男友催婚, 我想工作上再拼搏下

索比
|
[size=1.4em]同男友拍拖3年, 佢喺我人生最低潮時扶持我唔少, 哩點我好感激佢.近半年佢成日提結婚, 話想生仔, 仲要系兩三個, 佢問我系咪覺得佢收入唔夠好, 我兩都系公務員, 31歲,佢約30k, 已max, 我約50k, 未max.我倆財政獨立.
我未有強烈結婚打算, 第一, 我好享受現時拍拖生活和自由, 未有心理準備承擔更多責任.第二, 我好希望喺工作上有進步空間, 所以我會積極進修和全情投入工作, 這些都需要時間. 第三, 我唔抗拒生育, 但一個對我最理想, 懷孕系非常影響事業進展.
男友好似下最後通碟甘, 我想攞少少以已婚男性為角度既意見, 非常感謝!
HDA
|
索比 發表於 18-9-9 16:15
同男友拍拖3年, 佢喺我人生最低潮時扶持我唔少, 哩點我好感激佢.近半年佢成日提結婚, 話想生仔, 仲要系兩三 ...

分開兩方面講,你男友有呢個結婚要小朋友既強烈願望,
而佢有足夠穩定工作及唔低人工,
如果妳繼續拒絕應該好快會分手,
而佢三年內亦會完成結婚生小朋友呢個願望(要快可以好快,見過好多例子)

而分手後你會更積極進修及投入工作,
職位越升越高人工越加越多,
到某個時候想組織家庭時就要有心理準備身邊男仕一係結晒婚一係接受唔到職位人工上同你既差距,
呢D係依家客觀情況,幾年後唔知仲會唔會一樣

索比
|
回覆 HDA 的帖子

謝謝你的全面分析, 我也不是一個願意為工作犧牲感情生活的人, 我希望能兩全其美... 我會再問問男友未來五年的結婚+生育計劃, 希望能相讓達至一個共識, 謝謝你!
20150618bb
|
索比 發表於 18-9-10 18:43
回覆 HDA 的帖子

謝謝你的全面分析, 我也不是一個願意為工作犧牲感情生活的人, 我希望能兩全其美... 我會 ...


bosch
|
無論生幾多個都好,你年紀唔細,真係要好好計劃,要生就快。
cloverliu
|
有冇同男朋友好好傾下?
索比
|
回覆 bosch 的帖子

女性在生育上確有年齡限制, 謝謝你!
索比
|
回覆 cloverliu 的帖子

都有, 佢一路看着我在工作上的努力(包括無數次的挫敗、自我懷疑、失望)他是很理解我的, 他也積極進修中, 希望我們可同步向同一方向繼續走下去吧!
chelsea_jbb
|
回覆 索比 的帖子

男30k, 你50k, 差距咁遠, 你會介意嗎?
索比
|
回覆 chelsea_jbb 的帖子

坦白說, 我不升級 max 約80k我想任何人不論男女也想有個富裕的另一半(不勞而獲的人性)但世事又怎會完美, 我想真的要想想自己人生priority 是甚麽. 有些女性經濟為上, 我理解, 但我自己一來物慾不高(不名牌, 少高消費)二來我經濟上自立, 所以我對另一半收入並沒有太著眼, 我喜歡著眼於自己可控制的事,即完善自己 :)
cloverliu
|
索比 發表於 18-9-16 13:08
回覆 cloverliu 的帖子

都有, 佢一路看着我在工作上的努力(包括無數次的挫敗、自我懷疑、失望)他是很理解 ...
加油
索比
|
回覆 cloverliu 的帖子

謝謝你!
Nando
|
HDA 發表於 18-9-10 10:00
分開兩方面講,你男友有呢個結婚要小朋友既強烈願望,
而佢有足夠穩定工作及唔低人工,
如果妳繼續拒絕應 ...

好認同以上說法。
樓主:假設你已認定男友為你結婚對象,但目前你覺得最大障礙是結婚生仔會拖垮你的事業,讓你事業上停滯不前甚至後退。但我認為你要想一想:
5年結婚生仔計劃,即是你們36歲進行,當你一擊即中,生得黎37歲(好肯定是高齡產婦),到你們65歲退休時,你小朋友只得28歲;況且,好多夫婦,結婚多年才成功生育,所以當你們到達退休年齡,小朋友可能才剛剛大學畢業。這樣,你覺得對你們「家庭」來說,是「理想」嗎?
有人為「事業」放棄愛情,但更多的是為「家庭」放棄事業,你問下BK的ftm就會知道,到你有自己家庭和小朋友,尤其是媽媽,好多都希望陪伴他們成長。
Nando
|
錢真係搵唔晒,但一份真摯的感情、適齡的生育年齡、小朋友的童年期成長階段,係做錢買不到的,那麼你搵50k和80k又有何分別呢?你們兩人經濟條件已經唔差,男友側重結婚生仔其實可以理解,何況大把人結婚生仔後,只要時間分配得宜,一樣可屬有自己事業。樓主真係要認真思考一下。
Nando
|
最後,補充多一點,我睇到你說「感激」一詞,你和他一起,是出於愛還是感激?如果不幸地是後者,我勸你放過你的男友吧,不要浪費他的時間,而你便能夠專注自己事業呢。
索比
|
回覆 Nando 的帖子

首先謝謝你的意見, 一個萍水相逢的網友願意花這麼多的時間回覆我是難得的 :) 所以我也認真細想了你的話.首先在工作上, 薪金當然也重要, 但對我而言, 工作是一個讓我發揮自己和成長的平台, 也帶給我滿足和成就感, 我很享受在工作的挑戰和挫折中進步學習, 所以我真的好想試試自己可走得多遠.
我想了好久, 現階段的我, 真的還未有為家庭犧牲的準備(雖然年紀也不少了), 若勉強為之, 我想這心有不甘的狀態對將來自己和家人也沒有好處.
當然, 男友也有他自己的人生規劃, 我「拖」着他, 對他是不公平的, 因此我會開心見誠告訴他我的意願, 若他認為要離開另覓伴侶, 我會尊重他的選擇.
最後關於「愛」和「感激」, 坦白說, 我對男友的情感包括感情、習慣、感激、關心和信任. 致於「愛」, 對我來說是一個抽象的概念, 甚麼是「愛」一個人?是我20頭的jealousy, clinginess,obsession 嗎(我也不認為這些是愛)...所以我也說不準我是否「愛」他
謝謝你!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽