求救~N班返學喊

manwingwing
|
第1-2日因為家長有得陪當然無喊
第3-4日返1個鐘都無喊
第5日因為病所以無返,之後放兩日假
第6日返3個鐘,放學突然之間喊,老師都話唔知咩事,但我女有同我講驚驚驚驚
第7日原本要返6個鐘,返學我一走就爆喊,之後好啲有得聽歌跳舞就無喊,到2個鐘後,個老師話佢喊得好勁,直接回家休息。

好頭痛,佢一喊情緒唔好,可以全日情緒都爆差,小小事就勁喊,之後返學唔知點算,佢仲會喊幾耐,點先可以令佢信任老師情緒好啲
Solarflare
|
個個小朋友既適應期都唔同。
我仔喊左3個月。
一般喊2-3個月係正常既。
佢仲咁細個, 第一次離開照顧者咁長時間, 當然會好驚。
我地做大人要理解同陪伴, 最重要都係一個字 -- 等。
比啲耐性, 佢覺得夠安全感了就唔會喊架啦。
藍尾巴
|
我女喊,佢識講因為掛住我。我教佢掛住我就摸心跳,摸到即媽媽都掛住你,唔洗喊嫁。係屋企又會比佢摸住我同佢心跳,話比佢知一樣。
其實佢未知仲有咩表達方法,所以只有喊,教下佢用其他方法。我女後來摸住心口同我講掰掰就無再喊。
佢話驚,你可以問下佢係咪驚唔見左你,你可以話比佢知(學校最後一個活動)之後媽咪就黎接你。又可以講下佢返學時你做緊咩,例如你返學時媽咪煮飯飯比你食。。。
我要做媽媽
|
你問下佢驚咩喇?同佢做下心裡建設工作?
Nbs
|
藍尾巴 發表於 18-9-14 10:19
我女喊,佢識講因為掛住我。我教佢掛住我就摸心跳,摸到即媽媽都掛住你,唔洗喊嫁。係屋企又會比佢摸住我同 ...

你呢個摸心跳辦法好好,等我都試下!
haha748494
|
都系需要一個適應過程,我都擔心緊細B到時點算。
Max2016
|
我個仔仲嚴重啊,佢頭2日冇喊仲好開心,點知第三日開始就每日返學喊足咁耐,依2日開始仲嚴重,每日訓醒都會好扭計,有時夜晚仲要發夢喊醒,仲話要拖住要出街,有時出完街唔肯入屋,唔肯除鞋,唔肯沖涼,就算沖完涼之後死都要著幾件衫幾條褲,唔比人除!唔知發生咩事,好擔!
manwingwing
|
Max2016 發表於 18-9-18 09:22
我個仔仲嚴重啊,佢頭2日冇喊仲好開心,點知第三日開始就每日返學喊足咁耐,依2日開始仲嚴重,每日訓醒都會 ...

我女到依家都仲有喊,仲超級痴身,好容易就扭計,一抱佢攬到實一實。
返學仲奇怪個老師話佢唔肯係班房食飯,係要去其他地方食。
你小朋友想著多d衫係咪因爲有安全感多d
TFK00717
|
manwingwing 發表於 18-9-14 00:09
第1-2日因為家長有得陪當然無喊
第3-4日返1個鐘都無喊
第5日因為病所以無返,之後放兩日假

適應期真的是因人而異咖。
試想像我們轉新工都要時間適應啦,更何況他們是要獨自處於陌生的環境和不認識的人相處。總會是不安,恐懼..
其實可以俾張照片(專家建議是家庭合照)他拿著讓他想你時拿來看。亦也要明確告訴他你什麽時候(吃完茶點之類)來接他。最重要的向他強調你也是掛住他的(以免他以為你把他放在學校不理他)。
其實返返吓學有其他同學仔一齊玩就會好好多咖啦。適應期這個階段是比較辛苦的,多啲鼓勵他會好啲咖。
台灣小松
|
manwingwing 發表於 18-9-14 00:09
第1-2日因為家長有得陪當然無喊
第3-4日返1個鐘都無喊
第5日因為病所以無返,之後放兩日假

我女返K1 都日日喊足3個鐘

喊到有另一個老師 長時間拖佢 出走廊

又試過喊到嘔

都吾知幾時先完,我估3個月左右

N班 bb仲細,會爆喊更加正常, 等佢喊多一排會自然吾喊架啦。
manwingwing
|
台灣小松 發表於 18-9-23 17:17
我女返K1 都日日喊足3個鐘

喊到有另一個老師 長時間拖佢 出走廊

佢今日好好多肯喊住咁行入班房,之前係夾硬抱佢入去個老師要抱足佢半個鐘,我真係無諗過咁嚴重
千層浪
|
manwingwing 發表於 18-9-24 19:10
佢今日好好多肯喊住咁行入班房,之前係夾硬抱佢入去個老師要抱足佢半個鐘,我真係無諗過咁嚴重
...

你老師好好,肯抱佢半小時
xtinalo
|
藍尾巴 發表於 18-9-14 10:19
我女喊,佢識講因為掛住我。我教佢掛住我就摸心跳,摸到即媽媽都掛住你,唔洗喊嫁。係屋企又會比佢摸住我同 ...

摸心跳辦法好sweet 呀
toutou610
|
我仔仔係細B,讀K1, 初初頭一星期返學無咩野。
到第二星期就係學校成日去TIOLET, 老師話試過5-10分鐘去一次, 但次次都有得痾。
到第三星期返晒3小時,就開始日日返學時勁唔捨得咁同我講拜拜,跟住放學會話係學校喊,因為學校見唔到媽媽~
我會話比佢聽, 掛住媽媽時唔駛唔開心架,掛住媽媽就想想同媽媽開心咁玩吹波水既時候,又想想玩燈籠照照照好開心,返學只係唔見媽媽一陣,個個小朋友都一樣,媽媽返工又會掛住你~~

暫時未有效果,我會試下摸摸心跳既做法, 睇下我仔仔又work唔work先! 聽見佢話返學唔開心,我都有點擔心~

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽