我向上星期一先炒左個工人, 其實我對佢忍無可忍, 一次又一次挑戰底線, 佢完全溝通唔到, 做野甩漏, 懶, 打斧頭, 臭都算, 上一次大爆火係佢成日向家自拍(明顯無做野!!), 又玩LIVE 將我家上晒佢FB, 同佢講佢仲鬧番我轉頭, 發晒脾氣, 要AGENT 用印尼文警告佢, 話我會報警, 炒佢完全唔駛賠, 佢先死死氣DELETE 晒D野, 已經多次要求唔放假唔番屋企, 又一係要零晨3-4先回家. 佢同我個小朋友同房, 你話小朋友仲駛瞓, 第日咪唔駛做. 佢話自己係回教徒, 但從來未見過佢有任何回教徒要守既行為, 仲成日低胸 熱褲, 連C6都叫我同佢講檢點D.
初初幾日係有D辛苦, 因為要清理佢埋積既野, 同大清潔間屋, 好彩, 我份工, 老闆明事理, 同事又幫下手, 現在上左手, 好左好多, 兩位老細幫下手, 間屋仲乾淨整齊, 伙食好左. (我煮, 同D口咪佢地LIKE D). 現在要煩係放學校假, 人手安排照顧個小朋友, 不過船到橋頭自然直. 唔駛受工人氣. 好掛住以前個好工人, 不過好工人難求, 我都中過1招好多次, 唔係偷野, 就借$, 打個小朋友又有, 搵我過橋申請佢到香港之後玩野, 即刻去舊僱主度, 因為要向舊僱主攞長期服務金同用我個約去同舊僱主要求加人工到6000!!!! 現在個人鬆晒. 開心番好多.