終於忍唔住爆左我一個女性朋友了

zoie_w
|
本帖最後由 zoie_w 於 18-9-16 10:51 編輯

呢個女性朋友(A)係由上年開始認識, 之後慢慢熟絡, 本來佢係同另一班女仔FD開的, 但由於另一班女仔裡面有D人應該唔太喜歡我, 所以就算大家成日會見到面, 佢地都唔會叫我埋堆, 而我又試過主動埋, 但係都埋唔到, 咁我就算了! 唔會勉強
我同女性朋友(A)仲有其他人有上其他小組活動, 所以慢慢玩埋左, 而且當時A都有同我訴苦, 大致係話佢地班女仔FD唔理佢之類, 仲講到喊

之後我同A越來越熟, 慢慢佢原先班女仔朋友就無再預佢玩, A就成日因為呢樣野而同我講話因為我, 攪到原先班女仔FD都唔預佢了, 我有次頂唔順同佢講, 不如你同我絕交囉, 去搵番嗰班女仔FD啦! A又話唔係, 但就成日周不時口邊提, 講到好似我欠左佢咁, 佢好為我

但其實我又覺得如果嗰班女仔FD真係有當你朋友, 就算你同一個佢地唔中意既人玩佢地都唔會唔理你囉! 我覺得佢地根本就開始唔想理佢, 見佢又搵到其他朋友咪由得你囉! 但A就唔係咁諗, 佢覺得源頭係因為我, 我勁無奈囉! 同埋亦覺得嗰班女仔FD好幼稚, 埋唔到都唔覺可惜, 亦好慶幸自己埋唔到, 因為我好怕呢D女仔是是非非

就係因為同A越來越熟, 我發覺越來越就佢, 佢就會恰你, 例如: 佢想我幫佢排隊, SIGNIN, 初時一兩次咪算囉, 幫下佢, 但久而久之佢又想我幫, 我就唔想幫, 每次要排成幾個字, 又唔比坐, 仲要勁心急當時一個人都仲未排, 都要我行去排左先, 唔理我岩岩睇完物理治療要休息, 只顧自己要SIGNIN到, 佢又會做番D門面野, 例如: WTAPPS勁會問候你, 關心你, 目的想自己良心好過D, 總之佢想要得到嗰樣野, 但又要靠你幫佢既, 就會勁好聲氣, 又不停咁KEEP住WTAPPS你, 關心你, 叫你小心D, 但其實只係想你幫到佢完成佢心中想要既野, SIGNIN, 攞野, 你幫佢攞野, 佢幾夜都會等你, 試過話唔幫, 佢會比說話你聽, 又話排5分鐘都唔得呀, 如果佢搵到另一個人肯幫佢, 佢會喺我面前或GROUP度勁讚嗰個人,

同佢出街仲煩, 我明佢好小出旺區, 但都唔好下下旨意我啦唔該, 搵唔到路又話我帶左佢去邊, 下! 小姐, 咁大個人自己唔識搵路? 要旨意我? 老實講, 我都係自己摸摸下去行, 你要係咁心急想快D去你想要去既地方, 唔該你預早搵定路囉! 搵路唔係應該大家一齊去解決咩? 去展覽又係咁, 早幾排比我爆佢, 話應該係大家一齊解決, 唔係旨意哂我, 我諗佢都feel到我開始強硬對佢, 佢心情又好買到自己野又多人佢無講野, 仲話係既係既! 佢都好要面

佢好要面, 但又要講, 到我爆佢時又會唔好意思咁叫我收聲, 例如: 佢睇衫睇鞋要問人意見, 本來無所謂, 但有時我忙緊, 佢send d鞋相來, 我唔得閒理佢, 我話我無錢買喇, 唔好燒我呀! 佢以為我話佢, 就講話, 阿某某一直都叫我行街預埋佢呀, 算啦, 我以後唔會再煩你架啦! 講埋哂呢d負氣說話, 陪佢買衫, 問我意見, 又話我答得簡短, 又唔滿意, 成日就喺d朋友面前數我, 早排忍唔住爆佢, 人人性格唔同, 我呢d買野慣左自己一個人睇既, 好小問人意見, 唔通要出個分析report比你咩? 佢可能都覺得自己講出來好瘀, 叫我收聲唔好再爆佢, 我已頂住度氣, 佢買衫好似公主出遊咁, 成日問d sales意見, 人地想做你生意梗係service你啦! 問完又問, 成日問人覺得點, 佢次次問我, 答左佢又唔信人, 煩! 所以佢勁問d sales, 我就情願佢煩d sales好過煩我, 跟住又話我唔比意見佢, 又話我敷衍, 又話我答得簡短, 好煩!

最煩都唔係呢d, 而係, 佢連我既wtapps回覆都要干涉埋, 佢話我回覆唔夠sweet, 應該要sweet d, 加emoji公仔, 咁人地睇落就會好d, 開心d, 佢仲話我咁樣所以d女仔朋友唔中意我, 有次佢好似出席唔到gathering, 如果再追問佢去唔去到, 佢就會成個行事表send出來比我地睇, 話佢有d咩野做, 想我地上心記住佢d野, 但想講, 我又唔係你秘書, 你都未必記到我d野啦! 做咩要記住你邊日幾時得閒? 真有趣, 再問佢去唔去到, 佢話去唔到, 我答"哦", 佢話我應該要扮sad, 加慘樣emoji喎! 救命!

仲有, 佢好中意做埋d小動作, 例如, 佢會特登同其他人fd d, 甚至係會講d奉承佢地既說話, 對我就會倔d冷淡d, 可能係報復我唔理佢, 佢仲有好多朋友關心佢對佢好好! 我係勁憎呢個行為, 要報復咁, 佢到今時今日都仲好介意之前佢班女仔fd會去邊度邊度玩, 會好唔抵得

仲有, 佢係嗰d連對電子產品好弱既人, 但我覺得呢種係依賴, 如果無人幫佢, 我唔信佢唔自己學下整, 唔幫佢淘實又比佢話, 但其實好煩, 之前幫佢淘野, d運費仲要蝕比佢, 我都未出聲, 佢買鞋boot勁重, 夾埋落來我d衫度, 運費咪貴左囉! 我未同佢計, 反而佢幾計較, 有次年宵, 佢睇中隻公仔, 而我睇中公仔揮春, 老闆已經話平比我地, 但佢就覺得好似蝕比我咁, 仲講到出口添, 當堂心都淡, 搵咁多錢都仲計較, 結果佢都係無買到隻公仔, 咁我咪用番原價買揮春囉!

佢一換電話先大笨象呀, 坐喺apple成大半日, 要店員幫佢過歌, set 鈴聲, 呢樣嗰樣, 連店員都忍唔到串下佢, 其他嗰d要sign in, 登記嗰d都係, 現在佢好似已經好左d了! 我唔知, 因為我唔會再理佢, 有次佢send左一堆地址問我邊個方便d ? 下! 我點知你咩事呀, 點為之方便d? 原來佢話佢唔識睇邊個工業大廈係近地鐵站多d方便d喎! 下! 點解自己唔google map下? 我話我自己都係google map架咋! 咁我都有答佢, 但佢見我咁反應覺得我敷衍佢, 唔信我, 佢話佢會再問其他人喎!

講左好多好多, 但其實仲有d野我無講, 早幾日忍唔住爆左佢, 佢仲要惡過我話番我轉頭, 仲話佢咁幫我, 我駛唔駛咁講野, 我係勁怕欠佢人情, 跟住佢都講埋d負氣說話, 話佢其實都好多朋友對佢好好架, 我同佢講祝福你啦! 我真係無能為力了! 我最討厭佢d單單打打說話, 佢話我數佢, 但其實我已經好留情面, 只係話佢疑心大, 令人感壓力, 其他佢d野我都無講, 其實我喺早幾個月已經感到同呢個朋友相處有壓力, 最近已經想疏遠, 唔想連朋友都無得做, 係佢仲要喺度迫我, 我先忍唔住爆佢, 覺得佢好煩, 好煩唔係因為成日要依賴人問人意見, 覺得好煩係, 點解連我wtapps d 回覆都要管埋? 好似當我係佢男朋友咁, 煩到極點, 最唔中意係佢做埋d女仔小家動作, 刻意比說話我聽! 最憎! 已好反感!

good_pig
|
zoie_w 發表於 18-9-16 10:48
呢個女性朋友(A)係由上年開始認識, 之後慢慢熟絡, 本來佢係同另一班女仔FD開的, 但由於另一班女仔裡面有D人 ...

有d人冇朋友,係有原因
zoie_w
|
本帖最後由 zoie_w 於 18-9-16 10:54 編輯

回覆 good_pig 的帖子

A也有優點, 佢份人簡單, 所以相處都舒服開心, 所以先慢慢玩埋, 但缺點都唔少
我最反感係佢對我過於要求, 同埋單打說話比我聽, 大姐, 現在我係你條仔咩?

我係感到有壓力, 可能人係咁, 對越熟既人越唔客氣, 我問同GROUP朋友, 只覺得佢意志力唔夠, 有小小依賴, 唔覺得同佢有壓力, 或需要特別"湊"佢

我會覺得佢揀人來恰
究竟我是誰
|
zoie_w 發表於 18-9-16 10:48
呢個女性朋友(A)係由上年開始認識, 之後慢慢熟絡, 本來佢係同另一班女仔FD開的, 但由於另一班女仔裡面有D人 ...

好長 絕交算了
good_pig
|
zoie_w 發表於 18-9-16 10:52
回覆 good_pig 的帖子

A也有優點, 佢份人簡單, 所以相處都舒服開心, 所以先慢慢玩埋, 但缺點都唔少

簡單都冇同理心,男友都唔係乜都得架
zoie_w
|
回覆 究竟我是誰 的帖子

我谷左好耐, 又搵唔到人呻, 所以只好上來呻啦!
Marycheung1111
|
聽你咁講,呢個女仔好似真係幾難頂
究竟我是誰
|
zoie_w 發表於 18-9-16 10:54
回覆 究竟我是誰 的帖子

我谷左好耐, 又搵唔到人呻, 所以只好上來呻啦!

明白,既然唔夾,疏遠佢喇
manki1610
|
算啦 呢種人只會愈黎愈麻煩 唔同性格真係好難做fed
紫色線
|
好長
raven
|
睇到你寫既都覺得煩,絕交吧啦!
Catcatlove
|
呢啲朋友有好大負累,直頭避之則吉
zoie_w
|
回覆 good_pig 的帖子

覺得佢係點都有D自私, 只顧自己, 成日講到自己好男人性格, SORRY囉! 唔係話你著件男裝, 鐘意玩男人野就代表你好男人囉! 相反, 佢係我見咁多個最女人嗰個, 乜女人唔好既個格都有齊, 例如: 疑心, 心胸窄, 單打, 小氣記仇
佢仲好留意佢之前嗰班女仔FD, 成日同我講: "話人地去邊度邊度玩, 佢地一定係約左去食飯啦! " 咁其實又關你咩事呢?


c.vieri
|
嘩,好長,頭左頭二、三段

比我就疏遠佢算啦,最怕呢d人
wonghiuyeezozo
|
zoie_w 發表於 18-9-16 10:52
回覆 good_pig 的帖子

A也有優點, 佢份人簡單, 所以相處都舒服開心, 所以先慢慢玩埋, 但缺點都唔少

保持距離啦 做朋友不嬲係啱先傾多兩句 唔啱就啱講 令到自己辛苦就唔好再咁close 佢恃同你熟 麻麻煩煩
zoie_w
|
回覆 c.vieri 的帖子


SORRY AR! 我都有諗過好唔好講出來, 但我既然早幾日已經同佢攤牌, 唔緊要啦! 我好想呻下呀! 谷到爆

同埋我預左佢, 之後會勁多小動作, 會刻意多關心GROUP另外兩個女仔, 因為佢想KEEP住有朋友, 會做好多"野" , 又想令我難受, 小小報復心, 想話比我知佢仲有好多好朋友
野原美冴
|
論文咁長
c.vieri
|
zoie_w 發表於 18-9-16 11:04
回覆 c.vieri 的帖子

我都好怕呢種人,做朋友都要講緣份同夾唔夾,勉強無幸福。
zoie_w
|
本帖最後由 zoie_w 於 18-9-16 11:08 編輯

回覆 wonghiuyeezozo 的帖子

係! 恃熟賣熟, 睇人來恰
不過佢有幾次都有搵同GROUP另外女仔幫佢拎野, 買野, 交收等等, 可能知道唔可以成日搵我幫

女仔FD有講過話唔好比佢知有幾多衫款, 否則會好煩, 比佢追住問仲煩, 佢自己又要搵外快, 唔得閒去拎野買野交收
zoie_w
|
回覆 野原美冴 的帖子

打風咁得閒, 咪睇下囉!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽