夫婦情感

跳至

首頁

尾頁
   14


大宅

積分: 1532


發表於 18-9-25 03:34 |顯示全部帖子
kikokikolee 發表於 18-9-23 17:00
我就係一個當年爸爸媽媽話爲左唔影響我成長而唔離婚既產物。
咁多年黎我完全唔覺得幸福,我只係見到個爸爸 ...

咁你父母以前咁樣,對你一路成長有咩影響? 性格?


大宅

積分: 3108


發表於 18-9-25 10:37 |顯示全部帖子
kikokikolee 發表於 18-9-25 02:38
或者你誤會左我既意思。我只係講出返我既感受。同時只係善意提醒其實你同你另一半係細路仔面前點相處至係 ...

明白,其實父母為子女的犧牲與付出是平常不過的事,即使不體現在婚姻關係上,也會在其他方面體現出來,包括出外旅遊的自由、回家時間的自由、居住地的自由、消費的自由等,每一樣限制單獨來看都可以是父母的一種「唔開心」,只不過為了成就子女這個更重大的「開心」,父母認為「都值得」而已,而我不會將「為了子女而勉強維持婚姻關係」這種付出放得特別大~

我自己的老父母從我小時候就經常對我説:如果不是為了你,我就不用 bah bah bah 咁辛苦... 我不以為然,但內心卻是非常感激他們,也因為他們這份愛,今天我願意將之延續到自己的兒女身上。


複式洋房

積分: 219


發表於 18-9-26 17:28 |顯示全部帖子
Ccccccc 發表於 18-9-25 03:34
咁你父母以前咁樣,對你一路成長有咩影響? 性格?

我既性格相對好容易會將所有野都覺得係自己既錯。而父母係我心目中只係有心緣關係果種感覺,無親人既感覺。所以好早已經自己搬出去住同有咩唔開心/對自己未來既打算都唔會同父母講。


大宅

積分: 1532


發表於 18-9-27 11:34 |顯示全部帖子
kikokikolee 發表於 18-9-26 17:28
我既性格相對好容易會將所有野都覺得係自己既錯。而父母係我心目中只係有心緣關係果種感覺,無親人既感覺 ...

你細個佢地成日鬧交打交。。。咁佢地分別對你好嗎?會好愛錫你嗎?

因為我曾經睇過其他post都講過同樣,話寧願佢地離婚,而且話在有愛的單親家庭下生活,比在吵吵鬧鬧既完整家庭更幸福。


複式洋房

積分: 219


發表於 18-9-27 17:39 |顯示全部帖子
Ccccccc 發表於 18-9-27 11:34
你細個佢地成日鬧交打交。。。咁佢地分別對你好嗎?會好愛錫你嗎?

因為我曾經睇過其他post都講過同樣, ...

因為爸爸工作關係,細個對佢既印象只係佢會每個星期日都帶我去買一件玩具。唔會點陪我。
對媽媽既印象就係佢負責煮野我食,同迫我去補習社,同埋爸爸一返屋企就撩交嗌。
所以我由小學6年班度已經好奇怪地成日叫佢地離婚,因為成日見佢地嘈交打交真係好煩。不過永遠個結論都係話要俾個完整既家我所以唔離婚。上一代既出發點係好,但佢地唔知咁樣會令我覺得家不成家,同唔明點解d書要寫甜蜜的家庭。所以對我黎講可能當日如果我變成一個單親成長既細路會好d..咁當然啦,事實無如果。至少我無學壞,我只係咩都唔中意同屋企人講同唔中意返我父母屋企je(emoji)(emoji)‍♀️(emoji)(emoji)‍♀️


大宅

積分: 1532


發表於 18-9-29 04:15 |顯示全部帖子
kikokikolee 發表於 18-9-27 17:39
因為爸爸工作關係,細個對佢既印象只係佢會每個星期日都帶我去買一件玩具。唔會點陪我。
對媽媽既印象就係 ...

你自己親身感受過,第日一定做個好媽媽

我做左人媽媽後,有時都唔明白我媽媽喺我細時點解會做一啲野,我認為係對我性格同成長路係有影響既。。。有一日我睇書時見到呢幾句,覺得講得都幾岩,影左落黎提醒自己。。有時諗返起細個啲野我腦海裡面零碎記憶都係佢地鬧交呀外遇呀我成日自己獨留係屋企發生既烏龍野同好寂寞既時間,雖然我腦海入面留低落黎最深刻既都係唔多開心既回憶。。但我比你幸運既係,雖然佢地婚姻都kk地型,但我知佢地係錫我既,舊相入面見到我幾歲人仔時媽媽買左生日蛋糕錫住我面朱既合照,騎爸爸膊馬去街。。。。
20180730_153702.JPEG


大宅

積分: 1532


發表於 18-9-29 04:26 |顯示全部帖子
kikokikolee 發表於 18-9-27 17:39
因為爸爸工作關係,細個對佢既印象只係佢會每個星期日都帶我去買一件玩具。唔會點陪我。
對媽媽既印象就係 ...

後來我諗明白只因為佢地學識有限同受著上一代育兒方法既影響,佢地都在學習緊點去做人父母,沒有做得好好但我信佢地都付出不少。。。

我身邊有朋友既另一半真係突然走左去,我老公媽咪都係佢細時走左去,我覺得影響到我老公性格缺陷。。。。。咁我都慶幸當時父母選擇左繼續湊我無走左去。。。我而家同佢地關係都好好的。


大宅

積分: 1532


發表於 18-9-29 04:32 |顯示全部帖子
dotdot.blue 發表於 18-9-22 08:16
好視乎爸爸媽媽夠唔夠成熟處理件事
分開都不是仇人
好似我甘

咁你仔仔會唔會成日想你地復合架?


大宅

積分: 1454


發表於 18-9-30 01:54 |顯示全部帖子
單親對小朋友多少都會有影響,但父母處理得好就好好多,俾小朋友知道父母仍愛他,大方處理,都吾好起佢地面前講對方不是,會影響親子關係

我自己就係例子,我認為我父母當年處理得好差,我自己長大後吾識同異性相處,好怕受愛情傷害重蹈覆轍,對感情好敏感,吾夠自信。我媽當年要我起學校隱瞞,可能佢都出於好意吾想我俾人蝦,但另一方面我會覺得好自卑,一直都要承受住扮家庭完整乖學生的壓力


男爵府

積分: 5548


發表於 18-10-7 23:28 |顯示全部帖子
codeblue 發表於 18-9-7 15:47
已沒有愛情的婚姻, 卻又未到忍無可忍的地部, 有如合作夥伴, 沒有夫妻之實, 大家只因不希望影響小朋友的幸福 ...

我都覺得自己面對緊類似嘅情況。大家關係單純似同一屋簷下的roommate ,佢同工人/同事(包括男女)溝通一定比對我禮貌和多。每次開聲討論都起哂槓要搵交嗌咁。結咗婚就快9年,關係變差完全是因為呢兩、三年要照顧小朋友而引起的問題。我是女的,子女年幼,要是跟我經濟能力也應該尚可應付,亦不會再結婚...。這一刻雖未到忍無可忍的地部,但卻感覺到咩叫無愛情的婚姻。我是孩子的母親,他是孩子的父親,但我倆在家中就好像是沒有關係的人。就算唔提離婚兩個字,我腦(emoji)時時都浮現適當時要帶著孩子搬走。我也不知怎様才可走出這個局。


侯爵府

積分: 21126


發表於 18-10-7 23:41 |顯示全部帖子
codeblue 發表於 18-9-7 23:49
我就暫不想去談論感情能不能修補,先假設兩個人都能接受不分開生活,但往後的日子關係不會變好也不會變差 ...

我覺得我都係類似既situation


大宅

積分: 3108


發表於 18-10-8 12:00 |顯示全部帖子
kunn 發表於 18-9-30 01:54
單親對小朋友多少都會有影響,但父母處理得好就好好多,俾小朋友知道父母仍愛他,大方處理,都吾好起佢地面 ...

對, 父母能不能成熟處理的確影響很大, 尢其千祈唔好經常說另一半的壊話, 即使你內心如何怨恨對方, 也不必讓孩子去承繼, 因為那只會扭曲孩子的價值觀, 增加孩子的不幸感與自卑感。孩子媽媽不在的時候, 我也經常告訴孩子們爸爸媽媽也是很愛他們的, 不過大人也會有忙碌的時候, 忙完就會回來了...


禁止訪問

積分: 790


發表於 18-10-8 16:20 |顯示全部帖子
提示: 作者被禁止或刪除 內容自動屏蔽


大宅

積分: 3108


發表於 18-10-15 11:51 |顯示全部帖子
csc1016 發表於 18-10-7 23:28
我都覺得自己面對緊類似嘅情況。大家關係單純似同一屋簷下的roommate ,佢同工人/同事(包括男女)溝通一定比對我禮貌和多。每次開聲討論都起哂槓要搵交嗌咁 ...

有時想起來都好無奈, 明明全世界就得我一個人錫佢同照顧佢, 但偏偏相處時對我的態度也是最惡劣且最不耐煩, 同你一樣每次想好好討論無幾句就哂槓要搵交嗌咁, 從最親密的人一下子變成最厭惡的人反差太大, 實在不好受。為何對朋友同事的態度更好呢? 這個問題我也想了很久, 也許正正因為大家是夫妻, 也是孩的爸媽, 大家對彼此的期望就高了很多, 一切涉及照顧孩子意見不合或失誤就變得罪無可怒, 反之對朋友同事可沒甚麼期望, 關係自然更和諧。


究竟如何才可走出這個局? 也需要知道自己想要些甚麼, 對我來說似乎要重回昔日的感情幾乎是不太可能, 除非有重大事情發生, 否則最多就是不變好不變差, 離婚雖然是一個選擇, 但離了又如何? 真的會更快樂嗎? 我不知道....


複式洋房

積分: 128


發表於 18-10-16 00:14 |顯示全部帖子
codeblue 發表於 18-10-15 11:51
有時想起來都好無奈, 明明全世界就得我一個人錫佢同照顧佢, 但偏偏相處時對我的態度也是最惡劣且最不耐煩, ...

睇嗮全部你的講述之後,個人認為離婚與否其實你已經一早有定論,只係唔太知道自己是否啱。答案始終要你自己去搵,因為兩個人點解會行到今時今日也未必只係因為佢賭博咁簡單,
首先講爛賭,我都有朋友曾經係爛賭的女人,當年傾家蕩產去賭,無論親朋好友講咩都無用,周身債,佢肯醒係因為輸到冇的輸借到冇的借,身無分文,冇人再幫佢,包括我這個佢最好朋友……,直到今日佢自己唔再摸麻將。有句俗語:你永遠叫唔醒一個扮瞓個人。當然佢狀況你自己比較清楚,是否去到病態咁嚴重,你要自己衡量,或者帶佢去比醫生判斷。


複式洋房

積分: 128


發表於 18-10-16 00:15 |顯示全部帖子
講感情,雖然你講到完全無嗮感情,但我睇得出你係一個有情有義的好男人,起碼今時今日你都不離不棄,仲要講全世界得你對佢最好,如果你真的唔忍心或者仲有一絲親情,宜家對佢狠d,或者先可以解決問題。如果佢肯戒賭即使已經離婚一樣可以一齊生活,一樣可以共同照顧小朋友,所以換句說話來講,離婚與否同是否同住照顧小朋友我覺得冇衝突。佢咁煩躁又爛賭對小朋友影響係非常負面。


複式洋房

積分: 128


發表於 18-10-16 00:16 |顯示全部帖子
再講離婚對小朋友是否有影響,答案一定係有,但萬事都有兩面,你可以用正面思維去教育小朋友,教育小朋友靠的其實係身教,你想小朋友成為點樣的人就自己努力去做到,相信你可以做得到。你講到對囡囡成長的擔心,你的確冇經歷過唔知點教,其實宜家好多書好多人Facebook都有分享,未必係爸爸就唔教得,只要你有心學有心多請教女性朋友,其實好多媽媽都可以分享比你。


複式洋房

積分: 128


發表於 18-10-16 00:16 |顯示全部帖子
我先生都係單親家庭長大,佢都唔太識得教個仔,我一樣可以同仔仔分享我女仔的經歷比佢參考,或者引導爸爸分享一d青春期經歷,傾多d同仔女關係都好d,對於青春期小朋友來講,其實女仔容易教d,女仔通常比較感性,所以有愛心就可以教到。反而仔仔難d因為理性感性佢都未必接受到,需要的係耐性。
以上純粹個人意見供你參考。
加油呀!


大宅

積分: 3108


發表於 18-10-16 20:08 |顯示全部帖子
LilianS 發表於 18-10-16 00:14
睇嗮全部你的講述之後,個人認為離婚與否其實你已經一早有定論,只係唔太知道自己是否啱。答案始終要你自 ...

我定下了一些會令我啟動離婚程序的底線, 目的不是要放棄佢, 而係要保護家人, 慶幸暫時還算穩定, 但要佢徹底戒賭似乎不太可能, 主要因為佢生活根本無寄託, 一個女人如果冇興趣留家照顧子女, 又不好學又怕辛苦, 沉迷賭就好似沉迷打機一樣, 歸根究底是想從現實世界之中抽離~~


講感情,雖然你講到完全無嗮感情,但我睇得出你係一個有情有義的好男人,起碼今時今日你都不離不棄 ...


我同佢今時今日的確冇晒夫妻之間的愛情, 但可能我家庭觀念較重, 只要佢一天係我小朋友的母親, 不論是離婚或不離婚, 她都是我的家人, 除非是她自己放棄, 否則都會繼續得到作為家人應有的待遇。一段關係會發展到如施田地, 當中一定有我做得不足的地方, 宜家我只想盡自己能力維持這個家, 不論結果如何至少我也可以心安理得...


複式洋房

積分: 128


發表於 18-10-16 20:52 |顯示全部帖子
codeblue 發表於 18-10-16 20:08
我定下了一些會令我啟動離婚程序的底線, 目的不是要放棄佢, 而係要保護家人, 慶幸暫時還算穩定, 但要佢徹 ...

有d婚姻輔導機構,或者一齊去面對問題,一齊去解決,係過程中或者會體會到彼此的好,或者有d刺係你們之間,或者可以解決,結婚多年講有愛情都假,親情就一定有,所以不如努力比大家一個機會再試試?無論對彼此還是對小朋友都好,比多次機會彼此又比多次機會自己?試過唔得,再再諗其他解決辦法。小朋友好無辜,而你又咁有承擔相信佢醒咗就會發覺你的好。你都好好檢討下,兩公婆唔怕當面講講你有咩錯有咩另佢唔鐘意,希望佢可以打開心扉正視自己問題同你傾,唔好輕言放棄呀。婚姻不易,家庭不易,有小朋友的家庭更加不易,彼此珍惜吧!

首頁

尾頁

跳至