇向財務借
記得有次帶佢去食日本鉄板燒,嗰餐3大2小都食咗4、5千,點知姐姐返到屋企嘔曬,佢話D和牛食到佢好漏頂住個胃喎

激烈的海狗
|
祖明 發表於 18-9-3 03:05
請工人講緣份,我第一次請工人,個工人樣都冇見過就嚟咗我屋企
事源第一上agent 公司,乜都唔識唔知,好求 ...

呢啲真係緣份嚟架
小溱
|
我家姐姐做了十年 已回鄉兩年了 已安排明年暑假請佢返來香港玩
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽