跳至
[大埔區] 田千 VS 賽小

首頁
1

尾頁
   7


大宅

積分: 1718


發表於 18-9-7 17:21 |顯示全部帖子
唔睇遠近同硬件 (因為兩間都遠同兩間都FACILITY都好)

我想問下大家有咩睇法?
我見有人話田千好多SEN,同埋學校放羊,唔係好管,又有人話電子學習效果一般(我知道黎緊會轉校長,唔知轉左之後會唔會有咩大改變)

我期望係一間開心學習同唔好太傳統式太谷既學校
(少少谷OK既,有時學習點都要付出,但係唔好太過份啦)

賽小冇乜聽過話好多SEN,同埋可以用書 (非電子書) + 小4先普教中
但係收既班好似比田千少

小朋友得15分,點揀好?
升中方面,係咪兩間都差唔多? (呢個非首要考慮)
叩門的話,係咪兩間都要111?會睇重D咩野多呢?同埋面試會唔會要筆試?我見早幾年有人叩賽小要筆試啊


P.S. 我自己唔係大埔大,對大埔學校唔認識,希望各位大埔地膽家長可以幫忙比D意見。謝謝


男爵府

積分: 6056

畀面勳章 親子達人勳章


發表於 18-9-20 12:52 |顯示全部帖子
Siufatmi 發表於 18-9-7 17:21
唔睇遠近同硬件 (因為兩間都遠同兩間都FACILITY都好)

我想問下大家有咩睇法?


賽小收班少因為係學校設計時, 只得18個課室, 所以當時最盡每級只能收3班
但近年已經擴建左, 小一收生數亦相應上調了

另外電子班方面, 到小四時, 可以選擇入與不入, 因為賽小係Microsoft Mentor School,
電子班係用輕觸式電腦上當的, 唔係用IPAD, 亦會用到較多的Mircrosoft軟件幫助學習.

其實間間津校都有Sen學生的, 只係學校會用咩手法點樣處理.



大宅

積分: 1718


發表於 18-9-20 12:59 |顯示全部帖子
力奇大叔 發表於 18-9-20 12:52
賽小收班少因為係學校設計時, 只得18個課室, 所以當時最盡每級只能收3班
但近年已經擴建左, 小一收生數亦 ...

thank you


大宅

積分: 1718


發表於 18-9-27 10:52 |顯示全部帖子
本帖最後由 Siufatmi 於 18-9-27 15:06 編輯

岩岩去哂兩間小學既開放日/小一初探
係度分享下,可能有家長會想知

咩校評報告呀,升中呀個D就唔講,個D你係網上面應該會搵到資料睇

校巴︰兩間學校都有好多線路既校巴,田千有20線,賽小有十幾,基本上學校都會配合走哂上水粉嶺大埔太和 (田千有沙田線),課後活動之後都會有第2輪校巴

普教中︰田千全普教中,小一會夾雜少少粵語比小孩適應;賽少小4之後全面普教中,初小可以自己揀

電子學習︰田千主要用法,我形容係作為用家既用法,用APP 用WEB SYSTEM去交 assessment,少左抄寫,老師改功課會快左,但係主要係平時既評估,學期尾一樣會有大考, (部份初小既學期英文科會免大考),主要係英文科最多呢D 用APP既教材,而且全校全面使用電子書包。賽小小4以上改用電子書包,可以揀用番傳統書,學校唔會按你用乜書黎分班,都係撈埋一齊,既然如此,相信電子書真係電子書,而非一D要做既習作/評估要計分。上面有家長提到,主要係用MICROSOFT,佢地係用TOUCH,但係WINDOW PLATFORM,對於將來去熟習用電腦係有用既,但係最重要既係,佢地既STEM,係教佢地用科學黎創新思考,E.G. 用Micro:Bit黎做自己既小型電子作品,我覺得係gimmick囉,有冇學識用,我自己唔係太在乎 (事關我自己都係做個D野,自己教可能仲勁) 而係學校既個主張,係令到小孩唔係停留係用家既階段,真係要用腦思考創作,STEM呢個範圍入面,比起只係用外面既完成品,我覺得係更高一個層次。不過真係學到幾多做到幾多?可能只係一將功成萬骨枯,學校當然比好多佢地出外國參賽成功既例子你睇。不過我覺得,呢個方向係好遠大的,我好欣賞。

程度及功課量︰賽小,我都係聽D媽媽講,唔算非常多,但係都有小朋友做到好夜,我覺得呢樣野好個人既…有人快有人慢,不過睇學校既介紹,覺得好似係谷谷地,同埋學校周圍都有貼小朋友既作品 (BOOK REPORT之類?),小朋友既語文能力係好高,BREIFING學校有播片D小孩英文BLABLABLA不過我覺得睇下就算,因為可能都係揀出黎既,未必係人人都咁勁。田千參觀見到D貼堂都係玩既野多,冇咩文字性,比較唔到,但係D野感覺開心D活D。係學校我捉住D同學仔問 (因為係開放日有野玩好多小朋友HELPER),佢地話唔多功課,導修多數做哂。(兩間學校都有導修)


課外活動︰兩間都多,但係賽小compulsory星期5下午有兩節係活動,另外放學後再有其他活動可以報名。田千主要係放學後。星期5下午係?唔記得左,係D閒科,德育?GS?唔記得了,總之唔係玩。

同學仔表現︰賽小得幾個HELPER同揀出黎既畢業生,我覺得好難作準,不過佢地睇落定好多乖好多沉穩好多。田千既好開心,可能因為本來就係開放日,D小朋友個個都好開心好活潑,而且好主動,好多野講,好幫得手好醒目,因為係開放日好多BOOTH,老師可以放手將D BOOTH交比D小朋友自己睇檔,我覺得佢地真係好叻,叻唔係在於係書本上面既學識。感覺上,田千既小朋友好開心好活潑,賽小既同學仔比我感覺個氣質似傳統名校,淡定D

FACILITY︰兩間都好架喇,賽小冇小食部,可以用教大既FACILITY (包括圖書館),建築係教大既一部份,成個結構唔係一般津小既建築結構

鼓勵閱讀︰賽小贏幾條街啊!除左學校攪既閱讀計劃活動,可以用教大圖書館,我見每個課室既入面同門口都會有一箱2箱書,比小朋友隨時睇!!而且學校貼左好多佢地既BOOK + COSPLAY書中人物REPORT,明顯見到小朋友語文能力好之餘仲好中意睇書。跟據當日校長介紹田千只係得一般學校既閱讀計劃,如果有家長知道有其他請補充。

學校教育理念︰賽小主張要多鼓勵小朋友,田千主張開心學習,田千可能因為係新任校長,其實當日BRIEFING PRESENT既表現,講解教育理念等等,其實賽小感覺好好多,而且賽小成個組成黎自教大,對於教育精神 (非為生存同經營一門生意) 我覺得係無可置疑的。作為媽媽,我自己好中意賽小,但係我個女話自己中意田千 (咁緊係啦個日開放日咁多野玩玩得咁開心),不過我自己個女係個D跳跳紮活潑個種,就算我幾中意賽小都好,可能田千會比較適合佢。(田千小勝!繼續考慮中)

我覺得家長如果可以都去參加下呢D開放日,明顯會感受到每間學校既校風唔一樣,校風呢樣野係要靠FEEL出黎,仲有觀察同學既言行舉止,好難靠網上面兩言三語可以講解到。咁當然,網上都會搵到唔少客觀DATA係有用既。REPORT黎到呢度,祝各位小朋友派位一切順利。





點評

snoopymummy    發表於 18-9-27 12:51


禁止訪問

積分: 20075


發表於 18-9-27 13:24 |顯示全部帖子
提示: 作者被禁止或刪除 內容自動屏蔽


複式洋房

積分: 144


發表於 18-9-27 14:32 |顯示全部帖子
Siufatmi 發表於 18-9-27 10:52
岩岩去哂兩間小學既開放日/小一初探
係度分享下,可能有家長會想知

感情詳細分享


大宅

積分: 1995


發表於 18-9-27 20:03 |顯示全部帖子

回覆樓主:

我早排去了田千觀課,小息見學生可以自由在校園走動、玩,感覺呢度嘅小朋友返學係好開心的


大宅

積分: 2576


發表於 18-9-30 18:38 |顯示全部帖子

回覆樓主:

田千的確幾好,鐘意佢哋啲小朋友好開心好活潑好主動


大宅

積分: 1261


發表於 18-10-14 16:15 |顯示全部帖子
我係賽小用家
不過係小一 時間好短 所知甚少
功課真係唔多, 唔太難 基本上冇乜重覆抄寫(個人好唔鐘意重覆抄寫, 冇意義又令小朋友討厭做功課)
學校好想同學多方面發展, 音體藝學術, 所以都有好多唔同的活動比佢地參加
唔好當賽小係happy school 相反, 似一個谷的學校, 不過唔係死谷學術, 而係活谷各方面
聽聞上到小四左右對學術要求會更高, 似係會谷谷地


複式洋房

積分: 144


發表於 18-10-14 18:49 |顯示全部帖子
01350854d 發表於 18-10-14 16:15
我係賽小用家
不過係小一 時間好短 所知甚少
功課真係唔多, 唔太難 基本上冇乜重覆抄寫(個人好唔鐘意重覆 ...

你好,請問活動是 學生自己選擇學咩 定 學校安排?

每個同學可參與幾多樣活動?

謝謝!


大宅

積分: 1261


發表於 18-10-16 23:04 |顯示全部帖子
HeyB2015 發表於 18-10-14 18:49
你好,請問活動是 學生自己選擇學咩 定 學校安排?

每個同學可參與幾多樣活動?

星期一至六都有課外活動自由報名 校隊果d當然校方會挑選 其他就自由報名 太多人報就抽簽 每個學生報名應該冇上限

星期五下午有兩堂多元智能課 類似課外活動 都係抽簽的 有d活動性強 例如閃避球 有d學術性強例如英文玩樂果d


複式洋房

積分: 144


發表於 18-10-19 11:29 |顯示全部帖子
01350854d 發表於 18-10-16 23:04
星期一至六都有課外活動自由報名 校隊果d當然校方會挑選 其他就自由報名 太多人報就抽簽 每個學生報名應該 ...

謝謝分享

首頁
1

尾頁

跳至