同人鬧交都幾辛苦

三五成群
|
十號風球快到了!我和老公發現停車場,我們個車位旁放在一大箱野是打開的,裏面放在張汽車BB椅,底下可能還有野,其實巳放左好幾日,應該是旁邊車主放下的,我地其實無理,但因為十號風球啦!一定會吹起箱野,生怕會碰到我們的車,到時就慘啦!
於是我地便告訴車場管理員,叫車主攞返D野,否則叫車場先收起來,因為打風啦,D野打到車,或許會打到人,影響安全,那時大約下午5點幾,果位呀姐管理員(年紀大約5X)已經想唔理,又話叫左架啦,人地唔囉都無辦法,我地再三要求,佢話會再call車主答應處理。
我地還打去領展office叫佢跟進一下,因為我地好怕打到來⋯⋯怕架車會被碰花,職員答應處理啦。
到晚上十時多,我們唔放心走去睇下,結果箱野仲係度,我地咪揾個呀姐,佢好死寸,話唔関佢事,個箱甘重唔會攞,等第二更的男人處理,又話自己只係收錢唔係搬野,大大聲,有佢講無人講,我老公火起鬧佢,平日放個水桶在旁佢立即收左佢,果箱擺甘耐又唔收,我們只係想安全啫,平時點擺我地唔理啦
唔知個死八X反鬧返我老公,我地話報警,佢又得戚又大聲話咪打囉⋯⋯我加入戰場,話要投訴佢甘無禮貌,佢當然無有怕啦⋯⋯
我氣難下,結果決定報警,佢知我報警才去處理,警察一來佢就話要放工,我叫佢唔好走囉,對住警察佢仍然有佢講無人講,我同警察講:你見佢個款啦,你知我點解要報警啦!佢根本唔比人講,我只想解決問題⋯⋯最後連個警察都話佢好煩好無禮貌
其實我未試過甘樣報警,甘樣同人鬧完交,個人好唔舒服,覺得D人欺善怕惡,好討厭!
我現在考慮明天打去office投訴佢囉


binbinjojo
|
三五成群 發表於 18-9-16 00:41
十號風球快到了!我和老公發現停車場,我們個車位旁放在一大箱野是打開的,裏面放在張汽車BB椅,底下可能還 ...

你做得好岩呀!你已經忍得好犀利,比我下午已經報警! 最後箱野點?當然要投訴啦!唔係打爛人飯碗,係佢自己唔珍惜工作機會,仲有大把人冇工做,請佢退位讓賢
ilovecafe
|
三五成群 發表於 18-9-16 00:41
十號風球快到了!我和老公發現停車場,我們個車位旁放在一大箱野是打開的,裏面放在張汽車BB椅,底下可能還 ...

其實你唔洗報警,由個阿姐一開始串你,你已經影底個箱的野,影埋阿姐個樣,可以的話可以拍movie 做証,之後打上去office勁丙班寫字樓,要佢地立刻做野,唔好收線搵佢地on duty head,仲要錄埋佢講d乜,等佢無得唔做野。。。最後就算佢地做唔做野,你都應該要寫封投訴信比佢地人事部,同佢講橫豎班人都係唔做野,唔洗請咁多人
三五成群
|
ilovecafe 發表於 18-9-16 04:06
其實你唔洗報警,由個阿姐一開始串你,你已經影底個箱的野,影埋阿姐個樣,可以的話可以拍movie 做証,之 ...

本帖最後由 三五成群 於 18-9-16 15:57 編輯

我有錄佢,不過事先話:你甘無禮貌,我現在錄低比你公司睇。
佢仲寸寸貢話咪錄囉⋯⋯但一開機佢就收聲,我係趁録佢果時鬧返佢炸,因為之前得佢講無人講

三五成群
|
binbinjojo 發表於 18-9-16 01:55
你做得好岩呀!你已經忍得好犀利,比我下午已經報警! 最後箱野點?當然要投訴啦!唔係打爛人飯 ...

正當我同警局傾緊時,見到有人攞走箱野,應該是車主。
我地落返去辦事處話報左警,個惡人立即上去處理,而個疑似車主聽到話報左警,立即調頭走
三五成群
|
ilovecafe 發表於 18-9-16 04:06
其實你唔洗報警,由個阿姐一開始串你,你已經影底個箱的野,影埋阿姐個樣,可以的話可以拍movie 做証,之 ...

本帖最後由 三五成群 於 18-9-16 16:06 編輯

你睇佢幾無禮貌
算啦⋯⋯我本來send左佢個遮左眼的相出來,想下好似不對,我取消了張相


aptcan
|
其實個亞姐都未必怕,現在請人難,佢最多唔做依度,度度都請人!
三五成群
|
aptcan 發表於 18-9-17 13:40
其實個亞姐都未必怕,現在請人難,佢最多唔做依度,度度都請人!

可能架!
我今天打電話去領展投訴佢,話會跟進,5個工作天內覆我
幸好叫佢收埋箱野,個風甘勁,肯定會撞凹架車
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽