40+的媽媽,你們會在政府定私家生?因高齡怕私家唔接

shcahn
|
因為超高齡,怕私家醫生唔肯接我,有經驗可以分享嗎?謝謝
pear000
|
回覆 shcahn 的帖子

我來月尾緊都會在私家生, 我都40+, 有錢賺應該唔會唔肯接嘅
sandyiphk
|
我都40+,現在8週,私家產檢醫生叫我唔使咁早咁開唔開刀呢個問題,因為我係第二胎,不過呢胎係意外,大女都10歲了…佢仲話佢一定會鼓勵我順產…就算去私家醫院或找她接,都可選擇順產。不過我地都超高齡,所有產檢都一定要跟足。唔好漏同偷雞!
我要做媽媽
|
應該系一間間醫院既,你可以去問問架
shcahn
|
回覆 sandyiphk 的帖子

你好叻,我唔敢諗順產,我都有私家政府兩邊做產檢,而家仲有多關要過,因為第一胎又無經驗,所以擔心好多嘢
ST916
|
shcahn 發表於 18-9-3 10:42
回覆 sandyiphk 的帖子

你好叻,我唔敢諗順產,我都有私家政府兩邊做產檢,而家仲有多關要過,因為第一胎 ...

高0係唔係都會開刀?
怕自己唔夠力生。
sandyiphk
|
回覆 shcahn 的帖子

唔使驚…我地一齊走下去…如果體力同能可以,我都想順產,始終復完得快D.....而且我地高齡,之後要面對的檢查同要做的野可能會愈來愈多,我偏向在政府生…始終驚
有咩「萬一」,政府設備完善d…又唔使下下計錢。
如果妳唔介意,我地都可以聯絡下,互相交流,互相扶持!
加油!
sandyiphk
|
回覆 ST916 的帖子

唔一定咖,妳有幾高幾重,重點要睇妳盤骨有幾大,我個產檢醫生話我夠高(164cm,),因為第一胎是順產,但已隔十年了。但醫生都話只要一齊順利,冇事冇幹,叫我盡量順產,除非產檢期間
發現左D咩問題先揀開刀。
sulingwong
|
私家生比較有保障
shcahn
|
回覆 sandyiphk 的帖子

謝謝你呀,我個私家醫生成日叫我唔好諗咁多,一關一關咁過,我而家11周幾,食得好清淡,希望保持身體狀況好啲,血糖血壓可以控制得到,咁生得時都可以有多一個選擇,一齊加油💪🏻
vivichow1118
|
私家好點
Carmen8080
|
我41歲下個月生都唔覺有咩高齡問題 只要平時有保養身體夠fit就ok
aidan08
|
sandyiphk 發表於 18-9-3 09:53
我都40+,現在8週,私家產檢醫生叫我唔使咁早咁開唔開刀呢個問題,因為我係第二胎,不過呢胎係意外,大女都1 ...

我同你一樣,我42歲,大仔已十歲。不過我大仔都係揀開刀,所以今胎都係開刀的。我兩星期前生了,現在坐月中。
我完全無諗過順產,驚痛。開刀真係成個過程無點痛過。我用返十年前同一個醫生,產檢無多到,後期仲疏過十年前,係醫生話個胎穩定無咩問題,唔洗見咁密。BB出世後個兒科又話我第二胎,有曬經驗,唔需要再約出院後再為BB check up。開頭我都諗高齡會麻煩D,所有check up會謹慎D,但又唔係,可能睇返佗得穩唔穩同BB嘅情況,高齡容易出現的糖尿可能我又幸運地無中到,所以都無咩特別狀況,醫生當一般孕婦咁睇。

haha748494
|
我諗唔一定啩,要結合個人具體情況,高O唔一定都系高危。
RubyYu07
|
唔會架…好多高齡都選擇去私家開刀,照收架~不過真係要做足產檢就真
sandyiphk
|
aidan08 發表於 18-9-4 11:30
我同你一樣,我42歲,大仔已十歲。不過我大仔都係揀開刀,所以今胎都係開刀的。我兩星期前生了,現在坐月 ...


恭喜晒妳呀!剛剛知道有左時,妳會否也與我一樣?驚嚇多過驚喜,5w前仍覺得得唔真實,又擔心好多野,因為大的已甩身,從頭來過的壓力令我有些恐懼…加上年紀大了,擔心自然多了。到上星期,8w第一次照U/S,聽到佢心跳,真實感才回來,而且呢胎,食唔到野,反胃作悶樣樣齊…我就愈來愈輕,阿B反而長得好健康,這樣才能定下個心,我成日同自己講,高齡唔係高危…唔好太大壓力,只要一關一關咁過,應該唔大問題。現在9W,兩星期後到Oscar呢關…希望都順利啦!
大家一齊加油!
shcahn
|
回覆 sandyiphk 的帖子

加油💪🏻,大家都順順利利
sandyiphk
|
回覆 shcahn 的帖子

加油!妳現在情況如何呀?
aidan08
|
sandyiphk 發表於 18-9-6 15:53
恭喜晒妳呀!剛剛知道有左時,妳會否也與我一樣?驚嚇多過驚喜,5w前仍覺得得唔真實,又擔心好多野,因為 ...

我係去旅行時突然無曬胃口,食嘢D味變晒,以為會來m但得幾滴(後來諗返起應該係少少流啡),又攰到郁唔到,先懷疑係有咗。返來即刻驗,已經有了超過4星期。我又未致於驚嚇,因為咁多年都無避,都有預料過會有BB,但又因為咁多年都無,所以突然在大仔咁大個時有咗,都有少少驚喜。

我又同你唔同,我比第一胎無咁多嘢諗,無咁擔心同緊張。但我又係懷孕反應好大,第六周開始嘔同食唔到嘢,係一日嘔十次八次嗰種,十周前瘦咗13磅,入醫院吊鹽水。

我算幸運,成個懷孕過程都算順利,T21、結構同糖尿都過關,BB又好乖咁等到我預約開刀日先出世,一切都算穩妥。

高齡唔等於高危,懷孕無論高齡與否都係好多關要過,為母則強,大家加油!

sandyiphk
|
aidan08 發表於 18-9-7 12:57
我係去旅行時突然無曬胃口,食嘢D味變晒,以為會來m但得幾滴(後來諗返起應該係少少流啡),又攰到郁唔到, ...

我又冇嘔過,但就全完無胃口,食咩都反胃,我以前鍾意食的現在見到都唔想食,見到牛扒(我以前係牛魔王),現在唔使食,聞到都反胃,雖然我現在未到10w,但現在比之前都瘦左6磅…
只係飲到鮮奶,仲要指定牌子😅😅…

開始時係唔真實,現在就只希望一齊順利…BB都要好似妳個BB咁乖乖地…
咁你大仔開心嗎?呢胎是仔仔定女女呀?
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽